Basha-Murphy: Dhuna fizike e papajtueshme me standardet e demokracisë

“Opozita mbështet pa asnjë rezervë çdo investim drejt një historie të re marrëdhëniesh mes fqinjve në rajon, me shikim nga e ardhmja europiane e të gjithë vendeve dhe popujve të rajonit.

Kjo kërkon shkëputje nga stigmat e racizmit dhe fobive dhe që ky investim të shkojë drejt konsolidimit të vlerave dhe standarteve demokratike në të gjitha vendet e rajonit dhe jo flijimit të tyre nën petkun e një stabiliteti të rremë antidemokratik.

Kështu u shpreh Kryetari i Partisë Demokratike Lulzim Basha gjatë takimit të zhvilluar me Senatorin amerikan për shtetin e Konektikatit dhe anëtarin e Komisionit për marrëdhëniet me Jashtë të Senatit, Christopher  Murphy.

Basha ndau me Senatorin Murphy shqetësimin për vendosjen në vend të praktikave autokratike dhe oligarkike, në kundërshtim me parimet themelore të demokracisë dhe shtetit ligjor.

“Shkelja e Kushtetuetes dhe ligjeve nga ana e qeverise dhe mazhorances, moszbatimi i vendimeve te Gjykatës Kushtetuese e gjykatave te tjera, kapja e institucioneve të pavarura, infiltrimi i krimit në strukturat shtetërore, eleminimi i hapësirave institucionale të opozitës dhe skenarët e dhunës fizike kundër opozitës nga individë me rekorde kriminale të sjellë enkas në parlament nga kryeministri Rama, janë të papajtueshme me standartet e demokracisë euro-atlantike”, theksoi Basha.

Sipas tij, në këto kushte Partia Demokratike ka ndërprerë marrëdhëniet e saj me Kuvendin derisa shumica të reflektojë për përgjegjësitë e saj për këtë situatë të rëndë të demokracisë parlamentare, dhe të angazhohet publikisht për ti dhënë fund shkeljes së Kushtetutës dhe vendimeve të gjykatës Kushtetuese si dhe për të nisur një bashkëpunim shumicë-opozitë për të cmontuar mekanizmin që promovon krimin në parlament dhe strukturat shtetërore.

“Partia Demokratike është e vendosur për të qëndruar fuqishëm në mbrojtje të vlerave të demokracisë, shtetit ligjor, të drejtave dhe dinjitetit të individit, si vlera të ndara me demokracinë e madhe amerikane, dhe si rruga e drejtë për të ecur përpara për mirëqënien dhe sigurinë e Shqipërisë dhe shqiptarëve”, theksoi Basha.

Bushati: Retorikat pas ndeshjes Serbi-Shqipëri nuk i shërbejnë bashkëpunimit

12:28 Politika

Meta-Muphy: Shqipëria qëndron e hapur për dialog dhe bashkëpunim konkret me Serbinë

12:15 Politika

Vizita e Ramës në Serbi/ Dokle: Bravo Edi, vizion euroatlantik dhe kurajo shqiptare

12:09 Politika

Nishani-Murphy: Shqipëria përkrah SHBA në luftën ndaj ISIS

12:03 Politika

Djegia e flamurit/ Ministria e Jashtme: Serbia të reagojë, situata jashtë kontrollit

10:19 Politika

Berisha: Vucic mundohet të mbulojë diellin me shoshë

08:50 Politika

Preshevë, përgatitje për vizitën e Ramës

19:03 Politika

Bylykbashi: Hetimi për KLD, farsë. Synohet kapja e Këshillit

18:14 Politika

Beograd, ambasada e Shqipërisë rrethohet nga policia

17:19 Politika

Eduard Kukan: Thirrjet kundër shqiptarëve në Beograd, të rënda. Vuçiç e Rama të tregojnë se janë burra shtetit

16:18 Politika