Te fundit
Reforma në drejtësi, Qeveria “Ok” ftesës së Nishanit për tryezën e 6 tetorit
22 Shtator 2014, 17:36Politika
TEMA
Përfaqësuesit e Qeverisë dhe konkretisht ministri i Drejtësisë, Nasip Naco, do të jenë prezent në tryezën e 6 tetorit të thirrur nga presidenti Bujar Nishani për reformën në drejtësi.
Burime nga Presidenca bënë të ditur se gjithashtu është konfirmuar pjesëmarrja e drejtuesve të institucioneve më të larta të drejtësisë në vend, Prokurorisë etj me synimin nisjen e punës për reformën në sistemin e drejtësisë.
Pritet që pjesë e tryezës të jenë edhe përfaqësues të partive parlamentare, me synim krijimin e një konsensusi sa më të gjerë politik për realizimin e një prej reformave më të rëndësishme në vend.
Drejtësia është shenjuar, si plaga më e madhe që ka Shqipëria nga faktori ndërkombëtar, që në çdo rast ka bërë thirrje për të reformuar sistemin, që duhet të jetë i drejtë dhe i pavarur.
Për reformën në drejtësi, qeveria ngriti një grup pune, pjesë e të cilit ishin Ministri i Drejtësisë, ai i Brendshëm, ai për Marrëdhëniet me Parlamentin dhe deputetë të majtë, por në Tryezën e Tretë të Dialogut të Nivelit të Lartë Shqipëri – BE, është shqyrtuar mundësia e krijimit të një komisioni të posaçëm për këtë reformë, duke ia lënë në dorë Kuvendit realizimin e saj.
Megjithatë, shpallja e reformës, ashtu siç ishte paralajmëruar nga Ministria e Drejtësisë, do të bëhet nëpërmjet një konference mbarëkombëtare, ku krah më krah do të jetë ekzekutivi dhe Presidenca.
Përsa i përket opozitës, demokratët kanë një draft të tyrin për reformën në drejtësi, që pritet ta bëjnë publike.
2 komente në “Reforma në drejtësi, Qeveria “Ok” ftesës së Nishanit për tryezën e 6 tetorit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nuk behet fjale, se do te pranohet reforma ne drejtesi, pavaresisht ,qe te gjithe themi: Drejtesia eshte kthyer ne mafie me ne krye Berishen.Degjova zerin e Ameikes ku komentonte se Parlamenti dhe Rama jane duke shkelur kushtetuten dhe Nishani dhe PD kane te drejte.Ku eshte ai “zeri” I Ameikes qe na jepte shprese dhe na informonte.Jane kthyr si Klan i Sandrit apo per te mos thene si Gazeta e Balliut.Do te jem shume I lumtur diten qe do te mbyllet. Mjaft me disinformuat!
Presidenti(lexo: Berisha) me këtë tryezë kërkon të lajë duart me reformën në drejtësi dhe t’i hedhë hi syve opinionit se ja po bëjmë reformë me sloganin: duhet, duhet… Prandaj qveria (Naço) duhet të mos e hajë sapunin për djathë por të paraqesë dhe të mbrojë versionin për masa konkrete.
Se pastaj dalim te avazi:
Do bëjmë luftë
Do tundim malet
Dhe bota qshet
Dhe fshati tallet
(Sh. Musaraj)