Fullhani proteston tek Kunati për shkelje të privatësisë

Fullhani sot nuk duroi dot më. Pasi shtypi botoi fotografi të festave të tij dhe hobit të djalit të vet për ora super të shtrenjta dhe udhëtime luksoze, vendosi të protestojë tek Kunati.

-Dua të reagoni si parti, i tha. Ky është skandal. Ç’punë kanë gazetat se sa para kam unë, ku kam udhëtuar, ça operacionesh kanë bërë familjarët, çfarë orësh i pëlqejnë djalit etj. Ky është skandal. Ju jeni një parti e vuajtur, që i keni hequr në kurriz këto gjëra dhe duhet të reagoni.

Unë mbushesha me urrejtje kur dëgjoja që thonin se djali i Doktorit ka bërë Gërdecin. Më ikte truri. Ç’punë kishin ata se ç’punë bënte djali? Djali ka punën e vet, Doktori të vetën. Pastaj kryeskandali ishte kur thoshin se e bija merr tre për qind për çdo firmë të babait. Po ç’punë kanë njerëzit se sa lek fitojnë fëmijët prej prindërve? Skandal!

Pastaj çfarë s’thanë për zonjën Liri!

Tani dhe ata njerëz janë, dhe do bënin ndonjë punë. Ja ikën nga pushteti dhe punët ua lanë gjysëm. Fola sot me Jamarbërin dhe ishte realisht i shqetësuar për këtë marrëveshjen e CEZ. Ka të drejtë mo vëlla. Nisi puna me gjyq, të mbarojë me gjyq.

“Ne mezi kapëm gjyqin- tha, ishin dhjetë milion euro, këta e mbyllën pa gjyq”. “Skandal” më tha. “Si mund të ndërpresësh një gjyq në mes. Kemi marr vetëm një këst”, tha. “Ky është skandal. Do protestoj” më tha, dhe ka të drejtë.

Dhe puna ime tani kështu ka shkuar. Më janë turrur çfarë bëj, pse luaj kazino online në zyrë, pse prish shumë lek çuni, pse ka bërë operacion goca, ku i prish lekët gruaj etj. Aman mo burrë, se s,di dhe me kë të flas, janë bo si shushunja. Atë i thashë dhe Fevzos dje, si njof fare këta djemtë e rinj nëpër gazeta, s’di me kë të flas. Kishte lezet një herë e një kohë, flitshe me Doktorin, me Nanon dhe mbaroje punë. Tani o bo bishti më i rëndë se sqepari.

Të mora me të thënë me fol me Lulin me e pa këtë punën e medies. Më thoni kë keni ju nën kontroll, që të bëjmë një listë si të pushojnë.

-Ne Faron kemi tonin, i tha Kunati, por dhe ai ka ca pakënaqësi që nga zgjedhjet e Pogradecit, por do i kalojnë.

-Po ju sikur keni dhe Irfanin, i tha Fullhani!

-E kemi, por tek çështja e bankave ai është koopetent vetë dhe nuk e pyet Lulin, tha Kunati.

-Më ka gjet beleja mo burrë, më janë turrur të gjithë, i tha. S’di me kë me fol. S’po di kush mi lëshoi këta në shpinë. I thashë Sandrit si i bëhet në këto raste?

“Bë një fushatë reklamash, nda nja 2 milion euro, se pushojnë”, tha. A pushojnë thua ti?

-Po pse, ti je gati t’i japësh kaq, i tha Kunati i tronditur?

-Po hajd mo burrë, se lek janë, kemi plot, tha Fullhani.

-S’di ç’të them, i tha Kunati. Tek Farua të garantojmë, tek Irfani nuk ndërhyjmë dot në çështje bankare, tek Sandri e ke mik vet.

-Ço kjo punë kështu mor jahu, tha Fullhani me vete. Si ja ka bo ai Doktori tetë vjet duke u marrë me kalamjtë përditë. I fortë vallahi!

Fullhani letër të hapur kryeprokurorit për vjedhjen në bankë

20:02 Antena

Kunati në hall me heshtjen për Fullhanin

21:23 Antena

Fullhani para Komisionit parlamentar të Ekonomisë

21:37 Antena

Fullhani, i shqetësuar mos vërë Doktorin në siklet

20:21 Antena

Kunati analizon hakersat që sulmuan faqet e qeverisë

19:49 Antena

Kunati i shqetësuar për përgjimin e Doktorit

19:43 Antena

Urimet e përzgjedhura për Zahon

21:24 Antena

Fullhani merret në pyetje për vjedhjen e Bankës

20:58 Antena

Kunati shmang takimin e Lulit me ambasadorin

20:51 Antena

Kunati, në dilemë me tezat e Tom Doshit

19:44 Antena