Te fundit
Basha kërkon ndjesë për drejtorët e korruptuar, por i zgjedh në Këshillin Kombëtar
29 Shtator 2014, 16:37Politika
TEMA
Në listën e këshillit Kombëtar të PD-së, drejtor hipotekash, drejtor doganash, prokurimesh publike e kryetar komunash të akuzuar për korrupsion
Lulzim Basha ka menduar se duke kërkuar ndjesë për abuzimin me pushtetit në tetë vite, do të lahej me demokratët e shqiptarët e keqqeverisur.
Ai kërkoi ndjesë publike madje me përulje të thellë, për Drejtorët dhe të zgjedhurit vendor që abuzuan me pushtetin, por vetëm pak minuta pas fjalës së tij në Kuvend ai i propozoi për anëtar të Këshillit Kombëtar të PD-së.
Në listën e Bashës për Këshillin Kombëtar të PD-së përfshihen Drejtorë të drejtorive më të rëndësishme dhe më të përfolurat për kurrupsion gjatë qeverisë “Berisha”.
Në listë kanë hyrë ish-drejtorë të Doganave, Tatimeve, Hipotekave, Prokurimeve Publike, Postë e të tjera drejtori problematikë sa i përket korrupsionit.
Në listë ka edhe kryetar komunash, të cilët janë akuzuar për korrupsion e madje të ndjekur penalisht, për të cilët Basha gjithashtu kërkoi ndjesë publike për keqqeverisje.
Ndjesa e Bashës
“Në mbledhje dhe konferenca të ndryshme janë përmendur raste ekstreme kur të zgjedhur të caktuar të Partisë Demokratike nuk janë parë asnjëherë në zonë gjatë katër viteve të legjislaturës së shkuar.
Në ngjashmëri me indiferencën e të zgjedhurve, drejtorë dhe zyrtarë vendorë janë sjellë në kundërshti të plotë me parimet dhe moralin e Partisë Demokratike.
Njerëzit trokisnin për halle, disa prej nesh mbanin sehir nga xhamat e zyrave dhe makinave, duke i shërbyer rehatisë te tyre personale. Këtu nuk është fjala vetëm për distancën fizike me njerëzit, por më keq akoma, për të jetuarit në një bote paralele me qytetarët, deri në moskuptim të tyre.
Kjo është distanca që nuk lejon të zgjedhurit te kuptojne hallet, gjendjen shpirtërore të njerëzve dhe shoqërisë, mendimet e tyre për zhvillimet politike. Kjo në fakt është distanca e deformimit dhe asgjësimit të politikës”, tha Basha.
Por për kë e kishte fjalën Luzim Basha?
Shumë prej drejtorëve më të përfolur gjatë qeverisjes së Berishës janë pjesë e listës së kandidatëve për anëtar të Këshillit Kombëtar dhe me gjasë do të jenë më të votuarit për këtë forum.
Nga një vështrim i shpejtë i listës së kandidatëve rezulton se ka drejtorë të rëndësishëm e krerë vendor madje edhe të akuzuar për korrupsion. Në se analizohet emër për emër në këtë listë mund të ketë edhe të tjerë ish-drejtorë demokrat, për të cilët Basha kërkoi ndjesë.
Lista e drejtorëve
Agron Kuliçaj ish-zv/drejtor i Përgjithshëm i Policisë
Flamur Gjymishka ish-drejtor i Përgjithshëm i Doganave
Arben ibroj ish-drejtor i OST-së
Arben Qirjako ish-drejtor i Përgjithshëm i Hipotekave
Arben Sefgjini ish-drejtor i Tatimeve, ish-drejtor i shërbimit të Provës në MD
Arqile Goreja ish-drejtor i Postës shqiptare
Bujar Brovina ish-drejtor i Qytetit Studenti
Dashamir Aliko Kryetar i komunës Lazarat
Fetah Hasani ish-drejtor i Hipotekës së Tiranës
Kreuza Leka ish-drejtore e Drejtorisë Kombëtare të Planifikimit Urban
Gazmend Spahia ish-Drejtor i Tatimeve
Elvana Hana Drejtore e Përgjithshme e ISKSh
Fatbardh Plaku Kryetar i komunës Farkë
Gazmend Dibra ish-drejtor i Përgjithshëm i Burgjeve
Avenir Peka ish-kryetar i Kthimit dhe Kompensimit të Pronave
Klodiana Canka ish-drejtoresha e agjencisë së prokurimeve publike
Eneida Gurja ish-drejtore e AIDA, Agjensia për Investimet e huaja
Etion kapedani Administrator i Përgjithshëm në Bashkinë e Tiranës
Florion Pustina Drejtor i P. i Planifikimit dhe Zhvillimit të Territorit në Bashkinë e Tiranës
2 komente në “Basha kërkon ndjesë për drejtorët e korruptuar, por i zgjedh në Këshillin Kombëtar”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Kjo eshte banda e Salih Ram Gerdecit ? dhe e te birit te tij STUPID ?
PD eshte nje kala qe ai e ka zaptuar me kohe dhe dje forcoi pozitat ndersa sot prej nga zyra e tij tek kulla e korrupsionit ka shoshitur(skualifikuar nga lista) armiqt e mundshem dhe tani i sigurte vazhdon perpara duke u çierrur shesheve, me shpresen se zoti Rama do te thyej qafen nga gomarlliqet ? Ne fakt gomarlliku i Rames ka filluar te shfaqet; ndersa u ben thirrje investitorve italian per investime se me demek ka lehtesuar procedurat, nga ana tjeter ka bllokuar te gjitha lejet e ndertimit dhe studimet urbanistike ?
PD eshte haleja e Shqiperise, ka mbledhur funderrinat, kriminelet e Shqiperise.
Propozoj qe te nxirret jashte ligjit