Rama me nënpunësit e rinj të administratës: Testimet do të largojnë të paaftët

Kryeministri Edi Rama zhvilloi një takim me punonjësit e rinj të administratës publike, të cilët kanë rezultuar fitues në konkursin për vendet vakante në Departamentin e Administratës Publike.

Rama theksoi se po hapet një faqe e re për adiministratën, ku në themel janë vendosur konkurenca dhe merita. Në këtë kuadër Kreu i Qeverisë tha se ligji i ri për administratën publike është një sfidë, e ndërsa sipas tij ka një potencial transformues.

“Është inkurajuese që në këtë proces shumë të vështirë, i cili është i minuar nga një mosbesim, të mund të çelim një faqe të re të panjohur më parë duke vendosur në themel, konkurencën dhe meritën.

Është një proces që ka një potencial transformues jo vetëm për Adiministratën. Ligji që ka hyrë nq fuqi i bie ndesh traditës, mendësisë dhe zakoneve tona.

Është një ligj sipas Bashkimit Evropian, na sfidon të gjithëve, duke na vendosur përballë domethënien e gjithë kësaj historie llafesh për Shqipërinë europiane.

Janë jo vetëm të vështira por dhe me shije të hidhur për tu arritur”, deklaroi Rama.

Në vijim Kryeministri tha se këtë proces e kanë paragjykuar shumë njerëz, dhe ata që kanë konkuruar dhe nuk e kanë fituar.  Rama paralajmëroi punonjësit e administratës se ata do të përballen me testim të tjera, pas konkursit për të fituar një vend pune.

“Ka një thënie aristoteli: rrënjet e dijes janë të hidhura, frutet janë të ëmbla. Për të arritur deri tek frytet, procesi është i dhimbshëm, i hidhur.

Ndërsa ju po flisnit, unë po mendoja se çfarë mendojnë 5200 të tjerë që s’kanë fituar. Meqë ne nuk pranojmë dështimin, jemi këtu ku jemi, nuk kemi ditur kurrë të pranojmë dështimin e pastaj të ndërtojmë suskesin.

99% mendojnë se kanë humbur padrejtësisht, dhe mendojnë se jeni këtu falë partisë, falë parave.

Edhe ju po të mos kishit fituar do kishit menduar të njëjtën gjë.

Është e domosdoshme të ecim në kokëfortësi në këtë rrugë që kemi nisur”, deklaroi kryeministri Rama.

Sipas tij, testimet brenda administratës do të shërbejnë si instrument për të mos lejuar që struktura e re ligjore për nënpunësit e shtetit, të kthehet në një jorgan për të mbuluar paaftësinë.

Kryeministri garantoi se qeveria po bën të gjitha përpjekjet për të investuar më tepër në drejtim të trajnimit të vazhdueshëm të punonjësve të administratës.

“Unë jam i bindur që secili nga ju, duke qenë se është sot i ulur në një karrige që e ka fituar me emrit, do të jetë shumë më i ndërgjegjshëm për të mbrojtur qytetarët që meritojnë të marrin atë që u takon.

Ky është një proces që vazhdon, nuk mbaron këtu.

Problemi më i madh që kemi ne me këtë strukturë të re ligjore është që ligji të garantojë konkurrencë, përzgjedhje sipas meritës, por të mos kthehet në një jorgan nën të cilin ai që hyn në administratë ja fut gjumit se nuk ka zot që e zgjon më nga gjumi.

Prandaj ne kemi futur konceptin e testimit brenda administratës. Çdonjeri duhet të provojë në mënyrë sistematike se është personi i duhur për atë vend pune”, tha Rama.

Ndërsa ministrja e Inovacionit Milena Harito theksoi se procesi i përzgjedhjes së punonjësve të rinj të Administratës ishte totalisht transparent, i modernizuar dhe me standarde.

“Ju jeni dëshmitarët e parë të një momenti historik për administratën shqiptare. Hyni në administratë me një kompeticion të fortë, jeni 38 vetë nga mijëra që synonin të hynin në administratë.

Ju hyni në administratë me kritere të përbashkëta për të gjithë. Të gjithë ju i keni plotësuar standardet e kërkuara. Procesi ishte totalisht transparent, i modernizuar dhe totalisht me standarde.

Ju presin sfida në institucionet ku do shkoni”, deklaroi ministrja Harito. /gj.k/

Mazhoranca heq dorë nga përdorimi i shumicës së cilësuar (kur është e mundur)

12:01 Politika

Konstandin Xhuvani pranon fajësinë për vrasjen e katërfishtë, kërkon gjykim të shkurtuar

11:05 Politika

PD e PS në një linjë për deklaratat e eurodeputetëve, bojkoti i opozitës merr fund

11:01 Politika

Fleckenstein dhe Kukan: Palët ranë dakord me propozimet tona, tani opozita të kthehet në Kuvend

10:40 Politika

Luçiano Boçi thotë se motivet e bojkotit të PD-së, janë…globale

10:13 Politika

Kur "puthen" të mëdhenjtë

09:56 Politika

Ngjela: Bojkoti, lojë e Berishës dhe Bashës për të përjashtuar kundërshtarët e tyre në parti

09:50 Politika

Arben Imami replika me Berishën: S’mund të vendosë Këshilli Kombëtar për mandatet tona

09:30 Politika

Ironia e Patozit kundrejt Bashës: Zoti kryetar, faleminderit që na mblodhe pas katër muajsh

09:18 Politika

PD dorëzohet! Pollo i shkruan Kukan: Do t'i drejtohemi parlamentit

00:10 Politika