Rama: Fund bandave në sistemin energjitik dhe në ujësjellësa

Kryeministri Edi Rama paralajmëroi ndërmarrjen e një tjetër aksioni të njëjtë me operacionin kundër vjedhësve të energjisë, mbi shpërdorimin dhe abuzimin me ujin.

Nga Forumi Kombëtar Kundër Korrupsionit,  Rama paralajmëroi se një tjetër gropë financiare, edhe më e madhe se ajo e energjisë ndodhet në ujësjellësa.

Në këtë kuadër Rama theksoi se ndarja e re territoriale do t’i japë zgjidhje edhe këtij problemi.

Në fjalën e tij Kreu i Qeverisë u shpreh se nuk kemi të bëjmë me ndërmarrje apo me kompani, por me banda që abuzonin me energjinë dhe abuzojnë me ujin.

Kryeministri Rama paralajmëroi sot se pas energjisë elektrike, do të nisë aksioni për ujin. Sipas Kryeminstrit Rama, nga uji është krijuar gropë më e madhe financiare se energjia.

“Kemi trashëguar borxhe nga sistemi i ujësjellësave. Sistemi i ujësjellësave administrohet nga banda. Bandat që administrojnë ujësjellësat s’duan t’ja dinë për politika lokale”, tha Rama..

“Ka një gropë më të madhe se vjedhja e energjisë, eshte uji. Si të mos jetë gropë, kur i gjithë sistemi i kësaj pasurie, si vendi i dytë më i pasur për pasurinë hidrokarbure nuk eshte menaxhuar si duhet.

Problemi ynë më i madh është se kemi shumë ujë. Kemi trashëguar borxhe nga sistemi i ujësjellësave.

Bordet e ujësjellësit drejtohen nga të papërgjegjshëm, që nuk duan t’ia dijnë për politikat lokale dhe kjo nuk ka të bëjë me njerëzit, por me sistemin”, tha Rama.

“Lufta ndaj korrpsionit kalon nga bashkëpunimi me qytetarët. Lufta nga korrupsioni nuk mund të jetë një betejë e njëanshme. Prej vitesh qytetarët dyshojnë se denoncimi mund të meret parasysh. Tashmë çdo ankesë shqyrtohet dhe çdo ankesë i referohet ministrit përkatës”, tha Rama.

Kryeministri Edi Rama duke folur sot gjatë Forumit Kombëtar kundër korrupsionit u shpreh se “kjo qeveri është një qeveri e modernizimit të vendit tonë”.

Do të doja, tha Rama, “që tek çdo minstër në fund të mandatit publiku të identifikonte modernizmin e sektorit”.

“Lufta ndaj korrupsionit nuk është gjueti shtrigash dhe as nuk mund të shihet e kufizuar në betejë ndaj të korruptuarve, por është lufta për modernizimin e shtetit dhe transformimin e një sistemi që korrupton njerëzit në një sistem që është i pakorruptueshëm, sepse nuk janë njerëzit që korruptojnë sistemin po është sistemi që korrupton njerëzit”, theksoi Kreu i Qeverisë.

Sipas kreut të qeverisë, “asnjë sistem tjetër përveç demokracisë, nuk e garanton dot transaprencën. Në asnjë sistem tjetër nuk është e mundur që qeveria apo Presidenti i një vendi të kërkojë nxjerrjen e transparencës përpara publikut apo të ballafaqohet me faktet si ai që ndodh në SHBA”.

“Vendosja në sistemin tonë të qeverisjes e një rutine raportimi publik, gjë që është bërë nga çdo ministri, është në fakt vendosja e kësaj vlere të madhe të respektit për qytetarët në themel të qeverisjes”, tha Kryeminsitri Rama.

Ky formë dhe kjo paraqitje, vijoi Rama, “nuk është një paradë suksesesh, por është vetëdija se i detyrohemi të gjitha palëve transparencë në raport me ç’ka kemi bërë dhe ç’ka duam të bëjmë”.

“Një vit më parë ne në të njëjtin format morëm përsipër disa sfida dhe sot një vit më pas jemi këtu për t’u ballafaquar me premtimet, por dhe për të pranuar se jemi ende larg objektivit tonë”, u shpreh kryeministri Rama.

Duke u ndalur tek shembujt konkretë Rama shtoi se “korrupsioni nuk luftohet me ndëshkimin e një drejtuesi apo 20 të tillëve, ky është një iluzion për sa kohë sistemi do jetë i tillë, ku gjithkush do jetë i cenueshëm, i tundueshëm dhe i korruptueshëm potencialisht”.

Për të treguar se ku ndryshon një shtet modern nga një shtet rrumpallë, Rama tha  “kemi nisur të ndryshojmë sistemin e rekrutimit të mësuesve. Ngritëm sistemin e një testimi kombëtar të sekretuar dhe tërësisht transparent që do sjellë si rezultat një rankim të mësuesve në të gjithë republikën në bazë të testimi,t cdo mësues do ketë kreditit e veta”.

Duke folur për debitorët e energjisë, Rama njoftoi se, po hetohen personat që punojnë në polici dhe shifrat që na rezultojnë deri tani, tha Rama, janë alarmante.

“Fokusi ynë në të gjithë sektorët është ndëshkimi, por në radhë të parë modernizimi i sistemeve. Shikoni se çfarë bëhet me energjinë. Imagjinoni sikur këta njerëz të kishin paguar energjinë në këto vite”, tha Rama. /gj.k/

CIA sajoi pikë doganore false në Shqipëri për operacionet antiterroriste

12:57 Politika

Mustafa Nano ka për të gjithë: Fevziut i pifsha dollinë e i q…a përurimet e librave

12:51 Politika

Lushnjë, pranga dy të rinjve për seks tresh me një 13-vjeçare

12:25 Politika

Qeveria paraqet arritjet: Reformat, rruga e zmbrapjes së korrupsionit

11:54 Politika

FOTOT/ Ngjarjet e një viti, parë nga një tjetër këndvështrim

11:37 Politika

Shfarosni shqiptarët! Ja platformat e fqinjëve...

10:40 Politika

Rauning: Ende nuk ka një zyrtar të lartë të dënuar për korrupsion

10:39 Politika

Basha: Pushtetarët të qeverisin për njerëzit ose të largohen

10:17 Politika

"Lule Misri" dikur, Malala sot

09:48 Politika

SONDAZHI/ 290 mijë votues të qershorit 2013, s'janë gati të votojnë sot

09:36 Politika