Kuvend/ Rama: Shkalla e punësimi u rrit me 3.7 %, problem niveli i ulët i kualifikimit

Kryeministri Edi Rama deklaroi nga salla e Kuvendit se statistikat zyrtare të prodhuara nga Instituti i Statistikave një ditë më parë, faktuan atë që qeveria ka deklaruar, rritjen ndjeshëm të numrit të të punësuarve dhe kjo, sipas tij, faktohet edhe nga libri i llogarive të Institutit të Sigurimeve Shoqërore.

Rama tha se rritja e numrit të të punësuare lidhet drejtpërdrejt me lëvizjen në drejtimin e duhur nga njëra anë të dhe nga ana tjetër, të luftës kundër skllavërisë

“Ajo që anketa 3-mujore e forcave të punës e publikuar nga INSTAT bazuar në shifra të verifikueshme është konfirmimi i faktit se krahasuar me 3 mujorin e tretë të vitit 2013 shkalla e punësimit u rrit me 3.7 pikë përqindje, shkalla e pjesmarrjes së forcave të punës u rrit me 4.8 pikë përqindje, ndërsa shkalla e papunësisë shënoi rënie të lehtë”, deklaroi Rama.

Duke u ndalur tek shkalla e papunësisë së regjistruar, Rama tha se kjo shpjegohet me faktin se është rritur ndjeshëm besimi se mundësia për punë është më e madhe, çka i bën njerëzit në kërkim pune të rëgjistrohen si punëkërkues.

“Rritja e numrit të regjistruar si punëkërkues duhet të shihet jo si rritje e papunësisë, por si rritje e forcave të gatshme për punë. Krahasuar me tremujorin e dytë të këtij viti kemi një rritje të shkallës së punësimit me 1.8 pikë përqindje”, u shpreh Kryeministri.

Sipas tij, kjo nuk është vlerësim subjektiv i yni, por shpjegim që bëhet në të gjthë botën. Kryeministri Rama u ndal edhe tek arsimi profesional, i cili tha ai, është në funksion të kërkesave të tregut.

“Insistojmë tek industria përpunuese, prodhimi vendas në bujqësi, blegtori dhe në tërësi në fshat, duke vazhduar të insistojmë tek suksesi i domosdoshëm për jetë a vdekje të operacionit të rimarrjes nën kontroll të burimeve energjetike të vendit, por dhe të burimeve natyrore në tërësi.

I kemi të gjitha mundësitë që në këto drejtime të krijojmë me shpejtësi vende të reja pune.

Duhet parë me vëmendje një sektor ku jemi ende mbrapa, turizmi. Në këtë sektor kemi një hapësirë shumë të madhe punësimi. Për të stimuluar këtë sektor do të sjellim shumë shpejt në parlament projektin e ri ligjor”, tha Rama.

Sipas tij, ajo që konsiderohet problematike në forcat e punës është niveli i ulët i kualifikimit.

Duke iu referuar aplikimeve për vendet vakante në administratën shtetërore, Rama tha se me hyrjen në fuqi të ligjit të dakordësuar me Komisionin Evropian për administratën publike, kemi një sistem të ri aplikimi dhe konkurrimi, krejtësisht të pavarur nga ministritë dhe politika.

“Në valën e parë të konkurseve arritëm të mbushim vetëm 38 pozicione, ndërkohë që për të gjithë pozicionet e tjera nuk fitoi askush.

Ata që konkurrojnë kanë një problem të madh për të zgjidhur, që është kualifikimi. Çka ne duhet të bëjmë është të rrisim vetëdijen se këta njerëz duhet të punojnë për kualifikimin”, theksoi Rama. /gj.k/

Bushati: BE dhe Kina dy aspekte plotësuese të njëri-tjetrit për Shqipërinë

11:54 Politika

Dekorimet/ Qeveria ngre komisionin 5 anëtarësh për dhënien e medaljeve

11:24 Politika

Rama: Jemi në rrugën e punësimit real, 78844 të punësuar më shumë

11:16 Politika

Ish-deputeti i PD-së në kërkim për vjedhje të energjisë elektrike. Pas 4 ditësh do shpallej "Qytetar Nderi"

11:03 Politika

Nexhmije Hoxha: Nuk do pranoja të më dekoronin, madje do e ktheja mbrapsht medaljen

09:48 Politika

Viron Bezhani: 10 deputetë të PD-së i kërkuan tim ati dosjen e Sali Berishës

09:25 Politika

Kërcënon në zyrë me jetë kreun e Bashkisë së Korçës për prishjen e shtëpisë, arrestohet 59-vjeçari

09:17 Politika

Bashkë me dekoratat e reja (simbolikisht të rëndësishme) edhe disa teza origjinale historike nga presidenti

20:31 Politika

Incident mes Berishës dhe Ramës tek aktiviteti i OSBE-së. Berisha braktis sallën ku mbahej aktiviteti

19:56 Politika

Abuzimet me energjinë/ PD: Rama ka marrë në mbrojtje të zgjedhurit vendorë të PS

18:18 Politika