AMA/ Paloka: Nuk e njohim vendimin e dyshes Rama-Meta, do e kundërshtojmë me çdo mënyrë

Partia Demokratike e konsideron të paligjshme ndërprerjen e mandatit të kreut të AMA-s, duke e cilësuar këtë veprim për interesa klienteliste. Kryetari i Grupit Parlamentar të PD-së Edi Paloka theksoi se dyshja Rama-Meta thellojnë paligjshmërinë me AMA-n

“Dyshja Rama-Meta shpalli në Komisionin e Edukimit dhe Medias,  pa praninë e opozitës, hapjen e garës për  postin e kryetarit te Autoritetit të Medias Audiovizive, megjithëse mandati ligjor i tij mbaron në vitin 2016. Ky vendim u paralajmërua që në programin e Qeverisë që Edi Rama lexoi në Kuvend në shtator të vitit të shkuar. Ky vendim u materializua edhe me dy amendamentet Peza, të depozituar në nëntor e dhjetor 2013 dhe që synonin ta bënin AMA-n një institucion të njëanshëm të kontrolluar nga mazhoranca krejt ndryshe nga institucioni i balancuar që ishte krijuar me konsensusin PD – PS përmes ligjit të miratuar në legjislaturën e mëparshme”, theksoi Paloka.

Sipas tij, reagimi publik e opozitar por edhe komentet e Komisionit Europian dhe të OSBE-së se nuk mund të ndërpritet mandati i titullarit të autoritetit të pavarur, si dhe që çdo ndryshim duhet bërë ne konsensus me opozitën, e detyruan dyshen Rama-Meta të tërheqë amendamentet, por jo të tërhiqen nga makutëria.

“Atë që nuk qenë në gjendje ta bëjnë ballazi me ndryshim ligjor e bënë nga deriçka, duke detyruar nëpunësit e Kuvendit të mohojnë dokumentet e firmosura më parë prej tyre, e të pohojnë nën presion se samari fluturon, e se mandati i kryetarit të AMA-s ka vite qe ka mbaruar. Babëzia e Rama-Metës në fakt është babëzia e klientëve të tyre mediatike të cilët po imponojnë monopole televizive dhe dopjoçmime  për kartat dixhitale që u shiten shqiptarëve.  Akti i dyshes Rama-Meta, do t’i kushtojë qytetarëve shqiptarë dhe xhepave të tyre, pasi ata apo favorizojnë krijimin e një monopoli  të rrezikshëm mediatik. Opozita nuk e njeh për të ligjshëm këtë veprim dhe do ta kundërshtojë atë me çdo mënyrë”, theksoi Paloka.

Ndërkohë, Nënkryetari i Komisionit të Mediave Alfred Peza në një reagim ka shpallur të hapur garën për 4 vendet vakante të AMA-s, përfshirë edhe postin e kryetarit.

“Shpallja vakant të postit të kreut të AMA-s u shpall sepse mandati i Endira Bushatit kishte përfunduar prej kohësh”,  tha Peza, duke shtuar se “mbledhjet e AMA-s të zhvilluar deri tani në drejtimin e Endira Bushatit kanë qenë në kundërshtim me ligjin”.

Në vijim ai shprehu vendosmërinë e mazhorancës për të respektuar ligjin.
 
Deputeti socialist i ka bërë thirrje opozitës që të përfshihet në procesin e reformimit të AMA-s dhe për Këshillin e Bordit Drejtues të RTSH.  Sipas tij 10 anëtarëve dhe drejtorit të RTSH i ka përfunduar mandati. 

Basha i ankohet Paquet për Qeverinë: Po godet sistemin kushtetues, por e meritojmë statusin

11:00 Politika

Dominimi i LSI/ Ruçi kritikon deputetët e PS: Nuk ishit aktivë më 5 Maj

09:18 Politika

Elvira Dones: Topalli është femër- burrë. Berisha nuk ka lënë çarçaf pa futur hundët

09:16 Politika

Ngjela: Nëse festohet 70- vjetori i Çlirimit me Enver Hoxhën, qeveria bie për dy javë

09:09 Politika

Djali i Azem Hajdarit i futet politikës, caktohet koordinator për zgjedhjet në PD

09:01 Politika

Letër e hapur/ Ish-sekretarit të PPSH dhe bashkëkryetarit të Partisë Demokratike, shokut Sali Berisha

08:52 Politika

Mark Marku e quan “kriminel”, Paskal Milo largohet nga emisioni

08:31 Politika

Operacioni “Servisi”/ Kapet 24-vjeçari, kishte plagosur një të ri nga Lazarati

08:06 Politika

REUTERS: Shqipëria hap tenderin për 13 blloqe për eksplorimin e naftës

21:02 Politika

Monica Lewinsky thyen heshtjen: U bëra “kokë turku”

20:40 Politika