Te fundit
Rezultatet, LDK udheheq Prishtinen, Gjilanin dhe Pejen, Thaci merr Prizrenin
3 Nëntor 2013, 23:03Politika
TEMA
Isa Mustafa dhe Shpend Ahmeti duket se do të jenë në balotazh në Prishtinë, thonë burime nga LDK dhe Vetëvendosje.
Pritjet e Lidhjes Demokratike të Kosovës se do të fitojnë qysh në raundin e parë në Prishtinë, si herën e kaluar, kanë dalë të pasakta.
Dalja e madhe në votime në Prishtinë, rreth 51 për qind, që llogaritet të jetë rreth 15 për qind më shumë sesa në zgjedhjet e kaluara, i ka dhënë shpresë Lëvizjes Vetëvendosje, e cila, , nga numërimet e deritashme, duket se ka siguruar pjesëmarrjen në balotazh.
Edhe burime brenda LDK’së kanë konfirmuar se Isa Mustafa pritet të përballet me Shpend Ahmetin e Vetëvendosjes në balotazh.
Sipas rezultateve të para të Demokracisë në Veprim, kryetari aktual i Prishtinës, Isa Mustafa edhe kësaj radhe është duke prirë në garën për Prishtinën. Sipas DnV-së, Isa Mustafa është duke prirë me 43.6 për qind të votave, i ndjekur nga Shpend Ahmeti i VV-së, me 31 për qind
Gazmend Muhaxheri, Kandidat i Lidhjes Demokratike të Kosovës për Kryetar të Pejës, është duke prirë përballë kryetarit aktual, Ali Berisha, të Aleancës për Ardhmërinë e Kosovës.
Nga numrimi i 21,68 për qind të votave, Gazmend Muhaxheri prin me 45,09 për qind kundrejt Ali Berishës që ka aktualisht 33,84%.
Pas luftës LDK ishte e pamposhtur në Pejë, dhe ishte fituese e dy palë zgjedhjeve. Pas ndarjes së LDK’së, që ndodhi pas rrahjeve me karrige në Kuvendin e VI Zgjedhor, AAK mori primatin në Pejë, ku kandidati i saj Ali Berisha u zgjodh në dy mandate kryetar.
Kandidatët e LDK’së u treguan deri në këto zgjedhje të dobët përballë tij. Pas shkrirjes së partisë Ora në LDK, me ç’rast Gazmend Muhaxheri mori drejtimin e kësaj partie në Pejë, mbështetje për këtë parti u rrit, duke i mundësuar asaj pjesëmarrjen e sigurt në balotazh.
Është pritur një garë e ngushtë zgjedhore mes Ramadan Mujës dhe Eqrem Kryeziut, ne Prizren, madje është vlerësuar se PDK rrezikohet seriozisht në këtë qytet, por duket se verdikti i qytetarëve nuk ka qenë i tillë që kthen përmbys qysh në raundin e parë pushtetin në këtë vend.
Kandidati i Partisë Demokratike të Kosovës, Ramadan Muja, sipas numërimeve të deritashme të votave, bazuar në të dhënat e partive politike, është duke prirë në Prizren.
Trendi i deritashëm i numërimit, që kalon rreth 20 për qind, nxjerr në balotazh Ramadan Mujën me Eqrem Kryeziun e LDK’së.
Vlen të theksohet se në vendin e tretë është rënditur Zafir Berisha.
1 komente në “Rezultatet, LDK udheheq Prishtinen, Gjilanin dhe Pejen, Thaci merr Prizrenin”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po Partia e Fort???