Shqipëria vendos precedent gjinor në rajon

Nga Linda Karadaku, SETimes

Qeveria e re e Shqipërisë do të përfshijë gjashtë gra si ministre, që përbën një ndryshim drastik jo vetëm në vend, por edhe vendosjen e një shembulli pozitiv në rajon.

“Pasja e gjashtë grave në qeveri është një hap pozitiv për Shqipërinë dhe rajonin drejt arritjes së standardeve të barazinë gjinore dhe demokracisë të synuar”, tha për SETimes Blerina Metaj, koordinatore programi për Koalicionin për Nxitjen e Grave dhe të Rinjve në Politikë në Tiranë.

Kryeministri i ri i përcaktuar Edi Rama tha se ai ka krijuar një ekip ministrash të rinj për të arritur ndryshimet ku do të përqendrohet qeveria e tij, duke përfshirë forcimin e sundimit të ligjit, frenimin e krimit dhe korrupsionit, ruajtjen e zhvillimit të qëndrueshëm ekonomik dhe zbatimin e standardeve evropiane.

“Kemi ndërtuar një ekip me pothuajse 90 për qind të njerëzve që ulen për herë të parë në karrige ministrore dhe ndoshta me më shumë gra se sa kanë pasur së bashku të gjitha qeveritë e Shqipërisë në këto 20 vite”, tha Rama më 31 korrik.

Ligji mbi Barazinë Gjinore kërkon “përfaqësimin e të paktën 30 për qind e të dyja gjinive në çdo institucion, në nivel drejtues, organ të emëruar, parti politike”. Përbërja e qeverisë së re, që merr detyrën muajin e ardhshëm, gjithashtu i plotëson kërkesat e konventave ndërkombëtare.

“Ndihem kaq mirë që Shqipëria po ndërmerr hapa të mëdha në barazinë gjinore duke pasur 30 për qind të grave në përbërjen e qeverisë së saj. Unë jam e bindur që të gjithë ne së bashku do të jemi një zë i fuqishëm në qeverisje dhe do të kryejnë me përgjegjësi të plotë punën në pozicionet përkatëse”, tha për SETimes Klajda Gjosha, ministrja e re e caktuar e integrimit evropian.

Gjosha tha se Shqipëria ka bërë një rrugë të gjatë në hapjen e mundësive për gratë duke plotësuar me rigorozitet një nga prioritetet kryesore të BE-së në fushën e barazisë gjinore. Sipas BE-së, “hendekët gjinorë mbeten dhe në tregun e punës, gratë janë ende të mbi-përfaqësuara në sektorët me paga më të ulëta dhe të nën-përfaqësuara në pozitat vendimmarrëse” ashtu si në shumë prej vendeve të shteteve anëtare.

Fqinji i Shqipërisë, Kosova, ka tre gra në kabinet. Të gjithë 42 zëvendësministrat në qeverinë e kryeministrit Hashim Thaçi janë burra, siç janë edhe kryetarët e 38 komunave të Kosovës.

Zëvendëskryeministrja e Kosovës dhe Ministrja e Tregtisë dhe Industrisë Mimoza Kusari-Lila tha se partitë politike duhet të forcojnë pozitat e grave dhe t’i nxisin ato në role drejtuese.

“Vendi ynë ka stereotipe gjinore femërore, kështu që përfshirja e tyre në pozita drejtuese është një nga investimet më të mira që ne mund të bëjmë si shoqëri. Shoqëria kosovare do të ndihmohej përmes promovimit të suksesshëm të grave, për të hequr stereotipet dhe për të vlerësuar gratë bazuar në punën dhe suksesin e tyre dhe jo në bazë të gjinisë së tyre”, tha Kusari-Lila për SETimes.

Deputetja e Kosovës Alma Lama ndan të njëjtin shqetësim. Ajo tha se përfshirja e grave në pozita ekzekutive është po aq e rëndësishme sa prania e tyre në parlament.

“Gratë, që janë të pranishme në këto institucione, kanë mundësinë të ndikojnë pozitivisht jo vetëm në çështjet mbështetëse për gratë, por edhe në projekte të tjera që ndikojnë në jetën e qytetarëve. Arsyeja pse ka kaq pak gra në pozicione qeveritare ka të bëjë me mungesën e vullnetit nga ana e burrave për të ndarë pushtetin me to, si edhe mungesa e gatishmërisë nga ana e grave për të luftuar për pozita më të larta,” tha Lama për SETimes.

PD ndërron kurs në Kosovë? Lulzim Basha i shkruan letër Hashim Thaçit

12:40 Rajoni

Çeku blen tetë fuoristrada Mercedes për 720 mijë euro

10:54 Rajoni

Haradinaj: PDK duhet të shkojë në opozitë për të mirën e Kosovës

10:48 Rajoni

Erdogan u bën apel turqve: Duhet të lindni së paku nga tre fëmijë

20:56 Rajoni

Mustafa: LDK do e mundë Thaçin

19:12 Rajoni

FOTO REPORTAZH/ Na ishte njëherë Jugosllavia

11:47 Rajoni

Gjashtë udhëtime në Bruksel, 28 mijë euro

10:54 Rajoni

Prefiksi i Kosovës do jetë +383? Brukseli nuk e konfirmon

17:41 Rajoni

Edhe sheshi kryesor i Shkupit do marrë një pamje klasike

13:00 Rajoni

Tahiri: Zgjidhja për Gazivodën dhe Trepçën, sipas ligjeve ndërkombëtare

12:13 Rajoni