Legalizimet/ Lame: 45 mijë dosje nga Qeveria Berisha me probleme, do të ribëhen. Jo pagesa shtesë nga qytetarët

Rreth 45 mijë dosje të dorëzuara nga qytetarët për të bërë legalizimin e banesave  gjatë qeverisjes së Partisë Demokratike do të rishikohen dhe do të ribëhen matjet pasi janë të paplota. Kjo u bë e ditur nga drejtori i Përgjithshëm i ALUIZNI-t Artan Lame në një konferencë për mediat, ndërsa kërkoi bashkëpunimin dhe mirëkuptimin e qytetarëve për përmbylljen me sukses të procesit të legalizimeve. Lame sqaroi se në të gjitha rastet kur në dosjet janë gjetur vetëm pagesat e kryera dhe jo dokumenta të tjera, specialistët e ALUIZNI-t do të kryejnë matjet dhe do të vazhdojnë procedurat, ndërsa qytetarët nuk do të bëjnë asnjë pagesë shtesë.

“ Për 45 mijë dosje nuk mund të bëhet legalizimi pasi ose nuk janë të plota ose në to gjendet vetëm fatura e pagesës që ka bërë qytetari dhe asnjë lloj dokumenti tjetër. Nuk është bërë asnjë lloj matje. Këto dosje do fillojnë nga fillimi. Kemi një mungesa totale përgjegjshmërie nga Qeveria e shkuar, sidomos në vitin 2013 ku u thuhej paguani faturat për letrat. U bëjmë thirrje qytetarëve të vijnë dhe ta pranojnë këtë situatë, do bëjmë matjet e reja dhe qytetarët nuk do të kenë asnjë pagesë shtesë”, tha Lame.

Ai theksoi se për shkak të kërkesave të shumta për legalizime është krijuar fluks i madh në sportelet e ALUIZNI-t dhe është miratuar shtim personeli.  Lame u bëri apel qytetarëve që të drejtohen në sportele vetëm në raste urgjente ndërsa për legalizime normale të presin në banesat e tyre pasi do jetë ekipi i ALUIZNI-t që do të shkojë në çdo shtëpi të zonave informale. Gjithashtu, Lame i drejtoi një apel qytetarëve të bëjnë kujdes dhe për çdo rast t’u kërkojnë kartën e identifikimit të Aluiznit në mënyrë që mos të bien pre e ndonjë mashtrimi.

“U bëj thirrje qytetarëve për dy gjëra: Në rast se keni problematika për plotësimin e dokumentacionit apo nevoja për përshpejtimin e procedurave për arsye tuajat personale, nevoja për kredi etj, paraqituni në sportelet tona dhe punonjësit do jenë në shërbim tuaj. Për të gjitha rastet e tjera kur kemi të bëjmë me një legalizim normal, kur s’keni emergjenca ju lutem prisni në shtëpitë tuaja pasi ekipet tona do vinë atje. E dyta: Mos bini pre e spekulantëve dhe përfituesve të pandershëm. Mos pranoni persona që u thonë se përkundrejt ndonjë pagese mund t’ju përshpejtojnë procedurat. Mos paguani tek noterët çmime që tejkalojnë tarifat e publikuara.Kërkojuni personave që u paraqiten nëpër shtëpija t’ju tregojnë kartën e identifikimit të Aluiznit”, sqaroi Kreu i ALUIZNI-t.

Sipas tij, brenda një periudhe 4 mujore ekipet e ALUIZNI-t  kanë azhornuar në terren 20 mijë e 400 objekte dhe kanë përgatitur dokumentacionin e plotë për 17 000 prej tyre. Ai akuzoi PD për 45 000 dosjet e trashëguara nga qeverisja e djathtë , prej të cilave një pjesë e mirë nuk përfitojnë nga ligji i ri për mungesë të dokumentacionit.

