Te fundit
Gjendja financiare e bashkive dhe komunave/Qeveria do të kontraktojë një kompani të huaj për auditimin
29 Tetor 2014, 13:18Politika
TEMA
Qeveria do të kontraktojë javën e ardhshme një kompani të huaj për të vlerësuar gjendjen financiare të bashkive dhe komunave të vendit, i cili do të përfundojë para zgjedhjeve vendore të vitit 2015.
Kjo u bë e ditur nga ministri i Shtetit për Çështjet Vendore Bledi Çuçi gjatë një seance dëgjimore në Komisionin e Ligjeve në lidhje me progres-raportin e Komisionit Europian.
Ministri Çuçi tha se në një 20 vjet nuk ka pasur asnjë vlerësim financiar të tyre, ndërsa shtoi se prej muajit maj është ngritur një grup i posacëm ekspertësh për strategjitë e reformimit të qeverisjes vendore.
Referuar ndarjes së re territoriale, Çuçi tha se brenda këtij muaji në Kuvendin e Shqipërisë do të depozitohen amendimet për ligjin e ndarjes së re administrativo-territoriale të vendit.
Ai tha gjithashtu se shpenzimet buxhetore për pushtetin vendor me hartën e re territoriale do të rriten në masën 2.7 % të Prodhimit të Brendshëm Bruto.
Duke u ndalur tek raporti i KE-së, Çuci tha se ai vlerëson rolin e koordinatorit kundër korrupsionit.
“Jemi në plan konsultimi me të gjithë aktorët”, u shpreh ai.
Deputeti Majko deklaroi gjatë mbledhjes se Reforma Territoriale përbën revolucion me të mirat dhe të këqijat e veta.
Progres Raporti, i publikuar më 8 tetor në Bruksel, vlerësoi arritjet dhe reformat e realizuara deri taninë Shqipëri duke e vënë theksin tek nevoja e thellimit të luftës kundër krimit e korrupsionit, te reforma në sistemin gjyqësor dhe te rivendosja e një dialogu politik të qëndrueshëm mes maxhorancës dhe opozitës. /gj.k/
1 komente në “Gjendja financiare e bashkive dhe komunave/Qeveria do të kontraktojë një kompani të huaj për auditimin”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Fillojeni i çik auditimin nga bashkia Vorë.
… dhe do shifni sa ‘mirë’ i ka investu paret …!