Prezantohet paketa mbështetëse për fasonet/ Rama: Ju mbrojmë me mish e me shpirt. Ja lehtësirat! (VIDEO)

Kryeministri Edi Rama shpreh mbështetjen maksimale ndaj biznesit fason, ndërsa theksoi se kjo industri mbrohet me mish e me shpirt nga shteti.

Ndërsa ishte i pranishëm në prezantimin e paketës së re fiskale për fasonerinë, Rama theksoi se ajo është hartuar jo në bazë të dikatit të Qeverisë apo një ministri ndaj jush, por duke mbledhur dhe shqyrtuar propozimet tuaja një nga një me përgjegjshmëri maksimale.

Madje Kreu i Qeverisë nuk ngurroi të shprehte falenderimet për biznesin fason kur tha se atë që Qeveria kishte mësuar gjatë takimeve dhe bashkëbisedimeve me përfaqësues apo shoqatat e këtij binesi, nuk mund tia këshillonin asnjë prej ekonomistëve të nderuar që sot ka vendi apo këshilltarëve të zot.

“Kjo mbështetje që do të marrë formë me këtë paketë vjen në bazë të analizës me shumë përgjegjshmëri nga ana e qeverisë të të gjitha kërkesave nga ana e industrisë dhe në bazë të procesit të sintezës së këtyre propozimeve dhe jo në bazë të një diktati tradicional nga ana e qeverisë. Hapi i parë ka qenë ndërtimi i një konsultimi të gjerë me të gjithë ju dhe kemi marrë një për një të gjithë listën e propozimeve të bërë nga takimet që janë organizuar nga Ministria e Zhvillimit Ekonomik, dhe sot jemi këtu për të thënë që jemi gati të celim një kapitull të ri për industrinë. Pa kontributin e të gjithëve ju kjo do të ishte praktikisht e pamundur”, iu drejtua Kryeministri të pranishmëve gjatë prezantimit të paketës së re fiskale.

Duke iu referuar modelit ekonomik të deritanishëm, Rama tha se ka përfunduar plotësisht koha kur modeli bazohet mbi remitancat e emigrantëve, industrinë e mjedisit, e marrjes së kredive të dhunshme nga qeveria prej biznesit, si borxhe që nuk shlyheshin ka përfunduar. Në këtë kuadër, Kreu i Qeverisë tha se do shikojmë nga burimet e reja të rritjes dhe padyshim që është dhe ky sektor dhe ai i manifakturës në përgjithësi.

“Është shumë e rëndësishme që të gjithë ata që kontribuojnë në këtë industri, duhet që të bashkëpunojnë me AIDA-n, për të promovuar markën Made in Albania, përmes një fondi special dhe pjesëmarrjen në panairet ndërkombëtare. Do të krijojmë edhe një show room për prezantimin e biznesit fason”, deklaroi Kryeministri Edi Rama.

Në vijim të prezantimit të lehtësira, Kreu i Qeverisë theksoi se deklarimi i punonjësve do të bëhet online dhe koha do të shkurtohet në 10 ditë, ndërsa shtoi se industria fasone do të mbështetet me burime njerëzore përmes kurseve profesionale të drejtuara nga praktika në punë dhe këtu vjen një pjesë e rëndësishme se si do të kountribuoni ju nga shteti.

Një tjetër risi, sipas Ramës që ofron paketa fiskale, është që paratë që ky biznes i paguan shtetit është sërisht në dispozicion të fasonerisë. Në vijim Rama bëri të ditur hapjen e 3 shkollave profesionale në tre qytete të vendit dhe shkollat do të jenë ngushtësit të lidhura me fabrikën.

“Jemi duke negociuar me KFË dhe Kooperacione Italiane me një fond prej rreth 37 milionë euro dhe një pjesë e konsiderueshme do të shkojë për ju”, tha Rama.

Një tjetër ndërhyrje, sipas Kreut të Qeverisë, është ajo në Kodin Doganor që ky sektor të përfitojë që tani. “Jemi në diskutime për mënyrën se si do të trajtohen mbetjet, firot dhe kjo në kodin doganor është e zgjidhur, por që do të hyjë në fuqi në vitin 2015. Por s’ka kohë për të pritur. Prandaj do bëjmë një ndërhyrje në kodin ekzistues për të trajtuar këtë problem”, nënvizoi Rama.

Kryeministri ka kërkuar edhe bashkëpunimin e biznesit për të shkuar përpara, duke theksuar se ne mund të shkojmë shumë përpara nëse arrijmë sinergjinë mes biznesit dhe industrisë.

“Ne jemi të gatshëm për këtë betejë por na duhet ndihma dhe mbështetja juaj.  Të gjithë nëpunësit shtetëror duhet ta marrin të qartë mesazhin që kjo është një industri që mbrohet me mish e me shpirt nga shteti”, theksoi ai.

