Nëna e peshkatarit të vrarë nga Sinanaj: E kam përjetuar si vrasje të dytë

Nëna e Sokol Veizit, peshkatarit të vrarë më 25 gusht të vitit 2012 në Orikum nga Julian Sinani, e ka përjetuar si një vrasje të dytë deklaratën e vrasësit me pagesë, i cili pranoi krimin pak ditë më parë.

“Si mos më keq. Njëlloj si atë ditë që më vranë djalin. Në fakt duhej të isha më e qetë tani që autori i vërtetë i vrasjes së Sokolit është në burg, por nuk jam qetësuar aspak. I kam ndjekur çdo ditë lajmet, që prej ditës që ai u arrestua dhe kur dëgjoj çfarë rrëfen e çfarë krimesh ka kryer, më duket sikur po përjetoj ende të njëjtën dhimbje që përjetova kur ma vrau djalin”, shprehet ajo për Panoramën.

Nazo Veizi shprehet se nuk gjen aspak qetësi kur mendon se i biri u vra për një apartament dhe se 27 nëna ndjehen kështu si ajo.

“Do të ma kthejnë djalin mua ata që do të vendosin drejtësi?! Ata që çfarë nuk thanë për djalin. Nuk ma vranë një herë, ma vranë disa herë. Ma vrau ai që sot pranon krimin. Ma vranë ata që flisnin lart e poshtë që djali im ç’nuk kishte bërë. Kishte qenë trafikant, hajdut, madje dikush mendonte se edhe mund të ishte vrasës. Ma vranë kur arrestuan një djalë nga Orikumi dhe thanë se e kishte vrarë, sepse Sokoli im i kishte ngacmuar gruan. Çfarë nuk thanë për të”, shprehet nëna.

Nazo Veizi tregon se Sokoli ka një djalë 21 vjeç, Elisin.

“Djali është bërë keq, që kur ka marrë vesh lajmin. Më ka ikur nga shtëpia. Më thotë se do të vrasë veten se nuk jeton dot kështu. Nuk lë unë njeri të marrë hak ndaj askujt. Ai krimineli tani ka frikë. Ka marrë para, toka e shtëpi duke marrë jetë njerëzish dhe tani kërkon që t’i mbrohet familja. Po ne, familjet e viktimave që shkaktoi ai, kush do na mbrojë?”

Ajo tregon për motivin e mundshëm, për të cilin dyshon se mund të jetë porositur vrasja e të birit.

“Ja t’ua shpjegoj. Genisi ishte i afërm i vëllezërve Mëhillaj që kishin tokën ku po bënte shtëpinë Sokoli. Nuk e di se çfarë i ka saktësisht. Por, djali kishte rënë dakord me dy vëllezërit, që tashmë jetojnë prej vitesh në Vlorë. Ata e kishin lejuar që të bënte shtëpinë aty dhe paratë për tokën t’i shlyente avash- avash. Ndërkohë që ne mblidhnim të vjelat dhe punonim tokat e tyre dhe i ndanim përgjysmë, sepse marrëdhëniet i kishim shumë të mira. Kur ishin hapur themelet dhe po punohej me traktor, Genis Mëhillaj vjen aty dhe nis të debatojë me traktoristin. Debatin e dëgjon edhe Sokoli dhe shkon të flasë me të. Ndërsa Genisi i thotë që nuk lejon të ndërtojë aty sepse është toka e tij dhe do t’ia shembë muret nëse do të vazhdojë t’i ndërtojë. Djali i thotë që kishte rënë dakord me Agronin, kushëririn e Genisit. Flasin në telefon dhe u qetësuan disi”, tregon Nazo.

Nëna e Veizit thotë se i kanë hyrë në hak Bekimit, djalit që u arrestua gabimisht për vrasjen e Sokolit.

Oketa: S’e përjashtojmë bashkëpunimin me PS. Në Kuvend ka deputetë të lidhur me krimin

09:29 Politika

Malltezi: Do iu nis sërish mesazhe Fevziut dhe Hoxhës pasi më japin kënaqësi

09:04 Politika

Vasili: Mesazhet e SHBA nuk po dëgjohen mirë nga opozita

20:17 Politika

Bizneset që preferojnë shqiptarët

19:50 Politika

Manjani: Nuk ka pazar me reformën territoriale

19:00 Politika

Akuzat ndaj policisë, Ministria e Brendshme: Politika e PD favorizon krimin

16:38 Politika

Mazhoranca paralajmërom miratimin e reformës territoriale pa opozitën

15:32 Politika

PS: Reagimi politik i Nishanit për anëtarët e Gjykatës së Lartë, rast i paprecedentë

14:38 Politika

Nausika Spahia: Akuzat ndaj meje janë shpifje

14:18 Politika

Akuzat ndaj inspektorit të Vlorës/ Liçaj: Videoja e pavërtetë, do kallëzoj Palokën

14:20 Politika