Ambasadori italian: Berisha të mos shpërbëjë pozitivitetin e pas-procesit elektoral

Nga Muhamet Veliu, TCH

Zoti Ambasador cili është vlerësimi juaj për zgjedhjet e 23 Qershorit?

Ju falenderoj dhe ndjej shumë kënaqësi që po i drejtohem, spektatorëve të Top Channel. Sa i takon zgjedhjeve, mund të themi me siguri se ishte një sukses, që procesi elektoral u zhvillua në mënyrë  të rregullt. Kemi patur për fat të keq disa incidente, edhe të rënda, që na trishtojnë, por sigurisht pjesëmarrja dhe sjellja e popullit  shqiptarë  ka qenë absolutisht positive dhe ka dëshmuar një shpirt të madh demokratik.

Kryeministri Berisha fillimisht e pranoi rezultatin e zgjedhjeve por duket se ai ndërroi mendje kur deklaroi se ai nuk do ta njohë rezultatin pa patur një transparencë të plotë të rezultatit. Si e shikoni këtë zhvillim?

Një prej elementeve që goditi  pozitivisht bashkësinë ndërkombetare, përveç zhvillimit të procesit electoral, ishte ajo që erdhi pas, vazhdimi, pranimi reciprok dhe respekti që palët i dëshmuan njëra-tjetrës. Nga njëra anë duke pranuar rezultatin, nga ana tjetër duke njohur meritat e qeverisë së mëparshme dhe asaj që ishte arritur. Nuk dëshirojmë që ky element kaq pozitiv të shpërbëhet me kalimin e kohës. Nëse nga njëra anë, sigurisht është e rëndësishme të sigurohet tranparenca maksimale e procesit, nga tjetra duhet të evitohet zgjatja e tepruar të afateve dhe në paraqitjen- të dinamikave dhe politikave që mund të ndotin pak këtë analizë të tranparencës. Kësisoj  kërkojmë me forcë që procesi të mund të mbyllet shpejt. E para, edhe në  respekt të popullit shqiptar, i cili u impenjua fuqimisht në procesin elektoral, e dyta për të ruajtur këtë besim të madh që Shqipëria ka marrë nga institucionet ndërkombëtare.

Kryeministri i zgjedhur Edi Rama bëri publik strukturën e qeverisë së re. Cili është impresioni juaj i parë rreth kësaj structure?

Na duket sigurisht pozitive. Disa ministri që ndoshta kishin një gamë të gjërë detyrash, u ndanë dhe kjo natyrisht do të favorizoje ndarjen e punës në mënyrë të barbartë mes strukturave të ndryshme.Nga ana tjetër, natyrisht vleresohët një model që përdoret edhe në Itali prej vitesh, që është ajo e ministrave pa portofol, janë tre, ndersa ne qeverine e mëparshme ishte një. Dy entitetet e reja i përgjigjen paralajmerimit tonë  për disa domosdoshmëri. Raporti me parlamentin dhe ura e qeverisë me parlamentim, dhe nga ana tjeter autonomite lokale,  territori që është dicka shumë e rëndësishmë. Nga një analizë ë parë e strukturës së qeverisë kemi një përshtypje sigurisht shumë positive.

Sipas jush cilat janë disa prej sfidave më kryesore të qeverisë Rama?

Do të përmendja dy gjera; rritje ekonomike dhe punësimin. Është shumë e thjesht, sepse ndër të tjera është problemi qe duhet të përballojmë të gjithë. Shqipëria njohu një periudhë të gjatë rritjeje ekonomike por ajo u ngadëlsua shumë. Tani bëhet fjalë të rinisim rritjen dhe te krijojme punësim, është thelbesor mendoj, ka shumë nevojë. Elementi i tretë që dua të nënvizoj është ribashkimi dhe riforcimi i marëdhënieve me vendet e rajonit, dicka që është i një rendesie të madhe dhe që do të kishte ndër të tjera, një pasojë shumë positive në termat ekonomik të Shqipërisë.

Cilat janë prishmëritë tuaja nga qeveria e re?

Dua të them vazhdimësi e raporteve të shkeqyera që kemi patur gjithnjë me Shqipërinë.  Gjykojmë që Italia dhe Shqiperia janë dy partnerë strategjikë. Gjeografia është, ekzistojnë një seri faktorësh të tjerë të rëndësishmë që e bëjnë lidhjen tonë unike dhe kërkojmë fuqimisht që kjo të mund të forcohet më tej. Nga pala italiane është gadishmëria maksimale dhe kemi mundur të kuptojmë nga batutat e para të qeverisë së ardhshme,se thotë të njëjtën gjë nga ana e Shqipërisë.

Ku do të koinsistojë vijimi i ndihmës së Italisë ndaj Shqipërisë?

