Rama: Presidenti ka goditur tre prioritete kombëtare: reformën në drejtësi, reformën administrative dhe luftën kundër krimit

Kryeministri Edi Rama tha sot në Kuvend se me ligjet e kthyera në parlament Presidenti i Republikës ka goditur mbi tre prioritete kombëtare: reformën në drejtësi, reformën administrative dhe luftën kundër krimit.
“Me dekretet e tij Presidenti nuk ka goditur mbi disa ligje, por ka goditur mbi tre prioritete kombëtare: reformën në drejtësi që është një prioritet kombëtar dhe jo partiak; reformën administrative, një tjetër prioritet kombëtar dhe jo partiak dhe lufta kundër krimit që po ashtu është një prioritet kombëtar e jo partiak”, u shpreh kryeministri në fjalën e mbajtur sot në hapje të sesionit të ri parlamentar.

Kryeministri, duke spjeguar arësyet se pse maxhoanca do të zmbrapsë dekretet presidencialë, i analizoi ato veç e veç, duke nënvizuar rëndësinë e miratimit të tyre në parlament, një muaj më parë.
“Reforma në drejtësi është një prioritet kombëtar dhe jo prioritet partiak. Kjo e përcaktuar çdo ditë, përveçse me zgjedhjet që përcaktuan këtë shumicë, por dhe nga nga mijëra qytetarë që përplasen dëshpërimisht në dyert e një sistemi të kalbur duke nënvizuar çdo ditë para nesh domosdoshmërinë që ky sistem të kalojë në një operacion rrënjësor”, u shpreh Rama.
Duke u ndalur në prioritetin e dytë kombëtar, reformën administrativo-territoriale, kryeministri theksoi se ajo ishte një detyrim për politikën, e pamohuar nga asnjë forcë politike, por e përcaktuar si një domosdoshmëri, sipas qeverive të radhës. “Por, fatkeqësisht presidenti organizon dëgjesa me të zgjedhur vendorë të PD-së, pasi parlamenti me një shumicë përtej asaj qeverisëse, e ka votuar reformën administrativo-territoriale. Këto dëgjesa surreale as formalisht nuk e justifikojnë rolin e Presidentit të Republikës. Në rast se do të kishte ftuar dhe të zgjedhur të shumicës do i kishte pasur aty”, nënvizoi Rama.
Sa i takon prioritetit të tretë kombëtar, luftës kundër krimit, kryeministri u ndal tek ligji tjetër i kthyer nga Presidenti, ai “Për Policinë e Shtetit”, i cili tha Rama, erdhi në parlament, pasi u punua në bashkëpunim me të gjithë përfaqësuesit e organizmave që asistojnë Policinë dhe Ministrinë e Brendshme.
“Edhe këtë prioritet kombëtar Presidenti e goditi, ndërkohë që rendi për t’u bërë pjesë e sulmit ndaj Ministrisë së Brenshme dhe Policisë së Shtetit (nënkupto dhe qeverisjen), për atë ‘kaçatorrin e drogës’ që ra në Divjakë, ndërsa ende nuk e kam dëgjuar të thotë një fjalë, as për superaksionin e Lazaratit në mbështetje të trupave të Policisë, dhe as për superaksionin e Dukagjinit. Të paktën të thotë një fjalë të vetme për t’u solidarizuar kundër atyre gangsterëve që patën kurajo të qëllojnë dhe t’i rezistojnë me armë policisë, duke vënë seriozisht në rrezik jetën e trupave policore”, deklaroi Rama në seancën e sotme.
Ne, vijoi ai, nuk kemi kohë për të humbur me debate me Presidentin, por këto janë disa fjalë që duheshin thënë për presidentin. “Ne i qëndrojmë asaj që kemi thënë se nuk do ta kthejmë këtë foltore, në një foltore të qeverisë për të hedhur ‘gjyle balte’ mbi Presidentin, siç ka ndodhur në të shkuarën, duke i ndihmuar të gjithë të kujtojnë se ky vend ka pasur qeveri që e kanë sulmuar presidentin, ndërsa sot ka një President që sulmon qeverinë”, theksoi Rama në fjalën e tij, në hapje të sesionit të ri kuvendor.
Duke u ndalur tek bojkoti i Kuvendit nga deputetët e Partisë Demokratike, kryeministri tha se ‘beson se arsyet e paraqitura për mungesën janë ato që konfirmojnë mungesën e plotë të ekuilibrit të opozitës me detyrat ndaj publikut dhe ndaj zgjedhësve të vet”.
“Vetëm se një gjë është e sigurtë se përpjekje për t’i mbyllur gojën opozitës jo vetëm që nuk ka, por ka një dëshmi shumë të qartë të vullnetit për t’i krijuar opozitës mundësinë për të folur përtej çdo caku të përcaktuar nga rregullorja. Ne jemi shumë të vullnetshëm që ta dëgjojmë opozitën deri në fund, pavarësisht rregullores, por nuk mund të presim opozitën. Ne e respektojmë opozitën në zgjedhjen e saj, ibindur që nuk mund të bëjmë ‘babysitter’-n e opozitës aq më shumë se opozita nuk është sot një ‘bebe’ që qahet nga uria, por një plakë që qahet nga mbingopja”, u shpreh kryeministri Rama sot në parlament

INTERVISTA/ Rrëfehet Nexhmije Hoxha: Unë personalisht nuk kam bërë ndonjë gabim!

20:00 Politika

Mazhoranca rrëzon dekretet e Bujar Nishanit

19:07 Politika

"Ikën" Kaç Islami: U uron nxënësve vitin e ri shkollor

19:02 Politika

Edi Rama: Kuvendi nis me një shumicë përtej asaj qeverisëse, PD ka ikur në drejtim të paditur

18:23 Politika

Shpëtim Idrizi thumbon PD-në: Jam pjesë e opozitës parlamentare

17:54 Politika

Kuvendi nis seancën me rend dite kundër dekreteve të Presidentit. Meta thirrje per bashkepunim, Nishani mungon.

17:38 Politika

21 Janari/ Braçe: Faj që s'kemi ndëshkuar ligjërisht Lulzim Bashën

17:02 Politika

PD kryqëzon Bashën për bojkotin dhe drejtimin e partisë

20:03 Politika

Tahiri firmos ndryshime në kupolën e Policisë/ Çako në vend të Bizhgës

14:13 Politika

PD vendos vijimin e bojkotit/ Basha: Nuk shkojmë në Kuvend, protesta të fuqishme

13:56 Politika