Grupi i Vishegradit: Sekretariati i Fondit të Ballkanit Perëndimor të ngrihet në Shqipëri

Shqipëria është zgjedhur vendi ku do të ngrihet Sekretariati i Fondit të Ballkanit Perëndimor, një vendim ky i marrë gjatë takimit të ministrave të Punëve të Jashtme të Grupit të Vishagradit dhe të Ballkanit Perëndimor, i cili u zhvillua në Bratislavë të Sllovakisë.

Kjo është hera e parë që në Shqipëri vendoset selia e një organizate rajonale, dëshmi e një kontributi në rritje të vendit tonë në drejtimit të politikave të bashkëpunimit rajonal dhe fqinjësisë së mirë.

Takimi, ku merrte pjesë edhe ministri i Jashtëm shqiptar Ditmir Bushati, i organizuar nga Sllovakia si vend që ka kryesinë e radhës të Grupit të Vishegradit, kishte si qëllim t’i përcillte vendeve të Ballkanit Perëndimor përvojën e Polonisë, Hungarisë, Çekisë dhe Sllovakisë në fushën e integrimit evropian.

Diskutimet gjatë takimit u përqendruan në tre tematika: shteti ligjor, qeverisja e mirë dhe transparenca si dhe bashkëpunimi rajonal.

Kreu i diplomacisë shqiptare Ditmir Bushati në fjalën e tij u ndal në vëmendjen që Shqipëria i kushton bashkëpunimit rajonal në politikën e jashtme, duke përmendur edhe kontributin e palës shqiptare si në Konferencën e Berlinit, ashtu edhe në procesin që e ka pasuar atë e që synon përmirësimin e infrastrukturës rajonale, rritjen e shkëmbimeve dhe forcimin e lidhjeve mes popujve.

Ai shtoi se këto janë edhe disa prej prioriteteve të Kryesisë shqiptare të SEECP gjatë këtij viti.

“Riorganizimi i Komisionit të ri që vendos Përfaqësuesen e Lartë për Politiken e Jashtme dhe Zëvendës Presidentin e Komisionit në krye të drejtimit dhe koordinimit të Politikës së Jashtme dhe Zgjerimit si dhe Paketa e Zgjerimit 2014 kanë rritur fokusin mbi zgjerimin si një projekt gjeostrategjik politik”, tha ministri Bushati.

Në takim u diskutua gjithashtu mbi pritshmëritë e vendeve të rajonit nga Komisioni i ri Evropian, mbi situatën në Ukrainë dhe krizën në Siri e Irak, ndërsa pjesëmarrësit ndanë mendimin se sfidat e përbashkëta duhen përballuar bashkërisht. /gj.k/

LSI ripërsërit ftesën ndaj PD për ndërprerjen e bojkotit/ Vasili: Guvernatori i ri me dialog mes presidentit dhe kryeministrit

11:43 Politika

Halimi inspekton aksionin e INUK në Durrës: Kush ka ankesa të vijë pranë PD-së

11:51 Politika

Basha: Ekonomia në krizë, shteti ligjor u zëvendësua me atë policor

11:31 Politika

Artur Zheji është gjithmonë përballë opozitës

11:18 Politika

Reforma në drejtësi/ Naço: Ndryshim kushteve për zgjedhjen e anëtarëve të KLD

11:14 Politika

Reforma në drejtësi, Arvizu rekomandon 6 hapat që duhen ndjekur

10:57 Politika

FOTOT/ Rama: Vitin tjetër, plazhi i Durrësit s'do jetë si Kandahari

10:39 Politika 1 koment

Shisnin diploma gjimnazi për 1800 euro, 5 persona në pranga (mes tyre drejtori gjimnazit në Fier)

10:20 Politika

Si arriti t’i manipulojë shqiptarët “patrioti” Lorik Cana

10:18 Politika

Donatorët e huaj kanë dhënë 76 milion euro për familjet e ngujuara, por ato kanë përfunduar në xhepat e shoqatave

09:50 Politika