Meta paralajmëron rrëzimin e dekretit të Nishanit në Parlament: Ligji për nëpunësin civil do të zbatohet

 “Do të procedohet në mënyrë konstruktive, parimore dhe transparente.”

Duke u treguar i matur për ta cilësuar përplasje të parë mes mazhorancës dhe Presidentit të Republikës Bujar Nishani kthimin prej tij për rishqyrtim në Kuvend të Aktit Normativ për nëpunësin civil, Kryetari i Kuvendit Ilir Meta dha këtë përgjigje për pyetjen si do të veprohet me dekretin e presidentit Bujar Nishani.

Kur thoni konstruktiv, do të thotë që do ta rrëzoni dekretin e Presidentit?

Këtë do ta vendosë Parlamenti.

A mund të quhet kjo përplasja e parë mes Presidentit dhe mazhorancës?

E para, çdo institucion ka përgjegjësitë e tij; së dyti, ndarja e pikëpamjeve nuk do të thotë se ka diçka që nuk shkon. Demokracia prandaj është e bukur, se jo të gjithë mendojnë njësoj.

Por, megjithë maturinë e kryeparlamentarit për ruajtjen e raporteve instutucionale të mazhorancës së majtë me Presidentin Nishani, Ilir Meta thotë se synimi i Aktit Normativ nuk është ndryshimi i ligjit për nëpunësin civil, ndryshe nga sa argumentonte Presidenti se një ligj sipas tij nuk ndryshohet me Akt Normativ.

Kjo nënkupton se dekreti i Presidentit nuk do të gjejë mbështetjen e mazhorancës, e cila pritet të lërë në fuqi Aktin Normativ. Meta e përforcon këtë me argumentin se ai vetëm synon bërjen e ligjit të zbatueshëm, duke sjellë në vëmendje se akti mori edhe mbështetjen e progres-raportit. Por, dekreti i Presidentit shënoi rastin e parë ku ai i del kundër mazhorancës për një nismë që gjithashtu pati edhe kundërshtimin e fortë të demokratëve. A do të ndikojë kjo në marrëdhëniet mes Nishanit dhe mazhorancës? Ilir Meta thotë:

“Ne do të vazhdojmë të bashkëpunojmë duke përmbushur secili institucion detyrimet e tij.”

Dekreti i presidentit do të nisë të hënën shqyrtimin në Komisionin e Ligjeve, sallë në të cilën pritet të rikthehet debati për administratën publike mes mazhorancës dhe opozitës, por këtë herë aktor është edhe kryetari i shtetit./TCH

Dritëro Agolli: Kërkesa ndaj Shqipërisë për armët kimike, si gomari që e ftuan në dasmë

14:38 Politika

Rama, Meta, Kodheli dhe Arvizu, takim informal tek "Sheraton"

14:30 Politika

Edhe Berisha bën thirrje: T’i themi ndal poshtërimit dhe regjimit kleptokratik të Edi Ramës

14:23 Politika

Arben Frroku para gjykatës: Jam i pafajshëm, s’kam lidhje me vrasjen

14:15 Politika

AFP reportazh për Lazaratin: Çifligu shqiptar me kanabis në zemër të trafikut në Europë

14:14 Politika

Basha: Të ngrihemi për të shpëtuar votën e lirë, nuk e dorëzojmë demokracinë

14:13 Politika

Zef Brozi: Të ndodhte 21 janari në SHBA, Berisha do të ishte në burg përjetë

09:40 Politika 1 koment

Basha nuk është kundër armëve kimike, por kërkon që qeveria të jetë transparente

20:50 Politika

INTERVISTA/ Bojaxhiu flet për Zërin e Amerikës: Pallati i Vlorës ka hipotekuar detin. Ngrita padi ndaj Gjikës

19:32 Politika

Mos i lini të hyjnë brenda!

19:18 Politika