“Gjatë periudhës katër mujore ekipet tona kanë azhornuar në terren 20 400 objekte dhe kanë përgatitur dokumentacionin e plotë për 17 000 prej tyre, ndërsa PD iu deshën 8 vjet për të dhënë 21 800 leje legalizimi. E gjithë kjo masë qytetarësh tashmë pret miratimin e VKM për çmimet e truallit dhe përllogaritjet e zbritjeve nga të cilat përfitojnë për të përfunduar procesin e legalizimit. Po punohet në terren edhe për evidentimin e dendësisë së shtrirjes së zonave infromale për të çuar propozime të reja. Deri tani janë propozuar nga qarqet 54 zona të tjera informale”, tha ai.

Në deklaratën e tij, Kreu i ALUIZNI-t nuk ka lënë mënjanë batutat ndaj Presidentit Bujar Nishani, i cili sipas Lames me mosdekretimin e ligjit zgjodhi ti bindet urdhërit të Berishës për të sabotuar deri në fund procesin e legalizimeve.

“Ligji i ri i legalizimeve për fat të keq hyri në fuqi në mënyrë të heshtur pasi Presidenti i Republikës nuk e dekretoi, duke mbetur deri në fund midis dilemës të dekretonte këtë ligj që e prisnin me qindra mijëra qytetarë për efektet që do jepte apo ti bindej urdhërit të ish-Kryeministrit Sali Berisha për të sabotuar deri në fund procesin e legalizimeve. Gjithçka ndodhi është histori e shkuar, qytetarët e kanë bërë zgjedhjen e tyre. Javën që shkoi qeveria miratoi një shtesë tjetër personeli për të gjitha drejtoritë rajonale të Aluiznit. U bëj thirrje qytetarëve të presin ekipet e Aluzinit që do trokasin derë më derë në shtëpitë në zonat informale. Drejtoritë rajonale kanë marrë dhe formularin mbi bazën e të cilit do të priten kërkesat e qytetarëve për të aplikuar në zonat informale. Mbi bazën e formularit kanë filluar dhe do vijojnë aplikimet për ato objekte të cilat përfitojnë rishtazi nga ligji i legalizimeve që për fat të keq apo preferenca nga më të çuditshme ishin lënë jashtë. Në qeveri është dërguar projektvendimi mbi bazën e të cilit do përcaktohen çmimet për të cilat duhet të paguhet parcela ndërtimore aty ku qytetarët do të duhet të paguajnë, kur trualli është i tyre nuk do paguajnë asgjë. Po ashtu janë përcaktuar të gjitha përfitimet, procedurat, zbritjet e kategorieve që përfitojnë nga ligji i ri i legalizimeve. Pas disa ditësh do të hyjë në fuqi. Miratimi i vendimit do bëjë të mundur përllogaritjen e faturave të truallit sipas çmimeve të reja dhe pagesën e tyre nga qytetarët”, sqaroi Lame.

Vjedhin regjistrat/ Parulla në murin e shkollës: Na kaloni, t'ua kthejmë

12:23 Politika

“Që kur Marku u arrestua, gjithçka është si në një film me mafiozë”

10:53 Politika

238- vjetori i Pavarësisë së SHBA/ Nishani i shkruan Obamës: Përkrah jush në përballimin e sfidave

10:42 Politika

Dënohet me 22 vite burg/ Plagosi shokun sepse gruaja e tij e ngacmonte vazhdimisht në telefon

10:34 Politika

Mazhoranca ndryshon ligjin: Anëtarët e KLD mund të shkarkohen nga Kuvendi

09:54 Politika

Paga mesatare në Bankën e Shqipërisë? 2 milionë lekë në muaj

09:16 Politika

Edi Rama, mos e festo datëlindjen!

21:39 Politika

Fillon pyetja e listës “Santo”/ Hysenbelliu jep dëshmitë e tij në prokurori

21:04 Politika

Të paktën reagojnë/ Hiqen shtyllat nga rruga në Dhërmi (VIDEO)

21:00 Politika

Basha: Rilindja nuk ka vlerë, PD alternativa më e mirë

19:31 Politika