Turqia miraton rezolutën pro sulmeve kundër ISIS, Erdogan ndryshon kurs

Parlamenti turk miratoi një rezolutë e cila mundëson ndërhyrjen ushtarake në vendet fqinje – Siri dhe Irak. Deputetët në Ankara i kanë dhënë dritën jeshile qeverisë konservatore për ndërhyrje ushtarake të forcave turke në këto dy vende fqinje. Deputetët e kanë lejuar edhe ndërhyrjen e ushtarëve të vendeve të tjera nga territori i Turqisë në luftën kundër njësive të grupit terrorist “Shteti Islamik” (IS). SHBA kanë një bazë ushtarake në Incirlik në jug të Turqisë. Për këtë rezolutë kanë votuar 298 deputetë, ndërsa kundër ishin 98. Kundërshtimin e këtij mandati para votimit kishin paralajmëruar partia e madhe opozitare socialdemokrate CHP si dhe një parti më e vogël pro – kurde HDP.

Në këtë mënyrë presidenti i Turqisë Recep Tayyip Erdogan dhe qeveria e tij e kanë ndryshuar politikën e deritanishme sa i përket “Shtetit Islamik”. Deri tani Turqia ka qenë më e matur dhe më e përmbajtur ndaj milicëve të IS. Për dallim prej shumë vendeve perëndimore, Ankaraja iu shmang për një kohë të gjatë cilësimit si organizatë terroriste të IS. Turqia është kritikuar edhe si një vend tranzit i luftëtarëve të huaj të cilët përmes Turqisë kanë shkuar në Siri dhe Irak, në radhët e IS, me qëllim rrëzimin e regjimit të presidentit Baschar al-Assad. Erdogani ka theksuar edhe të mërkurën (01.10) se Assadi duhet të largohet nga pushteti.

Ende nuk është e qartë se si do të realizohet nga qeveria turke kjo rezolutë dhe nëse në Siri e Irak do të dërgohen trupa tokësore turke në luftën kundër organizatave terroriste. Pak para votimit në Parlament, ministri i Mbrojtjes Ismet Yilmaz sipas agjencisë së lajmeve Anadolu, ka deklaruar para gazetarëve: “Mos prisni veprimin e menjëhershëm pas miratimit të rezolutës me të cilën jepet drita jeshile”. (Express)

Papa Françesku nominohet për çmimin Nobel për Paqe

10:55 Bota

Lideri i Boko Haram shfaqet i gjallë: Vetëm Allahu ma merr frymën

10:38 Bota

Irak/ Përballja e policisë me xhihadistët e ISIS, 57 të vdekur

18:26 Bota

Një "Gërdec" edhe në Bullgari, 15 të vdekur nga shpërthimi

15:07 Bota

FOTOT/ Britania i bashkohet Hong Kong-ut, 3000 njerëz protesojnë para ambasadës kineze

12:25 Bota

Erdogan kerkon qe koalicioni kunder ISIS te shkoj pertej bombardimeve

21:24 Bota

Rendi botëror: Refleksione për kombet dhe kursin e historisë

21:13 Bota

Gruaja iraniane pret ekzekutimin me varje, proteston OKB dhe Amnesty International

20:22 Bota

Edhe Australia mbështet sulmet ajrore ndaj IS

09:58 Bota

David Cameron: "Kina shkeli marrëveshjen me Britaninë për sovranitetin e Hong-Kong-ut"

17:29 Bota