Kuvendi: Më 28 dhjetor nis diskutimi për buxhetin e vitit 2014

Kuvendi ka miratuar pasditen e së hënës kalendarin e punimeve të sesionit, që parashikon mes të tjerash debatin për projekt/buxhetin e vitit 2014 më 28 dhjetor dhe votimin e tij brenda datës 31 të të njëjtit muaj.

Që në nisje të seancës, deputetja e Kuvendit, Jozefina Topalli, ka akuzuar kreun e Kuvendit, Ilir Meta se të gjitha procedurat e Kuvendit janë kundër rregullores.

Sipas saj, është duke u vepruar në këtë mënyrë për të fshehur draftin e buxhetit.

I menjëhershëm ka qenë edhe reagimi i kreut të Kuvendit, Ilir Meta.

Ky i fundit tha se është zbatuar vetëm rregullorja dhe veprimet në lidhje me diskutimin e buxhetit të vitit 2014, janë bërë konform të gjitha rregullave të rregullores së Kuvendit.

“Nuk kemi asnjë shkelje të rregullores së Kuvendit, po të kemi parasysh që diskutohet për projektligjet financiare të vendit”, tha Meta.

Ndërkaq ish-kryeministri, Sali Berisha, ndërsa e cilësoi buxhetin e vitit 2014 si klandestin, kërkoi që t’i jepet edhe dy ditë kohë, me qëllim që buxheti të konsultohet me qytetarët.

Më shumë kohë për diskutimet e projekt-ligjeve, me grupet e interesit dhe me qytetarët ka kërkuar edhe Edi Paloka në emër të grupit parlamentar të PD.

Sipas kreu të grupit parlamentar të demokratëve, ardhja me vonese e buxhetit në Kuvend, bëhet me qëllim që shqiptarët të mos marrin vesh se çdo të bëhet me paratë e tyre.

Paloka tha se me taksën progresive të qeverisë Rama-Meta, të gjithë shqiptarët pa përjashtim do të paguajnë më shumë dhe do të bëhen më të varfër.

Ndërkaq kryetari i grupit të socialistëve, Gramoz Ruçi, ndërsa justifikoi para kolegëve të tij vonesën e buxhetit, shprehu gatishmërinë për të shtyrë dhe me 48 orë miratimin e buxhetit me kushtin që të miratohet brenda kalendarit, duke përcaktuar si kufi maksimal 31 dhjetorin.

Berisha: Administrata nuk do marrë shpërblim sepse fondet janë shpenzuar për orgji

18:11 Politika

Ahmetaj: Nga taksa progresive përfitojnë 338,872 tatimpagues (VIDEO)

17:38 Politika

Nishani i ankohet Kuvendit: Më keni përgjysmuar buxhetin, kisha në plan të shkoja dy herë në SHBA

17:33 Politika

Shqipëria është gati t'i afrohet Europës

15:54 Politika

Dosja “Imami” tek task- forca/ Nëse konfirmohen dyshimet, hetimi në Prokurorinë e Përgjithshme

15:42 Politika

Rama premton ndërhyrje drastike në bregdetin e jugut

14:48 Politika

Basha: Buxheti i ri, rrënim për vendin. Shqiptarët po shkojnë 100% drejt varfërisë (VIDEO)

14:25 Politika

FOTOT/ Po halla ku është...?

12:48 Politika

Naço propozon emërimin e magjistratëve të rinj në gjykata, KLD ia rrëzon propozimin

12:33 Politika

Buxheti i vitit 2014/ Cani: Do shlyejmë 350 milionë USD borxh biznesit

11:39 Politika