Pjesë nga provat e avokatit të Fullhanit me Xhin Xhonin

Para seancës së apelit, Xhin Xhoni thirri avokatin e Fullhanit dhe vendosën të bëjnë një seancë prove se si do të silleshin në gjyq.

-Ti duhet të ma bësh të lehtë mua, i tha Xhin Xhoni avokatit.

-Si të ta bëj të lehtë, i tha avokati.?

-Po ja, duhet të gjesh argumente që kur të flasësh ti, unë të tund kokën në shenjë miratimi.

-E kuptova, tha avokati. Ok, po e mendoj.

U nda pak mënjanë dhe po mendonte se çfarë mund t’i thoshte ai Xhinit, që ai të kënaqej e të tundte kokën.

-T’i them argumenta juridike, Xhini mërzitet, tha avokati me vete. T’i them terma financiarë, nuk i kupton fare. Po i flas për veshjen, parfumet etj.

Kështu e ndau mendjen.

-Gati jam, i tha avokati. Ti ulu tek tavolina, unë do improvizoj mbrojtjen.

-Filloni mbrojtjen zoti avokat, tha Xhini serioz.

Avokati u ngrit në këmbë dhe filloi:

Zoti gjyqtar.

Klienti im gjendet në këtë sallë dhe i ulur në atë karrige mes dy policëve, për një arsye banale. Ai është atje se është njeri që ka ngjallur zili se vishet bukur. Më lejoni ta shtjelloj gjatë këtë element zoti gjykatës.

Ju e dini që klienti im ka pasur shoqëri të madhe me Fevzon. Të gjithë pyesnin pse? Të thuash që i bashkon leximi i librave, s’ka kuptim. Klienti im nuk lexon kurrë librat e të tjerëve, kurse Fevzo nuk lexon as të vetët.

Atëhere lind pyetja pse rrinin bashkë? Për një arsye të thjeshtë. Fevzua ka qejf modën dhe vishet firmato…

-Të kundërshtoj, tha Xhini. Ai harxhon lekë, po vishet kot. Asnjë gjë Cartier nuk i kam parë.

-E pranoj kundërshtimin tuaj zoti gjykatës, por desha të them se klienti im kishte shumë besim tek shijet e tij dhe e kishte atë këshilltar për veshjet. Kjo tërhoqi vemendjen e parisë së lartë në vend, i një njeriu i cili vishet mirë, po është serioz si Sali Berisha dhe jo një karagjozi që vishet si arixhi, që është Edi Rama. Të dy këta vendosën ta arrestojnë pse ai vishet bukur.

Xhini tundi kokën.

-Ke të drejtë, Doktori është serioz, tha.

-Më lejoni të vazhdoj zoti gjykatës dhe të dëshmoj këtu se veshjet e tij, orët e tij të shtrenjta që i ka pas të gjitha dhurata, dhe jeta e tij luksoze, janë detyrim kombëtar për të pasur një guvernator luksoz, që kriza financiare të mos guxonte të vinte në Shqipëri. Ju e dini legjendën e Vrana Kontit. Kur ai mbeti në kështjellë pa ujë, ato pak pagurë që i mbetën, i derdhte kot nga kalaja, që t’i tregonte armikut se kishte ujë plot. Dhe klienti im, që e shikonte se kriza po afrohej, shpenzonte pa masë për të rritur besimin tek paraja dhe bankat.

Kjo dhe vetëm kjo është arsyeja pse ai ka ngjallur zili tek politikanët, deputetët dhe sistemin e drejtësisë. Ai i konkurronte ata dhe ishte sa ata të gjithë bashkë.

E dyta që dua të them, është dhe zilia për bukurinë e tij. Shikojeni zoti gjyqtar! E keni pa hekurave. Shikoni vetullat e tij, sytë e tij, buzët që i shkëlqejnë nga një e purpurtë e ndezur, fytyra e hequr, balli i menduar, flokët e krehur me kujdes dhe sytë që shkrepëtijnë një zjarr të brendshëm, që përpiqet ta mbajë të shuar…

Xhini nuk po reagonte.

-Ç’ke, pse ke mbyllur gojën, i tha avokati? Nuk të pëlqeu?

-Jo, jam lagur, tha Xhini dhe vrapoi drejt banjës, duke ja lënë provat në mes.

-Dreq o punë, tha avokati, duhet zbutur kjo pjesa e bukurisë, se mund të ketë dhe gra në trup gjykues dhe ma lanë brenda nga inati.

Xhin Xhoni bëhet gati për gjyqin e Fullhanit

20:26 Antena

Sandri në kërkim të ish- miqve të Fullhanit

20:54 Antena

Kunati bëhet lëmsh me deklaratën për dasmën

21:19 Antena

Kunati mes Sandrit dhe Irfanit për Fullhanin

19:05 Antena

Nga mbledhja e fundit e Këshillit Mbikëqyrës të Bankës

21:17 Antena

Kunati dhe problemet me Kodin e ri Etik në Kuvend

19:54 Antena

Nga takimi i Fullhanit në Kontrollin e Shtetit

20:36 Antena

Kunati zbardh debatet në grupin parlamentar

19:39 Antena

Telashet e Kunatit me fjalimin e Lulit në grup parlamentar

21:27 Antena

Kaçi i kthen përgjigje Zenit për intervistën

20:50 Antena