Fleckenstein: Qeveria po zbaton ligjet, premtuese ajo që pashë. Nëse PD bojkoton zgjedhjet, vendim i saj

Nuk jam në Shqipëri as si arbitër dhe as si mësues. Kështu u shpreh europarlamentari Knut Fleckenstein, në një konferencë për mediat, pas takimeve të zhvilluara në Tiranë me përfaqësues të partive politike.

 “Nuk kam ardhur si arbitër dhe as si mësues, nuk më pëlqen të më shikoni në këto pozicioni, do të ishte mënyra e gabuar. Unë dua të kuptoj dhe kurdo të jetë e mundur dua t’i vij në ndihmë vendit për realizimin e reformave.

Shqipëria duhet të plotësoje tre sfida; Forcimin e shtetit të së drejtës; ndryshimin e kulturës politike që të sigurohet një klimë bashkëpunimi, besimi te institucionet, shpresë te një e ardhme më e mirë; dhe më shumë bashkëpunim me shoqërinë civile”, u shpreh Fleckenstein.

Eurodeputeti përsëriti edhe njëherë 5 prioritetet e Shqipërisë në rrugën e integrimit, duke renditur reformën në administratën publike, atë në gjyqësor, luftën ndaj korrupsionit, luftën ndaj krimit të organizuar dhe mbrojtjen e lirive dhe të drejtave të njeriut

 “Forcimi i shtetit të së drejtës,  është një proces që nuk ka të bëjë vetëm me krijimin e mjedisit të sigurt për kompanitë, por një proces që lidhet me luftën kundër korrupsionit, krimit të organizuar dhe ajo çfarë kam parë është premtuese, qeveria ka filluar t’i zbatojë ligjet. Është e rëndësishëm të veprohet në mënyrë të ligjshme po ashtu. Ky, element i rëndësishëm për tu theksuar”, tha Fleckenstein.

Eurodeputeti i ka drejtuar një apel shoqërisë të përfshihet në procesin e integrimit, duke theksuar se nëse ky proces do i lihet në dorë vetëm politikanëve, atëherë humbisni!

Në këndvështrimin e eurodeputetit, procesi i integrimit evropian do të jetë i suksesshëm vetëm atëherë kur të përfshihet e gjithë shoqëria.

“Nëse i lihet në dorë vetëm politikanëve vendi do të humbë. Shpresoj se në të ardhmen e shpejtë do të ketë një Këshill Kombëtar për Integrimin, do të jetë një forum ku do të marrin pjesë përfaqësues nga fusha të ndryshme.

E di nga eksperienca në vendin tim, që nëse BE është diçka vetëm për politikanët nuk do ta fitojnë këtë lojë. Procesi është i suksesshëm vetëm kur të sigurohet një shumicë e gjerë e shoqërisë, që dëshiron të jetojë në një shoqëri e cila ka vlerat për të cilat flasim gjatë gjithë kohë.

Po flasim për një maratonë të gjatë, partitë politike të punojnë në mënyrë konstruktive. Politikanët duhet t’i shpjegojnë qytetarëve të tyre se çfarë duhet të realizohet dhe si e ka trajtën integrimi evropian.

Çfarë risie sjell dhe duhet të bëjnë për të kontribuuar. Nëse çështja i lihet në dorë vetëm politikanëve do të humbisni”, u shpreh Fleckenstein.

Raportuesi i Shqipërisë në Parlamentin Europian tha se ka parë hapa konkretë sa i përket përmbushjes së 5 prioriteteve të vendosura nga KE për Shqipërinë drejt BE-së.

“Shohim hapat e para, ka goxha punë të bërë, por ka edhe sfida. Vendi është në drejtimin e duhur, për ne në Bruksel ky është lajm i mirë”, theksoi ai.

I pyetur sesi e gjykon ai qëndrimin e PD-së për të mos marrë pjesë në zgjedhjet lokale me hartën e re territoriale të vendit, Fleckenstein tha:

“Basha është burrë i zgjuar dhe nuk më ka folur shumë rreth kësaj çështjeje. Por, e theksoj se unë nuk jam arbitër. Nëse një parti nuk dëshiron të marrë pjesë në zgjedhje, është vendim i saj i lirë.

Kam dëgjuar se legjislacioni apo çështja e ligjit është një çështje që fut në lojë Gjykatën Kushtetuese, kështu që mendoj se Gjykata është shprehur mbështetur në bindjet e saj dhe unë nuk mund të jem më i zgjuar se Gjykata.

Pavarësisht nga kjo, shpresoj vërtet që të gjitha partitë të marrin pjesë në zgjedhje, sepse ato përbëjnë të drejtën demokratike të njerëzve dhe janë njerëzit ata që do të përzgjedhin personat që duan t’i drejtojnë. Shpresoj që të marrin pjesë të gjithë në to”, theksoi Fleckenstein.

Në lidhje me takimin e pritshëm me një prej familjarëve të viktimave të 21 janarit, europarlamentari theksoi se takimi do të zhvillohet nesër.

“Do të dëgjoj bashkëshorten e një prej viktimave të 21 Janarit. Nga ngjarja kanë kaluar 4 vite dhe kaq kohë është shumë për hetimin. Më pas do të kontaktoj përfaqësues të Qeverisë për t’i marrë mendimin në lidhje me çështjen, e cila është mjaft e rëndësishnme dhe ashtu si në vitet e shkuara, edhe këtë vit do të përfshihet në raportin mbi Shqipërinë”, theksoi eurodeputeti. /gj.k/

Xhelil Gjoni: PD-në e krijuam ne, Imami dhe Pashko i kanë zbatuar një më një rekomandimet që u dhamë

12:31 Politika

Naço-Fleckenstein: Reforma në drejtësi gjithëpërfshirëse, presim pjesëmarrjen e opozitës

12:28 Politika

Ben Blushi: Në Shqipëri janë shtuar praktikantët e fesë. Ky është problem, pasi nga aty mund të dalin ekstremistë

09:30 Politika

Lubonja: Islamizmi mund të kthehet në një fe e të varfërve dhe më tej, lëvizje kundër elitës së korruptuar në Shqipëri

09:12 Politika

Atentatori i “Rrugës së Kavajës”, i padëshiruar në Greqi. Dyshohej si vrasës me pagesë

09:04 Politika

"Nuk jam Charlie. Jam Ahmed, vdiqa duke i mbrojtur ata që ironizonin fenë time"

22:41 Politika

Pse feja islame nuk e duron vizatimin e profetit Muhamed?

20:59 Politika

E lirë dhe rebele, redaksia që nuk ekziston më

20:44 Politika

FOTO LAJM/ Ç'ka mbetur pas sulmit në redaksinë e Charlie Hebdo

20:08 Politika

Ristani: Nëse Shullazi i shpëton drejtësisë, Rama t'i japë zyrë në Qeveri

19:32 Politika