Te fundit
Naço-Fleckenstein: Reforma në drejtësi gjithëpërfshirëse, presim pjesëmarrjen e opozitës
9 Janar 2015, 12:28Politika
TEMA
Ministri i Drejtësisë Nasip Naço zhvilloi një takim me Raporterin e Parlamentit Evropian për Shqipërinë Knut Fleckenstein.
Ministri Naço ka vlerësuar mbështetjen e deritanishme të Parlamentit Evropian ndaj Shqipërisë ndërsa e ka informuar Fleckenstein për ecurinë e reformave të ndërmarra, në forcimin e shtetit të së drejtës, si një parakusht për suksesin e ecurisë së proceseve integruese të vendit.
Naço theksoi qëndrimin e palëkundur të Qeverisë Shqiptare, për ta drejtuar në një rrugë pa kthim reformën në drejtësi, duke evidentuar nëvojën e një platforme të qartë dhe të qëndrueshme, veçanërisht në përgjigje të problematikave që shfaq funksionimi i sistemit gjyqësor në vendin tonë.
Gjithashtu bashkëbiseduesit diskutuan edhe mbi çështje që prekin funksionimin dhe rolin e Këshillit të Lartë të Drejtësisë, ndërsa ministri Naço bëri prezente ndryshimet ligjore të realizuara si nevojë urgjente e kthimit të këtij institucioni në funksion real, duke e vënë theksin në krijimin e një sistemi efektiv të vlerësimit të punës së gjyqëtarëve, por dhe për ndryshimin e përbërjes dhe mënyrës së funksionimit të KLD-së.
Komisioni i posacëm parlamentar për reformën në drejtësi është bërë pjesë e diskutimit, ndërsa Fleckenstein ka shprehur interes lidhur me modalitet e funksionimit të tij.
Lidhur me këtë çështje ministri Naço është shprehur i interesuar për pjesëmarrjen e opozitës në këtë komision, duke theksuar rëndësinë e një procesi reformues gjithepërfshirës.
Përsa i takon rolit që do të luaj Ministria e Drejtësisë në këtë komision, Naço e ka garantuar Fleckenstein se ky rol do të jëtë proaktiv dhe se në këtë rast institucioni që ai drejton do të jetë një urë lidhëse mes ekzekutivit dhe legjislativit, përtej pozitave të një sekretariati teknik.
Europarlamentari Fleckenstein ka shprehur interes gjithashtu edhe lidhur me funksionimin dhe rolin e portalit online “Stop Korrupsionit në Drejtësi”, ndërsa ka vlerësuar rolin e përfshirjes së një gjenerate të re juristës, që do t’i jepte një frymë të re sistemit.
“Hartimi i ligjeve është puna më e lehtë, krahasimisht përpjekjeve që duhen bërë për zbatimin e ligjit”, u shpreh Fleckenstein. /gj.k/
3 komente në “Naço-Fleckenstein: Reforma në drejtësi gjithëpërfshirëse, presim pjesëmarrjen e opozitës”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Kur ishim te vegjel shkonim tek teatri i kukullave dhe shihnim “Pinokun” dhe “Kacamicrin” dhe i besonim ne te varfrit, i besonim.
Keta buratinet e sotem na kujtojne perseri femije qe besojme perrallat e tyre.
Fleckensteinet vleresojne bashkepunimin e opozites dhe leshimet qe duhet te bente pozita…Sa mire qe e paskan kuptuar( bejne sikur) se ne 2009 e çuan opoziten tek Krokodili, sabotuan protestat e saj, dhe mbeshteten kriminelin unik te shqiptareve.
Eh babagjysh babagjysh gjithmone me kujtohesh kur ke thene q
Kur ishim te vegjel shkonim tek teatri i kukullave dhe shihnim “Pinokun” dhe “Kacamicrin” dhe i besonim ne te varfrit, i besonim.
Keta buratinet e sotem na kujtojne perseri femije qe besojme perrallat e tyre.
Fleckensteinet vleresojne bashkepunimin e opozites dhe leshimet qe duhet te bente pozita…Sa mire qe e paskan kuptuar( bejne sikur) se ne 2009 e çuan opoziten tek Krokodili, sabotuan protestat e saj, dhe mbeshteten kriminelin unik te shqiptareve.
Eh babagjysh babagjysh gjithmone me kujtohesh kur ke thene qe Europa eshte nje kurve e madhe
Kush do e beje reformen ne drejtesi mo, dy klanet mafioze qe kane ne kurris nje mal me krime? Ju jeni te lajthur nga trute qe i besoni idjotesi te tilla, apo nuk duroni dot pa e genjyer veten? Perjetoni historine e gomarit, qe po e hante ujku, dhe thoshte “ishalla jam ne enderr”. Por kjo endrra juaj po zgjat si shume, o te Mjerë !!!