Mesila Doda: Lamë njerëzit tanë pa mbrojtjes, fjala bojkot duhet zhdukur

Mesila Doda, deputetja e Partisë Demokratike, e ka cilësuar kthimin e forcës kryesore të opozitës në Kuvend si vendimin e duhur.

Ajo theksoi se në këtë mënyrë respektohet parlamentarizmi, respektohen votat që kjo parti ka marrë në zgjedhjet e fundit dhe njerëzit që kanë votuar PD.

Mesila Doda: “Besoj se është ditë e mirë. Ditës kur i rikthehemi jetës parlamentare në respekt të parlamentit, votës që na kanë dhënë njerëzit dhe mbrojtjes që ata kërkojnë prej nesh. Ju e dini që unë jam shprehur kundër bojkotit si një armë politike për vitin 2014- 2015.

Besoj se duhet të jetë një nga ato mjete ekstreme që ne duhet të kundërshtojmë një akt por jo për periudha të zgjatura. Sepse përgjatë kësaj kohe duket se ushtrojmë presion kundër kundërshtarit por e vetmja gjë që kemi arritur të kryejmë është të lëmë vetëm njerëzit tanë në mbrojtjen që do të duhej t’i bënim kundër autoritarizmit, presionit të shtuar problemeve ekonomike që janë në rritje.

Sot qytetarët shqiptarë përballen cdo ditë me këto probleme, përballen me varfëri dhunë autoritarizëm dhe nuk kemi qenë për t’i mbrojtur në Parlament.

Pyetja: Po pse nuk u kthyet më parë

Mesila Doda: Besoj se do të duhej të ishim kthyer që në seancat e para. Ka një rezolutë që sot miratohet që rithekson parimet kryesore të jetës politike. Kjo është pozitive, por ajo që dua të ritheksoj është kjo:

Qytetarët kanë nevojë për një normalitet në jetën politike. E vetmja aleancë që ne do të duhej të bënim është me qytetarin e ndershëm që vazhdon e vuan nga autoritarizmi dhe dhuna, ndaj bojkoti duhet të zhduket nga fjalori politik.

Pyetja: Do keni një opozitë shumë të fortë?

Mesila Doda: Do të kemi një opozitë shumë të fortë reale , aty ku ka problematike të shtuara dhe sigurisht në parlament”. /gj.k/

Dash Shehi hyn në Kuvend, pa pritur vendimin e PD-së

10:30 Politika

Bashkia e Tiranës, 2.3 milion euro pa paguar dritat (por në këtë rast nuk ka ndërprerje energjie apo arrestime)

10:13 Politika

Kryeministri që ka nostalgji për Adem Rekën

09:59 Politika

“Dy të rinjtë në Selitë u vranë brenda shtëpisë së Flamur Ymerit”

09:43 Politika

Gëzim Shaba: Djalin e morën në telefon dhe doli me rroba gjumi te porta, dyshoj se e vranë diku dhe e çuan në shtëpi

09:14 Politika

QESHARAKE/ Pollo tërhiqet përsëri. Pranon Marrëveshjen e Kukanit, shton vetëm një kusht

00:12 Politika

Aldrin Dalipi, përplasje të ashpër me Besnik Aliajn

21:58 Politika

Babaramo braktis në mënyrë demonstrative darkën e Ramës me gazetarët

21:16 Politika

Rama batuta me gazetarët dhe justifikohet për Frangajn: Do më kritikojë Mero se e vura në krye të vendit

20:17 Politika

Tërhiqet opozita, PD firmos marrëveshjen pas shumë orësh negociata dhe riktehet në Kuvend

20:20 Politika