Dekretet e Nishanit/ Reforma territoriale dhe ligji për KLD pritet të kthehen prapsht

Presidenti Bujar Nishani pritet të shprehet gjatë kësaj jave mbi ligjet e miratuara në seancën e fundit parlamentare ku përfshihen Reforma Territoriale, ligji për Këshillin e Lartë të Drejtësisë si dhe ai Për miratimin e marrëveshjes për zgjidhjen me mirëkuptim ndërmjet Qeverisë shqiptare dhe kompanisë ceke CEZ shpërndarje.

Ligjet janë miratuar vetëm me votat e mazhorancës dhe deputetëve të PDIU-së, partia e dytë më e madhe në koalicionin opozitar të dalë nga zgjedhjet e 23 Qershorit, por janë kundërshtuar nga Partia Demokratike dhe deputetët e partive të tjera opozitare.

Burime nga Presidenca shprehen për TemA se Kreu i Shtetit do të respektojë afatet kushtetuese në lidhje me ligjet e miratuara, që sipas dokumentit themeltar të shtetit i jep të drejtën e shprehjes brenda 21 ditëve nga data e paraqitjes. Në këto kushte Kreu i Shtetit ka të drejtën e shprehjes me dekret për miratim apo për kthimin për rishqyrtim deri në javën e 3-të të Gushtit. Nëse brenda këtij afati Kushtetues, Presidenti nuk do të shprehet, atëherë ato botohen në Fletoren Zyrtare.

Sipas burimeve, në lidhje me ligjet e miratuara në seancën e 31 Korrikut, Kreu i Shtetit ka nisur konsultimet me Këshilltarët e tij të fushave përkatëse, ndërkohë që nuk përjashtohet mundësia që dy nga ligjet e miratuara, ai për Reformën Territoriale dhe ai për KLD të kthehen për rishqyrtim në Kuvend me pretendimin se bien ndesh me Kushtetutën.

“Pavarësisht numri të votave që janë miratuar këto ligje, pra shumicës së cilësuar, qëndrimi do të jepet mbi përputhshmërinë e tyre me Kushtetutën dhe respektimin e saj”, theksojnë burimet.

Reforma Territoriale

Reforma Territoriale është një nga ligjet më të debatueshme të periudhës së fundit, ndërsa Partia Demokratike nuk u përfshi në proces pavarësisht se iu ofrua e drejta e vetos në Komisionin e posacëm Parlamentar nga mazhoranca.Ndarja e re territoriale u miratua me 88 vota, 83 të deputetëve të PS-LSI dhe 5 votat e deputetëve të PDIU, ndërsa Kryetari i PBDNJ-së Vangjel Dule votoi kundër dhe deputeti i LSI-së Vangjel Tavo abstenoi. Ndarja e re territoriale parashikon ndarjen sipas 61 bashkive, duke eleminuar në këtë mënyrë komunat si njësi të qeverisjes vendore. Por kjo sipas Partisë Demokratike bie ndesh me Kushtetutën. Demokratët i referohen nenit 108 të Kushtetutës në të cilin përcaktohet se njësitë e qeverisjes vendore janë bashkitë ose komunat, të cilat konsiderohen njësi bazë të qeverisjes vendore. Në të njëjtin nen të Kushtetutës përcakktohet se kufijtë administrativë nuk mund të ndryshohen pa u marrë më parë mendimi i popullsisë që banon në to. Ky është neni që sipas demokratëve nuk është respektuar nga Qeveria, ndërsa pritet që ligji të ankimohet në Gjykatën Kushtetuese jo vetëm nga partia Demokratike, por edhe shoqata e bashkive, komunave dhe qarqeve që drejtohen nga të zgjedhur vendorë të Partisë Demokratike. Kreu demokrat Lulzim Basha i ka drejtuar një apel Presidentit të Republikës që të zbatojë kushtetutën dhe kompetencat e tij, duke kthyer ligjin për ri-shqyrtim në Kuvend, cka pritet të ndodhë.

Ligji për KLD

Një tjetër ligj që pritet të rikthehet për shqyrtim në Kuvend nga Kreu i Shtetit është ai për KLD-në. Edhe ky ligji i miratuar me shumicë të cilësuar votash është kundërsjtuar jo vetëm nga Partia Demokratike, por edhe nga disa prej anëtarëve të Këshillit të Lartë të Drejtësisë, përfshi këtu edhe zv.Kryetarin Elvis Cela. Kontestuesit e ligjit pretendojnë se përmes tij, i jepen më shumë kompetenca ministrit të Drejtësisë mbi gjyqtarët, ndërsa kjo konsiderohet si marrje kompetencash të një institucioni të pavarur dhe cënohet pavarësia e sistemit të drejtësisë.

Në pikën 1 të nenit 6 të këtij ligji parashikohet që në se një gjyqtar jep dorëheqje përpara mbarimit të mandatit 5 vjeçar, atëherë i hiqet e drejta për të transferohet dhe të ngrihet në detyrë brenda një afati të caktuar me ligj.  Kjo pikë është shtuar pasi është vënë re shpesh se gjyqtarët japing dorëhejqe para përfundimit të mandatit  me qëllim që ata të mund të trasnferohen ose të ngrihen në detyrë, pasi përfundimi i madatit 5 vjecar e pengon në këtë synim.

