Te fundit
Venizelos- Meta: Përmbushja e prioriteteve të BE-së nga Qeveria, shtysë për progresin e vendit
21 Shkurt 2014, 13:57Politika
TEMA
Zv. Kryeministri dhe ministri i Jashtëm i Greqisë Evangelos Venizelos thekson se përmbushja e prioriteteve të BE-së nga ana e Qeverisë shqiptare do të jetë një shtysë e rëndësishme për progresin e vendit . “Greqia e konsideron avancimin e integrimit evropian të Shqipërisë si kyç për të gjithë rajonin”, u shpreh zv. Kryeministrin dhe ministri i Punëve të Jashtme të Greqisë Evangelos Venizelos gjatë takimit me Kryetarin e Kuvendit Ilir Meta.
Venizelos rikonfirmoi angazhimin maksimal të Greqisë gjatë Presidencës së radhës së Këshillit të BE-së, duke vënë në dukje se përshpejtimi i axhendës evropiane të Shqipërisë do të jetë një nga prioritetet kryesore gjatë muajve të ardhshëm.
Meta shprehu angazhimin për avancimin e reformave të rëndësishme që kërkojnë qytetarët duke rikonfirmuar se Kuvendi i Shqipërisë do të luajë rolin e tij në funksion të mbarëvajtjes së një fryme dialogu konstruktiv dhe produktiv politik mes palëve. Kryetari i Kuvendit vlerësoi angazhimin e Greqisë në funksion të perspektivës evropiane të Shqipërisë dhe theksoi se Shqipëria mbështetet tek Greqia dhe pesha e saj gjatë Presidencës së Këshillit të BE-së për të avancuar me përmbushjen e prioriteteve të Komisionit Evropian.
Meta dhe Venizelos ndanë bindjen se roli i diplomacisë parlamentare ka një rëndësi të veçantë jo vetëm për perspektivën evropiane të Shqipërisë por përbën një urë solide komunikimi edhe në marrëdhëniet dypalëshe mes Greqisë dhe Shqipërisë.
3 komente në “Venizelos- Meta: Përmbushja e prioriteteve të BE-së nga Qeveria, shtysë për progresin e vendit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
mbajeni mir me kto aman se kane presidencen tani kto e po na djegin kot me kte BE.
Po, dhe ti japin dhe ndonje 200 milje det te tjera.., te ndryshojne dhe rrjedhen e Vjoses.
Fix fare
Pavaresisht cdo hapi te sakte dhe te mire te Z.Rama, edhe Z.Meta s`mbetet pas.. Bravo te dyve per gjithcka qe beni ne te mire te ketij vendi ! ?