Rama: Rritje pagash dhe pensionesh për punonjësit e policisë

Qeveria do të mbështesë gjithnjë familjet dhe fëmijët e të rënëve në detyrë në Policinë e Shtetit, ashtu si dhe ushtarakët që janë në misione luftarake paqeruajtëse jashtë vendit

Gjatë një aktiviteti festiv të organizuar me këtë rast, ku ishin të pranishëm Ministri i Punëve të Brendshme, Saimir Tahiri, Ministrja e Mbrojtjes, Mimi Kodheli, si dhe familjar të të rënëve në detyrë, Kryeministri Edi Rama garantoi se qeveria Shqiptare është pranë familjarëve të cilët kanë humbur të dashurit e tyre në emër të paqes dhe sigurisë në atdhe, si dhe të ushtarakëve të cilët festojnë Krishtlindjet dhe Vitin e Ri larg të dashurve që janë në misione paqeruajtëse jashtë vendit.

“Këtu kemi prindër, fëmijët e të cilëve me uniformën e blertë nderojnë vendin tonë, duke luftuar përkrah aleatëve ndaj terrorizmit. Po ashtu sot kemi familjar, të luftëtarëve që me unfirmën blu nderuar vendin e tyre duke u përballur me krimin në garantimin e rendit dhe sigurisë në vend”, theksoi Rama.

“Sot janë 211 bashkëqytetar, që u mungojnë nënave, grave, fëmijëve, bababallarëve dhe vllezërve, pasi duke luftuar ndaj krimit kanë humbur jetën. 150 prej tyre janë shpallur dëshmor, duke shënuar emrin në përjetësi dhe duke i lënë trashëgimi familjarëve të tyre virtytet më të mira. Atë të ndershmërisë, të drejtësisë dhe luftës ndaj kompromiseve të errëta”, vijoi Kreu i Ekzekutivit.

Kryeministri Rama bëri të ditur se ndryshe nga herët e tjera kur fëmijëve u jepeshin dhurata sipas oreksit të organizatorëve, sot fëmijët do të dëgjohen dhe do të blihen dhurata sipas dëshirave të tyre.

Sipas tij, fëmijët e të rënëve në detyrë, ashtu siç ndodhi dhe pak muaj më parë do të kenë mundësi të bëhen pjesë e akademisë së rendit pa konkurs.

Sipas kreut të ekzekutivit kjo nuk bie ndesh me rregullat e konkurencës së ndershme.

“Fëmijët e të rënëve në detyrë, që kërkojnë të ndjekin hapat e prindërve të tyre, janë shëmbëlltyrë e vlerave shoqërore, standardeve dhe mospërkuljes përballë kompromiseve dhe kjo është ajo çka duam ne në Policinë e Shtetit dhe kjo është ajo çka këta fëmijë kanë trashëguar nga prindërit e tyre dhe prandaj është detyrimi ynë t’i ofrojmë atyre këtë mundësi”, tha ai.

Kryeministri Rama kujtoi dhe premtimin e qeverisë për të  ngritur në këmbë Universitetin e Sigurisë.

“Edhe këtu fëmijët e të rënëve në detyrë do të favorizohen për t’u bërë pjesë e këtyre studimeve pa konkurs”, tha Rama.

Ai gjithashtu garantoi se qeveria shqiptare do të ndjekë nga afër rrugëtimin e fëmijëve të të rënëve në detyrë deri në momentin që ato do të dalin në jetë.

“Qeveria Shqiptare do të jetë gjthnjë një dorë e ngrohtë, e cila do të mbështes në çdo udhëtimin e fëmijëve të punonjësve të policisë të rënën në detyrë deri kur ata të nisin një punë apo fakultetin dhe më tej”, tha Rama.

Edhe pse Buxheti i Shqipërisë ka trashëguar shumë vështirësi, Kryeministri Rama tha se qeveria shqiptare ka rritur rrogat e punonjësve të policisë së shtetit, ndërsa njoftoi dhe rritjen e pensioneve për efektivët e policisë.

“Ne dyfishuam rrogat për punonjësit e policisë në bazë, pra që përballen direkt me keqbërësit. Ofruam shëndetësi falas dhe të gjitha kushtet për një polici të denjë dhe të fortë për të luftuar krimin.

Ne gjithashtu kemi menduar të rrisim edhe pensionet. Kështu që për të gjithë ata punonjës policie të cilët dëshirojnë të dalin në pension të paraakohëshëm do të përfitojën 173 mijë lekë më shumë se më parë, ndërsa ata që do të dalin me 35 vite punë në pension do të përfitojnë 400 mijë lekë pension”, nënvizoi Rama. /gj.k/

Mesila Doda replikon me Fehmi Abdiun: Është një mbeturinë, të ketë kujdes kur flet për mua

13:11 Politika

Paloka: Rikthimi në Kuvend, jo vendosje paqeje me Qeverinë

13:04 Politika

Pas gjashtë muajsh, opozita rikthehet më në fund në Kuvend

12:42 Politika

Kuvend, Grupi i PS vendos mosndryshimin e rendit të ditës në seancë

12:14 Politika

Tropojë, dëshmitari i vrasjes së Azem Hajdarit plumba ndaj policisë

11:35 Politika

Paloka: Kthimi i opozitës në Kuvend, ngjarje e jashtëzakonshme

11:16 Politika

Në rrjetet sociale nis gallata, Knut Fleckenstein më në fund nis pushimet

10:54 Politika

Mesila Doda: Lamë njerëzit tanë pa mbrojtjes, fjala bojkot duhet zhdukur

10:53 Politika

Dash Shehi hyn në Kuvend, pa pritur vendimin e PD-së

10:30 Politika

Bashkia e Tiranës, 2.3 milion euro pa paguar dritat (por në këtë rast nuk ka ndërprerje energjie apo arrestime)

10:13 Politika