Sigurisht synojmë të bëjmë të gjitha përpjekjet për të favoriuar forcimin e marëdhënieve ekonomike. Ka një interes të fortë nga ana italiane për të investuar. Kriza ka vënë në lëvizje shumë gjëra edhe nga ana e sipërmarrësve italianë. Shqiperia shihet me vëmendje shumë të madhe. Mendoj se është një mundësi që duhet të  kapet megjithëse logjikisht duhet të përmirësohet klima sipërmarrësve si dhe kushtet për ti pritur këto investime. Natyrisht ne jemi të gatshëm ti japim mbështetjen maksimale qeverisë së re, me qëllimin që të organizojë masat për lehtesimin e tërheqjes së këtyre investimeve.

Zgjedhjet e kanë ndaluar procesin e integrimit të Shqipërisë në BE. Sipas jush si mund të rinisë ky proces?

Përpara zgjedhjeve, pati një voneseë në afrimin e Shqipërisë me Europen. Aprovimi i tre ligjeve dha dhe krijojë kushtet e mira për ta nisur këtë rrugë. Ne gjysmën e Tetorit  komisioni do të paraqesë raportin e tij. Mendoj se këto muaj që janë mes marrjes së detyrës nga qeveria e re dhe vendimit te Këshillit të Europës,  rreth fundit të Dhjetorit- janë thelbësore. Mendoj se është e nevojshme një vëmendje shumë e madhe për shtetin e së drejtës, për funksionimin e drejtësisë, për luftën kundër korrupsionit, luftës kundër krimit, për forcimin e administratës publike. Këto janë mës të tjerash disa nga 12 prioritetet. Mendoj se nëse do të ketë impenjim të fortë në këto sektorë ekzistojnë të gjithë kushtet për të patur një përgjigje të favorshme nga ana e Europës. Nga ana e Italisë, ne nuk do të mungojmë se kryeri cdo veprim, por i kërkojmë Shqipërisë, që t’na ndihmojë ta ndihmojmë.

Në çfarë këndvështrimi Italia i shikon përpjekjet e deritanishme të Shqipërisë në përmbushjen e 12 prioriteve të vendosuara nga BE-ja?

Nuk ka dyshim për këtë, që Italia është  vendosur në favor të rrugës europiane të Shqipërisë. Shqipëria ka bërë progrese të medha në këto 20 vite, besojmë, pjesërisht edhe në sajë të kontributit dhe ndihmës së Italise. Ne jemi të bindur absolutisht për vendin që Shqipëria duhet të zërë në Europë. Logjikisht do të jetë një vendim i karakterit të përgjithshëm. Ne do të jemi avokatët e Shqipërisë, por e rëndësishme është që kemi elementët për ta vleresuar.

Sa i  mundshëm është marrja e statusit të vëndit kandidat në muajn dhjetor? 

Mendoj se kushtet ekzistojnë. Nese muajt përpara nesh do të përdoren plotësisht për të përmirësuar, shtetin e së drejtës, për të forcuar drejtësinë, për të luftuar korrupsionin dhe krimin, shanset (mundësite) janë shumë të mira. Procesi zgjedhor shkoi shumë mirë dhe do të jetë sigurisht një faktor që do të peshojë shumë në vendimin e Dhjetorit, por ka shumë gjëra të tjera që duhet përmbushen dhe shumë do të varet se si do të përdoret kjo periudhë, nga tani deri në  fund të Dhjetorit.

Laura: Rama do të mbrojë mandatet e vjedhura, por ne jemi të vendosur për transparencë

19:26 Politika

Braçe: Arka e shtetit është bosh, Guvernatori Fullani financoi fushatën e Berishës

09:40 Politika

Tenori Agim Hushi: Mora urime edhe nga Elisabeta II, por jo nga Presidenti i vendit tim

18:16 Politika

Berisha iu përgjigjet komentuesve: Nuk flas në emër të kreut të PD-së, por në emrin tim

18:09 Politika

Këshilltari i Bodes reagon ndaj Alibeajt: Ja faktet si u deformua procesi në Korçë

17:32 Politika

Berisha bën bilancin e Ramës si…kryeministër: Revansh, urrejte dhe mashtrime në muajin e tij të parë

15:34 Politika

Alibeaj: Askush s'mund të hedhë dyshime për mënyrën e zgjedhjes së Bashës në krye të PD-së

15:19 Politika

Topalli: Demokratët, përjetë me Sali Berishën

14:54 Politika

Kolegji Zgjedhor pushon ankesën për Shkodrën, PS kërkon përsëritjen e zgjedhjeve në Lezhë

13:34 Politika

OKB: Shqetësim për “21 janarin”, fajtorët të dalin para drejtësisë

13:04 Politika