Burns-Bushati: SHBA mbështet proceset integruese të Shqipërisë, inkurajoj reformat

Zv. Sekretari amerikan i Shtetit William Burns ka shprehur vlerësimin për angazhimet konkrete të Shqipërisë, krahë Shteteve të Bashkuara, në një sërë çështjesh dhe sfidash ndërkombëtare, kontributet e Shqipërisë në kuadër të NATO-s, si dhe rolin  dinamik dhe konstruktiv të Shqipërisë në rajon. Ai siguroi për mbështetjen e Shteteve të Bashkuara në proceset integruese të Shqipërisë dhe inkurajoi vazhdimin e reformave të nisura. Këto komente zv. Sekretari amerikan i Shtetit i bëri gjatë takimit me ministrin e Punëve të Jashtme, Ditmir Bushati, i cili po zhvillon një vizitë në Shtetet e Bashkuara të Amerikës.

Ministri Bushati vlerësoi miqësinë dhe partneritetin e shkëlqyer midis Shqipërisë dhe Shteteve të Bashkuara, si dhe vullnetin e angazhimin për t’i konsoliduar dhe për t’i strukturuar më tej ato. Pasi falenderoi zv.Sekretarin e Shtetit Burns për ndihmën e vazhdueshme që Shtetet e Bashkuara i kanë dhënë Shqipërisë dhe shqiptarëve në përmbushjen e aspiratave të tyre euroatlantike, Bushati theksoi angazhimin e palëkundur të Shqipërisë, si vend anëtar i NATO-s, për të kontribuuar dhe inkurajuar stabilitetin dhe paqen në rajon dhe me gjerë.

“Angazhimi i përhershëm amerikan në rajonin e Ballkanit Perëndimor është i një rëndësie jetike për sigurinë dhe konsolidimin demokratik të rajonit”, u shpreh Bushati.

Një vëmendje e veçantë, gjatë takimit, iu kushtua tensioneve në rritje në Ukrainë dhe rrezikut të pasojave destabilizuese për Evropën lindore dhe me gjerë. Në këtë kontekst Zv/Sekretari i Shtetit vlerësoi qëndrimet dhe vendimet e Qeverisë shqiptare, e cila ka kontribuuar me dërgimin e vëzhguesve në Ukrainë.

Në përmbyllje të vizitës së tij në Uashington, ministri Bushati vijoi bisedimet me homologët e tij të pranishëm në konferencën e Këshillit të Atlantikut. Ministrat e pranishëm u pritën në një takim të veçantë nga Zv. Presidenti amerikan Joe Biden, gjatë të cilit u bisedua mbi çështjet kryesore të aktualitetit ndërkombëtar dhe rajonal.

Veliaj i ofron punë një protestueseje: Kinge, të gjej punë me 1000 euro/ Ajo refuzon (VIDEO)

11:30 Politika

Thirrje kundër Qeverisë, nxirret jashtë nga Panairi i Punës /Qeveria, 2.7 milionë euro për vendet e reja të punës (VIDEO)

10:58 Politika

Dhëndri i Berishës: Shembjet me tritol po dëmtojnë mjedisin. Pse nuk prishet kështjella e Koços?

09:46 Politika

Duma shiti brenda ditës të njëjtin apartament te dy njerëz të ndryshëm. Shpresonte se pronari i truallit... do vdiste

09:24 Politika

Mbyti me jastëk foshnjën/ 30- vjeçarja: Bëra gabim që e tradhtova burrin

08:25 Politika

Mund t’ia kalojnë Amerikës si ekonomi, por sërish janë si Shqipëria

21:50 Politika

Revokohet buxheti i Bashkisë së Tiranës, opozita braktis votimin

21:20 Politika

VENDIMI/ Ekzekutimi në Elbasan, gjykata “nxjerr” në pritë një tjetër të kërkuar

20:43 Politika

SHBA publikon raportin për terrorizmin: Qeveria ishte në dijeni që në vitin 2012 për shqiptarët në Siri

20:30 Politika

Forcat e Armatosura/ Përcaktohen rregullat për gradat dhe karrierën. Tabelat e plota

19:19 Politika