Nishani kërkon takim me Metën/ Pritet të diskutohet për Guvernatorin e ri dhe dekretet për Gjykatën e Lartë

Presidenti Bujar Nishani dhe Kreu i Kuvendit Ilir Meta pritet të takohen të enjten në mëngjes në një takim të kërkuar nga Kreu i Shtetit.

Takimi është konfirmuar nga kryeparlamenrtari Ilir Meta, i cili ka pohuar se ka një ftesë nga Presidenti Nishani për takim por pa dhënë detaje mbi atë çka mund të diskutohet mes dy drejtuesve të lartë të shtetit.

Burime nga Presidenca konfirmojnë për TemA se takimi i planifikuar do të ketë në vëmendje jo vetëm zgjedhjen e Guvernatorit të ri, për të cilin Nishani ka zhvilluar disa takime konsultative me Kryeministrin Edi Rama, por edhe mbi dekretet e Kreut të Shtetit përsa i takon plotësimit të vendeve vakante në Gjykatën e Lartë.

Kuvendi ka rrëzuar me votat e mazhorancës dekretet e Nishanit për kandidatët e propozuar për Gjykatën e Lartë për shkak se nuk janë respektuar procedurat consultative mes Kreut të Shtetit dhe Parlamentit.

Burimet theksojnë se takimi është në frymën e dialogut që Kreu i Shtetit zhvillon me drejtuesit kryesorë të institucioneve dhe nuk përjashtohet mundësia që në ditët në vijim Presidenti të zhvillojë takime edhe me përfaqësuesit e grupeve parlamentare.

Deputeti socialist Erjon Braçe në një postim në Facebook është shprehur se Kreu i Shtetit nuk ka asnjë të drejtë ligjore për të propozuar kandidatë për Këshillin Mbikqyrës së Bankës së Shqipërisë, ndërsa për këtë i referohet ligjit për Bankën. i të njëjtit mendim është edhe ish-Presidenti Bamir Topi, sipas të cilit Kryeministri Edi Rama po gabon duke i lënë Kreut të Shtetit të drejtën e propozimit të Guvernatorit të ri.

Në bazë të ligjit, Kreu i Shtetit ka të drejtën të propozojë si Guvernator një nga emrat e anëtarëve të Këshillit Mbikqyrës të Bankës së Shqipërisë.

Presidenti në anën tjetër ka deklaruar se do të respektojë gërmë për gërmë frymën e Kushtetutës për të ushtruar kompetencat e tij. /gj.k/

Berisha: Konstandin Xhuvani u lirua nga Rama, Topi dhe Ina Rama, policia do të fshehë krimin

11:42 Politika

Basha bën gati një super kryesi, e cila duket se do ketë peshë më shumë se grupi parlamentar

11:20 Politika

Dade apel opozitës: Ndërprisni bojkotin, ejani në seancat dëgjimore për Ambasadorët

11:21 Politika

Spekulimet për masakrën/ Nga sherri për një këngëtare, tek prishja e pazareve të drogës

10:56 Politika

Qeveria terhiqet nga rritja e taksës së automjeteve?

10:21 Politika

I mbaroi mandati, Nishani liron nga detyra ambasadorin shqiptar në SHBA

08:02 Politika

VENDIMI I PLOTE/ Konstandin Xhuvani u dënua vetëm 2 vjet për vrasjen e një të riu 3 vjet më parë

09:46 Politika

INTERVISTA/ Topi: Berisha po krijon dinasti si Kim Jong Un, opozita po 'mbytet'

09:21 Politika

Përgjaket Tirana/ 4 të vdekur pas një konflikti me armë në lokal. Arrestohet djali i deputetes Luiza Xhuvani

08:16 Politika

Sinanaj: Për atentatin ndaj Ardian Kollozit u pagova 7500 euro, por vetëm për ta trembur

20:58 Politika