Viti 2015/ Reforma në drejtësi dhe dekriminalizimi, sfidat e para të politikës

Reforma në drejtësi pritet të jetë një nga sfidat e para me të cilat do të përballet politika shqiptare përgjatë vitit 2015.

Kuvendi ka zyrtarizuar ngritjen e një Komisioni Parlamentar, ku opozita duhet të zërë vendet që i takojnë, nëse ajo do të bëhet pjesë e kësaj reforme.

Zyrtarisht demokratët megjithëse janë shprehur pro zhvillimit të reformës, nuk dihet nëse do të bëhen pjesë e tij apo do të ndjekin të njëjtën strategjhi sikundër ndodhi me reformën administrative.

Komisioni ku përfshihen forcat politike parlamentare, garanton edhe pjesëmarrjen e të gjithë institucioneve të drejtësisë, përfshi këtu edhe Institucionin e Presidentit të Republikës, duke respektuar një nga kërkesat për gjithpërfshirje në realizimin e një prej reformave që konsiderohen kyçe jo vetëm për një funksionim më të mirë të sistemit, por edhe përsa i takon integrimit të vendit në BE.

Mazhoranca i ka drejtuar opozitës një ftesë për t’u bërë pjesë e reformës, sikundër ka deklaruar se nuk mund të presë pa fund për pjesëmarrjen e saj në këtë proces.

Por gjithashtu ky fillim viti pritet të tregojë edhe seriozitetin e forcave politike në mazhorancë dhe opozitës për respektimin dhe zbatimin e rezolutës së miratuar në seancën e fundit për 2014 mbi dekriminalizimin. Arritja e një marrëveshjeje mes palëve me ndërhyrjen e Parlamentit Europian, ktheu opozitën në Kuvend pas një bojkoti rreth 6 muajsh. Por partia më e madhe opozitare ka vendosur një afat 6 mujor për vënien në funksionim të rezolutës, ndërsa mbetet për tu diskutuar forma që do të aplikohet për realizimin e procesinit të dekriminalizimit të institucioneve të vendit dhe Parlamentit.

Zgjedhjet lokale të 21 Qershorit mbeten një tjetër sfidë për politikën, për të cilën duket se do të duhet një tjetër marrëveshje mes palëve, pas paralajmërimeve të Partisë Demokratike se nuk do të lejojë zhvillimin e procesit sipas ndarjes së re territoriale. Gjykata Kushtetuese ka rrëzuar një nga një të gjitha kërkesat e depozituara me të cilët kundërshtohej ndarje e re, sipas të cilës vendi do të ketë 61 njësi vendore.

Partia Demokratike zyrtarisht, të paktën deri në ditët e fundit të 2014, ka mbajtur qëndrimin kundër zhvillimit të zgjedhjeve sipas ndarjes së re, por brenda saj ka pasur regaime të cilat e konsiderojnë bojkotin e zgjedhjeve si një vetëvrasje për këtë forcë politike. Përpara një situate të tillë, shanset që PD të bojkotojë zgjedhjet janë shumë të pakta, por ajo mund të bllokojë procesin përmes përfaqësuesve të saj në komisionet e votimit, numërimit të votave apo KZAZ.

Në anën tjetër Qeveria pas operacioneve të ndërmarra kundër vjedhësve të energjisë elektrike dhe ndërtimeve pa leje, pritet të nisë një tjetër reformë, atë mbi sigurimet shoqërore.

Qeveria ka deklaruar se humbjet për 1 vit llogariten në rreth 100 milionë dollar për shkak të mospagesave të rregullta të sigurimeve shoqërore nga punëdhënësit për punëmarrësit.

Dyshimet janë që punëmarrësve iu janë mbajtur për vite me rradhë sigurimet, por ato nuk janë derdhur sikundër parashikon ligji. /gj.k/

Zotërinjtë e Shtëpisë së Bardhë

13:56 Politika

Drejtonte meshën, vdes nga infarkti At Vitorio në Rreshen. Në gjendje të rëndë edhe Ipeshkvi

13:04 Politika

Pas festave, Basha thirrje për protesta kundër qeverisë

13:00 Politika

Abuzimi seksual me pacienten/ Drejtoresha e QSUT: Video është e hershme

12:53 Politika

Bllokimi i rrugëve nga dëbora/ Ndalohen personat përgjegjës për mosmirëmbajtjen e rrugës Qafë Thanë - Pogradec

12:45 Politika

Abuzimi seksual në QSUT, policia nis hetimet mbi videon e publikuar

00:05 Politika

Si e bojkotoi Berisha zgjedhjen e Kadaresë në Akademinë Franceze

20:53 Politika

Sa lekë borxh ka për kokë çdo shqiptar

20:09 Politika

A është regjistruar kjo video skandaloze në QSUT-në e Tiranës?! (+18)

17:54 Politika

Serbia domonin tregun në Shqipëri e Kosovë

17:41 Politika