Ministria e Energjisë iu përgjigjet akuzave: Bashkia dha leje për ndërtimin, madje ofroi asistencë

Ministria e Energjisë ka reaguar ndaj akuzave të Bashkisë së Tiranës, se ajo po bën punime të paligjshme.

Në reagimin e saj, Ministria thotë se për këtë ndërhyrje ka marrë leje tek Bashkia, madje kjo e fundit i ka ofruar edhe asistencë.

Sipas Ministrisë, ndërhyrja, e cila duhej bërë në fakt nga Bashkia, ishte e domosdoshme.

“Ministria e Energjisë dhe Industrisë referuar akuzave të nxjerra sot nga Bashkia Tiranë mbi një “ndërtim pa leje” në ambientet e jashtme të Ministrisë, bën me dije gjithë opinionin publik se:

Me shkresën nr. 6310 prot, datë 21.10.2014 është vënë në dijeni Bashkia e Tiranës për domosdoshmërinë e ndërhyrjes nga ana e MEI, në pjesën e pasme të godinës të Institucionit, për shkak të keqfunksionimit të vazhdueshëm të sistemit të kanalizimeve, për largimin e ujërave të bardha dhe të zeza.

Në vijim, Bashkia e Tiranës me shkresën nr. 14147/1 prot., datë 27.10.2014, shprehet dakord për realizimin e këtij investimi të nevojshëm, madje duke ofruar edhe asistencë teknike për realizimin e këtij riparimi të rrjetit të kanalizimeve dhe të sistemimit të pjesës së pasme të oborrit.

Pra sa më sipër, theksojmë se jo vetëm që nuk bëhet fjalë për një ndërtim të çfarëdolloj strukture, por thjesht punime të sistemimit të kanalizimeve të ujërave të bardha dhe të zeza, të degraduara prej vitesh, theksojmë detyrë kjo funksionale e Bashkisë Tiranë, e cila e kishte lënë në harresë prej vitesh, duke prurë si pasojë një problematikë emergjente, në daljen dhe depozitimin e ujërave në sipërfaqen e territorit mbrapa godinës së Ministrisë së Energjisë dhe Industrisë”, thuhet në reagimin e Ministrisë./b.l

Cani: Në paketën fiskale janë parashikuar të gjenerohen 16 miliardë lekë

11:34 Ekonomia

Aksioni kundër vjedhësve të energjisë/ Gjiknuri: Thirrjet e opozitës për protesta synojnë të pengojnë reformat

11:23 Ekonomia

Mbi 1 milionë turistë vizituan Shqipërinë në 6 muaj

20:27 Ekonomia

Tryeza e PD, reagon MEI: Energjia, emergjencë kombëtare. E zhytët sektorin në një gropë të thellë

17:45 Ekonomia

Kuvend/ Haxhinasto: Investimet në infrastrukturë, 23.4 miliardë lekë

16:10 Ekonomia

Paketa fason/Ahmetaj: Realizuam 23 nga 32 masat e parashikuara

15:35 Ekonomia

Të ardhurat tatimore rriten me 42 miliardë lekë

15:19 Ekonomia

Cani: Kompensim për heqjen e fashës së energjisë

12:50 Ekonomia

Rritja e çmimit të energjisë, edhe KESH i drejtohet ERE-s me një kërkesë

12:34 Ekonomia

Gjermeni: Shqipëria e hapur për turistët dhe investitorët e huaj

09:55 Ekonomia