Naço: Gjithëpërfshirje për rritjen e besimit në sistemin e drejtësisë

Ministri i Drejtësisë, Nasip Naço, vlerësoi si shumë të rëndësishme përfshirjen e të gjithë aktorëve në rritjen e besimit të qytetarëve në sistemin e drejtësisë dhe shprehu angazhimin e qeverisë shqiptare, në drejtim të përmbushjes së të gjitha ndryshimeve reformuese për arritjen e këtij qëllimi.

Naço po zhvillon një vizitë zyrtare në Austri ku është takuar me homologun e tij Wolfgang Brandstetter.

Kontributi i Ministrisë austriake të Drejtësisë në reformën e sistemit të drejtësisë, veçanërisht në krijimin e një sistemi të ri për vlerësimin e gjygjtarëve dhe prokurorëve ishin temë e takimit midis dy ministrave.

Ministrat Naço dhe Brandstetter kanë diskutuar edhe mbi mundësinë e nënshkrimit të një marrëveshje bilaterale bashkëpunimi në fushën e drejtësisë, për të cilën ekspertët e të dyja vendeve do të nisin punën në nivel teknik. Gjatë takimit, ministri Naço vlerësoi bashkëpunimin me prokurorinë e krimit ekonomik dhe korrupsionit në Vjenë si dhe shfaqi interes për  mundësinë e instalimit të Sistemit Informativ të Drejtësisë (RIS) në Shqipëri.

Ndërsa është ndalur në nevojën e asistencës në drejtim të reformimit të sistemit gjyqësor, Naço theksoi rëndësinë e konsolidimit të bashkëpunimit të mëtëjshëm për të mundësuar forcimin e shtetit të së drejtës.

Ministri Brandstetter është shprehur i gatshëm për nisjen e një bashkëpunimi në nivel teknik që do të krijonte mundësinë e trajnimeve dhe shkëmbimit të eksperiencës, duke garantuar rritjen e standardeve në sistemin e drejtësisë.

Brandstetter e ka vlerësuar integrimin e Shqipërisë në Bashkimin Evropian si përmbushjen e një aspirate që ka mbështetjen maksimale të Republikës Federale të Austrisë.

Në vijim të takimeve zyrtare, gjatë vizitës së tij në Austri, Ministri Naço është pritur edhe nga Presidenti i Gjykatës Kushtetuese Gerhart Holzinger.

Ministri Naço e ka njohur Holzinger me nismat te cilat janë planifikuar në kuadër të reformimit të sistemit gjyqësor në vendin tonë, pjesë e të cilave është edhe reformimi i Gjykatës Kushtetuese.

Naço e informoi Holzinger se për realizimin e të gjitha reformave është kërkuar edhe asistenca e Komisionit te Venecias, ndërsa ka vlerësuar si mjaft të rëndësishme ngritjen e grupit këshillimor i cili pritet të japi ekspertizën e tij mbi të gjitha zhvillimet e mëtejshme të sistemit të drejtësisë.

“Duhet të kapim kohën e humbur dhe ndihma juaj do të ishte më vlerë të jashtëzakonshme në këtë drejtim. Puna juaj është një shembull mjaft i mirë, i cili duhet ndjekur për arritjen e rezultateve pozitive”, u shpreh Naço.

Në këtë kuadër, Holzinger ka shprehur vullnetin për të dhënë ndihmë në reformimin e sistemit të drejtësisë shqiptare drejt konsolidimit të shtetit ligjor.

U japin shoferëve të autobusit si porosi për ta çuar në Athinë një çantë me ... kokainë

11:42 Kronika

Krimet e Rënda/ Gjykata lë në burg të akuzuarit për terrorizëm (VIDEO)

10:25 Kronika

Berisha: Policia nuk i raporton më vjedhjet e banesave

18:09 Kronika

Një kuti kartoni terrorizon bankën/ Psikiatria: “Tritoli” ka shtuar të sëmurët mendorë

11:40 Kronika

Eksploziv në pallatin e deputetëve dhe muxhahedinëve/ Dako: Kanë ngatërruar adresë, s’e kishin me mua

10:18 Kronika

Shpërthim në banesën e biznesmenit në Tiranë, plagoset një grua

11:12 Kronika

Përcillet na banesën e fundit Ferdinand Poni/ Basha: Na iku kapiteni i pushtetit lokal

15:13 Kronika

Shpërthimet me lëndë plasëse në Fushë-Krujë, arrestohet një i dyshuar

10:53 Kronika

VIDEO/Sekuestrohet një arsenal armësh, 3 në pranga

08:44 Kronika

Në Tiranë kthehen në modë kallëzimet e rrema për përdhunim...

10:34 Kronika