Pika 1 e nenit 6 të ligji, parashikon që anëtarët e zgjedhur qëndrojnë në detyrë për një periudhë 5-vjeçare, pa të drejtë rizgjedhjeje të menjëhershme. Ndërkohë, në praktikë vihet re tendenca e anëtarëve të KLD-së, për të dhënë  dorëheqjen përpara mbarimit të mandatit, duke u promovuar në sistemin gjyqësor, në sajë të shfrytëzimit të lidhjeve të krijuara me njëri-tjetrin. Për shmangien e këtij fenomeni abuziv, në pikën 1.1 është parashikuar se nëse anëtari i zgjedhur nga KGJK-ja jep dorëheqjen përpara mbarimit të afatit 5- vjeçar, ai nuk mund të transferohet apo të ngrihet në detyrë deri në përfundim të periudhës së parashikuar në paragrafin 1, të nenit 6, të ligjit.

Një ndër pikat më të diskutuara të kësaj pakete është edhe ajo për shkarkimin e gjyqtarëve. Ligji i ri parashikon shtesën e dy neneve. Sipas këtyre dispozitave parshikohet: anëtarët e zgjedhur nga Kuvendi, shkarkohen për shkelje të Kushtetutës dhe të ligjit.  Anëtarët e zgjedhur nga Konferenca Gjyqësore Kombëtare, shkarkohen për shkelje të Kushtetutës dhe të ligjit.” Ky parashikim bëhet me synim shprehjen në mënyrë eksplicite se shkelja e Kushtetutës dhe ligjit gjatë ushtrimit të detyrës nga ana e anëtarëve të KLD-së, të zgjedhur nga Kuvendi apo nga KGJK-ja, përbën shkak për mbarimin e mandatit të tyre, duke shmangur kështu shkeljet abuzive.

Në nenin 3, të projektligjit, parashikohet shfuqizimi i pikës 2, të nenit 10, të ligjit, e cila aktualisht parashikon se kur Këshilli i Lartë i Drejtësisë çmon se zgjedhja dhe qëndrimi në detyrë i anëtarit të Këshillit të Lartë të Drejtësisë nuk janë në përputhje me ligjin, me vendim të arsyetuar pezullon ushtrimin e mandatit dhe i kërkon, sipas rastit, Konferencës Gjyqësore Kombëtare ose Kuvendit zhvillimin e zgjedhjeve të reja.

Ky është edhe një ndër ndryshimet që ka shkaktuar debat mes mazhorancës dhe opozitës. Partia Demokratike e konsideron këtë propozim dhe paketën ligjore për organizimine KLD-së në tërësi, si një përpjekje të mazhorancës për ëënë nën kontroll politik Këshilline Lartë të Drejtësisë.

Marrëveshja me CEZ

Kreu i Shtetit pritet ta kalojë në heshtje miratimin e këtij ligji, cka do të thotë se ai nuk do të shprehet me dekret për miratimin e saj, por kjo bën që ligji të hyjë në fuqi pas miratimit në Fletoren Zyrtare. Ligji i kundërshtuar nga opozita me argumentin e vetëm se qeverisë shqiptare do t’i kushtojë një shifër tepër e lartë që i duhet të kompensojë kompaninë çeke për prishjen e kontratës me palën shqiptare. Por ligji është vlerësuar së fundmi nga Banka Botërore, e cila vlerëson marrëveshjen si pozitive. Partia Demokratike pretendon se Qeveria shqiptare duhet të zgjidhte cështjen me CEZ sipas Arbitrazhit Ndërkombëtar, duke shprehur bindjen se kjo do të favorizonte Shqipërinë dhe shqiptarët. Ndërkohë për Qeverinë zgjidhja me mirëkuptim mes palëve ishte një rrugë e sugjeruar edhe nga konsulentët ndërkombëtarë. Në bazë të kësaj marrëveshjeje Shqipëria do ti paguajë CEZ shumën prej 95 milionë dollar.

Ermelinda Meksi: Isha e vetmja që kërkova mbledhjen e Këshillit dhe shkarkimin e Fullanit

21:17 Politika

Banka e Shqipërisë u kërkon punonjësve të mprehin shqisat pas vjedhjes

20:23 Politika

Gerti revoltohet me ndërkombëtarët e opinionistët pse nuk flasin për vjedhjen e BSH-së

18:57 Politika

Petraq Milo vlerëson bankën: Zbuluam dhe denoncuam vjedhjen e ndodhur

18:30 Politika

Drejtuesit e BSH-së, 2.6 milion dollarë shpërblime brenda një viti

17:35 Politika

Petro Koçi: Të iki Fullani dhe të ndalohen me ligj punësimet nepotike në Bankë

16:37 Politika

Misteri i Thesarit të vjedhur, Prokuroria dyshon se Bitraj nuk i ka harxhuar të gjitha paratë

15:54 Politika

PD paralajmëron bojkotin e zgjedhjeve vendore pas ndarjes së re territoriale

14:56 Politika

Edhe Dasara mbron Fullanin si gjyshi, dhe sulmon Ilir Metën

14:35 Politika

Reforma Territoriale/Peleshi: Zgjidhje edhe për furnizimin me ujë të pijshëm

14:22 Politika