Te fundit
Legjislacioni i punës/ Veliaj: Zbatimi, sfidë për Qeverinë
20 Qershor 2014, 12:46Sociale
TEMA
Ministri i Mirëqenies Sociale, Erion Veliaj, tha se zbatimi i legjislacionit të punës mbetet një nga sfidat kryesore të Qeverisë.
Veliaj ishte i pranishëm në takimin rajonal të Inspektoratit të Punës nga vendet e Europës Juglindore.
Ministri Veliaj u shpreh se “nga njëra anë, përballemi me nevojën për të parandaluar aksidentet në punë dhe sëmundjet profesionale dhe pasojat e tyre negative. Nga ana tjetër, për të krijuar kushte të denja punësimi, marrëdhënie të drejta të punës, të cilat mund të kontribuojnë në motivimin, interesin e të punësuarve, rritjen e produktivitetit, efektivitetit dhe cilësisë së punës dhe më në fund, të konkurrencës së ndërmarrjeve”.
Ai shtoi se “siguria dhe shëndeti në punë është një kërkesë e panegociueshme e dinjitetit njerëzor dhe vlerës së jetës”.
Duke u ndalur në problematikat në punë, Veliaj vuri theksin se ajo që mbetet për të ndryshuar është sjellja e të punësuarve dhe të punëdhënësve dhe natyrisht, për të ndryshuar opinionin publik mbi sigurinë dhe shëndetin në punë.
Ndërkohë, kreu i ISHP-së, Dritan Ylli, theksoi se lufta kundër informalitetit ngelet një nga shtyllat kryesore.
Ylli shtoi se nga muaji tetor e deri më tani, 2300 subjekte janë gjetur me shkelje.
“Kemi krijuar një klimë të mirë me biznesin. Lufta kundër informalitetit mbetet shtylla kryesore”, u shpreh Ylli.
Sipas tij, 6 subjekte ndërtimi janë pezulluar për siguri të ulët në punë, ndërkohë që janë regjistruar 55 aksidente në këtë sektor.
Lini një Përgjigje
Më të lexuarat
24 oret e fundit
Javen e fundit
Blog Tema
