Historia e projektit të Liqenit nga Rama tek Basha dhe dy standartet e Berishës

Debati i dy ditëve të fundit, lidhur me ndërtimet tek diga e Liqenit, pyetjet se kush e ka përvetësuar 20% e famshëm të Tan Leprit, po mban ndezur konfliktin mes bashkisë së Tiranës dhe Partisë Socialiste. Shumë kujt, akuzat e PS-së kundër Bashës i ngjajnë sot, me akuzat e djeshme të Berishës në verën e vitit 2010, kur ai e akuzonte Ramën se merrte rreth 20 përqind të vlerës për cdo leje ndërtimi. Në atë kohë akuzat filluan pasi bashkëjetuesi i deputetes Albana Vokshi, një ndërtues dhe biznesmen, nxorri një kontratë, ku Tan Lepri, që atëherë akuzohej si sekser i Edi Ramës, kishte 20 përqind të aksioneve. Nga kjo, PD arrinte në konkluzionin se ky qe emri që kamuflonte interesat e Edi Ramës. Mirëpo sapo kjo aferë plasi në publik u morrën vesh dhe detajet e saj. E vërteta qe më tronditëse. Biznesmenë të fuqishëm pranë Ramës dhe Berishës fshiheshin pas gjithë lojës për ndërtime tek diga e liqenit. Megjithëse Berisha akuzonte ata, kryeqeveritari dhe kryeopozitari kishin vepruar në mirëkuptim të plotë.

Në pak më shumë se një vit pas ardhjes në pushtet, Berisha mori një vendim për kthimin e terreneve sportive të toka ndërtimi.

Në po këtë mbledhje u firmos edhe ndryshimi i destinacionit për kompleksin sportiv ‘Partizani’. Për këtë të fundit, leja e ndërtimit u firmos nga kryebashkiaku Rama gati një vit më vonë, në mbledhjen e këshillit të rregullimit të territorit të Tiranës. Vetëm 7 muaj më vonë u miratuan në parlament ndryshimet në ligjin për sportet, që lejonin kalimin e terreneve sportive te pronarët e ligjshëm të tokës.
Ndër pronarët e truallit të kompleksit ‘Partizani’, që përfitoi nga leja e ndërtimit të firmosur nga kryebashkiaku Rama, figuronin edhe dhëndrri i kryeministrit, Jamarbër Malltezi dhe e motra. Duke ligjëruar kalimin e tokës te ish-pronarët e ligjshëm, ose në duart e një kompanie, ligji per sportet qe u miratua nga mazhoranca, i jepte formë të prerë edhe vendimit të mëparshëm të KRRTRSH-së, që i kishte ndryshuar destinacionin zones në afërsi të liqenit, përreth klubit Dinamo.
Thuajse në të njëjtën kohë me miratimin e ligjit të sporteve, një juri ndërkombëtare e shpalli këtë projekt si fituesin e konkursit ndërkombëtar për ndërtimet në zonën nga Kopshti Botanik dhe kompleksi Dinamo deri te diga e liqenit. Ilir Meta u ngrit kundër projektit, duke akuzuar se aleanca mes Ramës dhe Berishës po prishte mjediset publike.

(foto projekti i Vinny Maas i mbrojtur ne 2008 nga Rama)

Më 6 gusht të 2008-ës, Edi Rama dha një intervistë për gazetën ‘Panorama’. Ai tha se projekti fitues i studios së ‘Winny Maas’, një prej mendjeve gjeniale të arkitekturës bashkëkohore dhe juria ndërkombëtare me emra të njohur arkitektësh dhe urbanistësh, ishin granci për cilësinë. Edi Rama sqaroi se ideja e ‘Winny Maas’ jo vetëm nuk i prish, por rikualifikon kopshtin botanik dhe zoologjik, pishinat dhe terrenet sportive ekzistuese, të cilat sipas tij, do të kthehen në hapësira publike të cilësisë më të mirë evropiane. Në fakt sipas të dhënave të publikuara në faqen e internetit të studios fituese, bëhet fjalë për 225.000 m2 banesa, 60 000 m2 zyra, 20 000 m2 ndërtesa publike, 60 000 m2 ambiente tregtare, një hotel me 15 000 m2 dhe 20 000m2 pajisje sportive dhe argëtimi si edhe një parking.
Punimet duhet të kishin filluar në 2010, për një investim prej 600 milionë eurosh.

Por, më pas Berisha e denoncoi këtë akt dhe kandidati i bashkisë së Tiranës Lulzim Basha gjatë fushatës elektorale tha në emsionin “Opinion” se ai nuk parasheh të ndërtojë tek diga e Liqenit. Por ai bëri të kundërtën në fund të vitit 2012, kur këshilli bashkiak me votat e PD-së dhe LSI-së miratoi planin urbanistik të Tiranës, që parashihte ndërtime të larta, jo vetëm tek diga e liqenit, por njëkohësisht edhe tek blloku, tek rruga me shtëpi monumente kulture, përballë apartamentit të sotëm të Berishës tek lodrat e rrugës së Elbasanit dhe përbri selisë aktuale të PD-së. Leja për ndërtim buzë digës së liqenit është dhënë në ditët e para të gushtit. /Lapsi.al/

Shqipëria i dhuron Irakut 22 milionë fishekë që të luftojë militantët e ISIS

12:41 Kronika

Bilbil Mema: Ja pse e ndaluam Berishën në vitin 2000

10:08 Kronika

Vjedhja e thesarit/ Prokuroria merr në pyetje Çollakun, dyshime se paratë janë transferuar jashtë

17:49 Kronika

Nuk i japin para për drogë/ 17- vjeçari tenton të therë prindërit, arrestohet nga policia

16:31 Kronika

Argjentinë, vdesin tre familjarë të Papa Françeskut në aksident

15:24 Kronika

Braçe: Pse nuk reagon Nishani për skandalin e Fullanit?

11:23 Kronika

Zjarr në pallatin ku jeton kryeministri Rama

14:44 Kronika

Deklarimi i rremë i pasurisë/ ILDKP padit në Prokurori 13 zyrtarë

14:39 Kronika

Skandali i Sarandës/Denoncuesja Gega: Ministri Tahiri më shprehu mbështetjen, më tha që s’je vetëm

13:27 Kronika

Shpërthen një makinë përpara Bashkisë së Burrelit/ Pronari: Kam pasur një konflikt

11:52 Kronika