Tahiri: Gjykatat, dënime të lehta për të arrestuarit me tritol (VIDEO)

Komisioni i Ligjeve ka miratuar në parim paketën ligjore, që parashikon ashpërsim të dënimeve penale për veprat kriminale që lidhen me përdorimin e lëndëve eksplozive, shkelje e rregullave të qarkullimit rrugor, vjedhje e energjisë elektrike dhe shitjen e kartave SIM në mënyrë të palicencuar.

Nisma ligjore u mbrojt nga ministri i Punëve të Brendshme Saimir Tahiri dhe zv/ministri i Drejtësisë Arben Isaraj. Ndryshimet e propozuara nga Ministria e Brendshme u argumentuan me përballjen e shoqërisë shqiptare me fenomene të rënda kriminale.

“Ngjarjet me eksploziv kanë një ritmikë thuajse të njëjtë, të paktën për periudhën që unë kam marrë në krahasim që nga tetori 2012 deri në mars 2014, si krahasim 6-mujor me 6-mujor. Rastet janë po aty, 36, gjatë tetor 2012-mars 2013, diçka te 40 të tilla në tetor 2013 – mars 2014. Ndërkohë që gjykatat kanë ndjekur një politikë, përsëri më vjen keq t’a them, liberalizuese, lidhur me dënimet në këto raste”, tha ministri Tahiri.

Krahas veprave penale të kryera me lëndë plasëse, gjatë kësaj periudhe janë konstatuar edhe shkelje të rregullave të ruajtjes, magazinimit dhe transportit të lëndëve plasëse për përdorim civil nga ana e subjekteve të licencuara në këtë veprimtari.

“Nga inspektimi që ka bërë Policia e Shtetit në thuajse të gjitha magazinat e subjektet e licencuara për import, tregtim dhe mbajtje të lëndëve eksplozive për qëllime të përdorimit civil, 100 % ishin jashtë kushteve teknike. Aq sa në galeri minierash eksplozivi gjendet edhe në tokë. Magazinat nuk përmbushnin as kushtet për mbajtjen e lëndëve eksplozive për përdorim civil dhe ndërkohë transporti bëhej me mjete tërësisht jashtë kushteve. Dhe vetëm fati nuk ka dashur që të ndodhte ndonjë hata, sepse këtu bëhet fjalë për eksploziv në sasira shumë të mëdha. Në momentin që ne nisëm inspektimin, diku te 12 ton i kemi sekuestruar për mospërmbushje të kushteve teknike lidhur me mbajtjen e eksplozivëve. Dhe kjo është një situatë që e trashëgojmë në këtë kaos paligjshmërie prej vitesh. Dhe mjafton t’ju them që është po ky eksploziv që përdoret edhe për ngjarje kriminale”, theksoi ministri i Brendshëm duke iu referuar 3 shpërthimeve në Komisariatin e Fushë Krujës.

Në draft, parashikohet dënimi për të inkriminuarit në aktivitete apo vepra penale ku përdoret eksplozivi, të bëhet nga pesëmbëdhjetë deri në njëzet vjet burgim, ndryshe nga dënimi aktual që është dhjetë deri në njëzet vjet burgim.

Amendimet e tjera të Kodit Penal, përcaktojnë që drejtimi i automjeteve në gjendje të dehur, nën efektin e lëndëve narkotike apo pa dëshminë përkatëse të aftësisë, dënohet me burgim nga dhjetë ditë deri në tre vjet. Gjykata mund të vendosë zëvendësimin e dënimit me burgim, me dënimin me gjobë.

Gjithashtu, shitja e kartave SIM me numra serialë mobile nga persona të paautorizuar dënohet me burgim nga pesëmbëdhjetë deri në tridhjetë ditë ose me gjobë nga pesëqind mijë deri në dy milionë lekë.

Opozita mungoi gjatë gjithë diskutimit të ndryshimeve në Kodin Penal.

Naço: Reformim KLD, më të ashpër në luftën kundër korrupsionit (VIDEO)

11:21 Kronika

Hakerat shqiptarë postojnë në faqen e universitetit grek videon e Enver Hoxhës: Kjo është për Kudret Kumen

09:41 Kronika

Si u hoq festa e Bajramit dhe Pashkët nga komunizmi!

21:20 Kronika

Gjirokastër/ Kapen 15 kg marijuanë, në pranga 45-vjeçari

08:19 Kronika

Ja si e liroi gjyqtari Gjin Gjoni trafikantin turk

09:55 Kronika

Sërish shpërthim tritoli në komisariatin e Fushë- Krujës

21:32 Kronika

VIDEO/ Kapen në flagrancë adoleshentët, akuzohen për të paktën dhjetë vjedhje

17:34 Kronika

Akuzat për drogën/ Didi: Është çështje e drejtësisë, jo e politikës (VIDEO)

15:32 Kronika

Reshjet e dëborës, akset rrugore të bllokuara ose me probleme

11:54 Kronika

FOTOT/ Plas gallata në rrjetet sociale me ‘avionët’ e drogës

10:59 Kronika