Rama negocion vetë për ligjin e Policisë së Shtetit (ndërsa 6 deputetë janë kundër ndarjes territoriale)

Qeveria po has probleme me deputetët e mazhorancës sa u përket kalimit të disa ligjeve të rëndësishme.

Kundërshtitë e deputetëve të Lëvizjes Socialiste për Integrim, por edhe rezervat e disa deputetëve të PS ndaj projektligjit “Për Policinë e Shtetit”, janë kthyer në një çështje serioze për kryeministrin Rama.

Pas përpjekjeve të dështuara të ministrit të Brendshëm, Sajmir Tahiri për të bindur deputetët “rebelë”, në lojë është futur vetë kryeministri.

Sipas të përditshmes Mapo, për të shuar çdo mosmarrëveshje dhe për të bindur deputetët që të pranojnë të votojnë këtë draft, Rama ka thirrur dje një takim të posaçëm me deputetët e Komisionit të Sigurisë, përgjegjës për diskutimin e kësaj nisme. Takimi është zhvilluar dje në orët e para të mëngjesit, në vilën qeveritare përballë kryeministrisë dhe në të kanë marrë pjesë afro 10 deputetë të majtë, ministri Tahiri dhe stafi i tij, që po merret me mbrojtjen e projektligjit në Kuvend.

Burime nga takimi kanë bërë të ditur se kjo mbledhje informale ka zgjatur rreth 1 orë dhe dy kanë qenë çështjet më të debatuara; Byroja Kombëtare e Hetimit dhe shkrirja e Gardës së Republikës.

Në këtë takim është rënë dakord në fund që përfaqësuesit e Komisionit të Sigurisë, ata të Ligjeve dhe përfaqësues të Ministrisë së Brendshme të diskutonin për çështjet konkrete për të gjetur formulimet dhe zgjidhjet e pranuara.

Ndërkohë sipas të përditshmes Shqip, ndarja e re territoriale ka sjellë përçarjen e parë në radhët e maxhorancës, ku disa depuetë të PS-së, LSI-së dhe aleatë të tjerë kanë kërcënuar se do votojnë kundër miratimit të saj në parlament.

Pas deklarimit kundër ndarjes së re territoriale nga kryetari i PBDNJ-së Vangjel Dule për shkak të mospërcaktimit të Himarës si zonë minoritare, kundër hartës së re mësohet se janë edhe deputetët e PS Pjerin Ndreu, Andrea Marto dhe Parid Cara.

Këtij grupi i shtohen deputeti i LSI-së Vangjel Tavo si dhe së fundmi  u deklarua kundër variantit të qeverisë edhe deputeti Mark Frroku, përfaqësues i Partisë Kristian Demokrate të Shqipërisë, pjesë e koalicionit të majtë.

FOTOT/ CIA: MH17 u godit gabimisht (ndërsa nis udhëtimi i fundit për viktimat)

10:55 Politika

INTERVISTA/ Gaiani: Nuk ka afate kohore për hapjen e negociatave me BE

10:24 Politika

Ja si ndodhi MASAKRA në Fier/ Gruaja e autorit: I kërcënoi një natë më parë, ia fsheha armën

10:21 Politika

As kryebashkiak dhe as kryetar partie/ Basha mbush një vit në krye të PD, por...

10:04 Politika

Berisha: Qytetarët e Fierit e rrethuan dhe e ndrynë Ramën në zyrën e punës

09:51 Politika

Kokëdhima: Reforma territoriale përmirëson qeverisjen dhe jetën e minoriteteve

09:47 Politika

Edhe Mark Frroku kundër ndarjes territoriale: Vota ime do jetë kundër

09:39 Politika

INTERVISTA/ Dule: Nëse miratohet "Himara", dalim nga koalicioni dhe hidhemi në protesta

09:31 Politika

FAKSIMILET/ Pasuria marramendëse e inspektorit të KLD (por ajo refuzon shkarkimin e tij)

21:34 Politika

Komisioneri për Mbrojtjen e të Dhënave Personale/Besnik Dervishi merr "ok" nga Ligjet

19:00 Politika