Për kryeministrin, “me këtë paketë Shqipëria vendoset në hartën e vendeve prodhuese në Europë, jo vetëm si vend i afërt por edhe si prodhues aktiv. Kemi shumë kërkesa, nga Italia, Franca, Gjermania për të investuar. Jemi të bindur se pjesa më e madhe e kompanive tuaja janë të gatshme që të zgjerohen, të krijojnë kushtet për të arritur në ato numra të punësimit që kemi objektiv dhe prandaj ne do mbështesin çdo njërën prej kompanive tuaja me fonde të posaçme”.

“Kjo është eksperienca e parë konkrete me një industri për një paketë të veçantë. Ishte një eksperiencë për të kuptuar se, sa shumë kohë dhe mundësi janë humbur nga qeveria vetëm se nuk ka pasur kohë për të dëgjuar dhe se sa shumë mund të bëhet duke shfrytëzuar eksperiencën e territorit”, u shpreh ai.

Duke folur në prezantimin e paketës fiskale për fasonët, ministri i Ekonomisë, Arben Ahmetaj, tha se, nga ky biznes janë bërë 54 propozime. Sipas tij, qeveria ka përgatitur paketën që 3 viteve të ardhshme do të punësojë 100 mijë persona.

“Rritja e punësimit është një nga objektivat e qeverisë Rama dhe që është i arritshëm. Në vizitat që kemi pasur në fasonët janë hapur 2 mijë vende pune të reja. Objektivi është të hapen 12-15 mijë vende pune. Në vitin e dytë të shkojë në 60 mijë dhe në vitin e tretë të shkojë në 100 mijë të punës”, deklaroi ministri i Ekonomisë.

 “6 muaj më parë premtuam se, biznesi fason do të merrte vëmendjen e qeverisë dhe ky është një premtim i mbajtur. Kompanitë ne i shikojmë si gjenerator i punësimit dhe jo si lopë për tu mjelë. Biznesi fason gjeneron shumë vende pune”, tha Ahmetaj.

Ai gjithashtu vuri theksin edhe në rritje ne eksportit. “Në vitin e parë ne synojmë që të rrisim eksportet në 590, ndërsa në vitin e tretë nga kjo industrit të eksportojmë 900 milionë euro”.

Veçoria e saj më e madhe është se kjo është paketa e parë e mbështetjes për një sektor, e cila është zhvilluar në bazë të kërkesave të vetë sektorit dhe jo diktateve të qeverisë apo të një ministrie. Pikërisht, hapi i parë i zhvillimit të paketës ka qënë mbledhja e opinioneve nga vetë grupet e interesit. Në gjithësinë e tyre masat e kësaj pakete synojnë një përmirësim të dukshëm cilësor, si nga ana  e rritjes së eksporteve, duke synuar një rritje  me më shumë se 80 % në eksporte, brenda tre viteve, pra në 900 milionë euro eksporte.

Janë marrë në konsideratë 46 masa e propozime, disa nga të cilat janë implementuar ndërkohë, si kalimi i VKM nr. 54, që akordon kontratën me vlerën 1 euro për impiantet e përpunimit aktiv, një masë kjo që do të kursejë mesatarisht 2,5 milionë dollarë qira për sipërmarrësit;

Po ashtu ka një fokus të madh të paketës  në lidhje me punësimin, me anë të një sërë masash që synojnë ta çojnë numrin e të punësuarve të deklaruar nga 28 mijë në 100 mijë  për tre vjet. Fondi i punësimit për industrinë e përpunimit në fund të këtij viti do të jetë 5 milionë dollarë.

Kjo paketë është vetëm fillimi i një inovacioni të sektorit të përpunimit aktiv që do të shtrihet në të gjithë ekonominë, për të siguruar atë rritje të qëndrueshme ekonomike në nivelet e 5 apo 6%.

Letra e Tahirit për Nishanin/ Unioni i Gjyqtarëve: Po cenohet pavarësia dhe besimi i qytetarëve tek drejtësia

09:59 Politika

VIDEO/ “Kur të them unë, shkoni e përdhunojeni atë”

09:28 Politika

Gjermania do e shpallë Shqipërinë vend të sigurt, por Pro Azil është e shqetësuar

09:16 Politika

Abuzon seksualisht me 13- vjeçaren/ Maliqi: Do martoheshim

09:02 Politika

Akuzat për trafik droge nga ushtria/ Prokuroria fton Imamin të dëshmojë

08:57 Politika

Dëshmitarët: Gentian Peta mund të ishte shpëtuar/ Babai: Ju rrëfej bisedën e fundit

08:54 Politika

Makina përplas dy nxënëse para shkollës, vdes 7- vjeçarja

08:50 Politika

Fier/ Trakte kundër Janullatos: Kryepeshkopi i tradhëtisë

08:27 Politika

Elbasan/ Zjarr në banesë, shkrumbohen nëna dhe biri 7 vjeç

08:19 Politika

Rama, takim të enjten me Papa Françeskun

21:15 Politika