Te fundit
Meta-Thommessen: Norvegjia, model zhvillimi për Shqipërinë
27 Janar 2015, 13:13Politika
TEMA
Gjatë punimeve të Forumit të 4-t me rastin e Ditës Ndërkombëtare të Holokaustit, që po zhvillohet këtë javë në Pragë, Kryetari i Kuvendit, Ilir Meta zhvilloi një takim dypalësh me Presidentin e Parlamentit të Norvegjisë, Olemic Thommessen.
Kryetari i Kuvendit, Meta duke vlerësuar marrëdhëniet shumë të mira mes Shqipërisë dhe Norvegjisë, veçanërisht në drejtim të fushës së investimeve, shprehu vullnetin për ngritjen e bashkëpunimit dhe shkëmbimeve ndërparlamentare në një stad të ri përmes grupeve të miqësisë, komisioneve parlamentare dhe administratave reciproke.
Meta theksoi se“Norvegjia është një vend me rëndësi të veçantë për Shqipërinë dhe një model i zhvillimit demokratik dhe të drejtave të njeriut, dhe si e tillë përfaqëson një partner të rëndësishëm bashkëpunimi për shqiptarët, si dhe për të gjithë rajonin ku mbështetja norvegjeze vlerësohet maksimalisht”.
Presidenti i Parlamentit të Norvegjisë, Olemic Thommessen shprehu vullnetin për konkretizimin e mëtejshëm të marrëdhënieve mes dy vendeve dhe ndau bindjen se bashkëpunimi mes dy parlamenteve do t’i shërbejë intensifikimit të tyre, veçanërisht në një Evropë ku solidariteti dhe bashkëpunimi janë më të nevojshme se kurrë.
Në përfundim të takimit, Meta e ftoi Thommessen për një vizitë zyrtare në Tiranë, ftesë e cila u prit me kënaqësi nga pala norvegjeze. /gj.k/
3 komente në “Meta-Thommessen: Norvegjia, model zhvillimi për Shqipërinë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Hahahahahah…më pëlqen që duam të bëhemi si Norvegjia…(!!!???)
Thommessen i mbahet 60% e pages ne formen e takses qe te funksionoj shteti dhe demokracia norvegjeze. Sigurisht Thommessen ndihet krenar per kete gje dhe nuk mund ti shkoje nder mend qe te fshehi te ardhurat e tij dhe jo me te temtoj te pasurohet me korrupsion ashtu si dhe Ju, Ilir Meta dhe te gjithe Metat qe kishin dhe kane zaptuar pushtetin ne Shqiperi! Dy bote dhe dy mentalitete krejtesisht te ndryshme!
Lerini modelet norvegjeze dhe behuni me pare njerez!
C’lidhje ka fakti qe shqiperia dhe Norvegjia jane modele te ndryshme, me faktin qe kryetaret e parlamenteve takohen me njeri-tjetrin?!!