Te fundit
Ministri Haxhinasto dhe Tahiri inspektojnë rezervuarin e Maskurisë në rrezik
4 Shkurt 2015, 13:59Ekonomia
TEMA
Ministri i Transportit dhe Infrastrukturës Edmond Haxhinasto dhe ministri Punëve të Brendshme Saimir Tahiri kanë inspektuar në mesditë rezervuarin e Maskurisë, në Komunën Golem të Kavajës. Ky rezervuar, për shkak të reshjeve të shumta është tejmbushur me ujë dhe për pasojë diga e tij ka pësuar dëmtime duke rrezikuar çarjen dhe përmbytjen e banorëve dhe zonave përreth. Autoritetet kanë ndërhyrë me vënien në punë të motorpompave, për uljen e nivelit të ujit dhe për të dhënë garanci në rast të përkeqësimit të situatës.
Ministri Haxhinasto bëri me dije se janë marrë masat e nevojshme për menaxhimin e situatës në këtë rezervuar, si nga ana teknike ashtu edhe nga ana e sigurisë, për sigurinë e gjithë banorëve dhe zonës përreth.
“Unë shpreh shqetësimin tim për ndryshimet që ka sjellë ndërhyrja në këtë vepër dhe ndryshimet në sigurinë e digës që kanë sjellë punimet, si dhe ndërtimi që është bërë këtu, për impiantin e marrjes së ujit për furnizimin e zonës me ujë të pijshëm. Sigurisht që kjo është një çështje që do të ketë një hetim të thellë dhe do të shikohet në të gjitha planet, tek ata që kanë bërë projektin apo dhe tek ata që e kanë zbatuar dhe realizuar projektin, pasi nuk mund të lejojmë në asnjë mënyrë që të bëhen projekte pa cilësinë e duhur teknike. Mungesa e cilësisë dhe e standardit na përball sot me situatën, ku rrezikohet një vepër e tillë e rëndësishme ku potencialisht, rrezikohet jeta e banorëve”, tha Haxhinasto.
Ai siguroi se me ministrin Tahiri janë angazhuar në një proçes hetimi për të vënë përpara përgjegjësisë së plotë strukturat që e kanë shkaktuar këtë situatë.
Sa i përket sigurisë në vend në këtë situatë kritike ku ndodhet vendi, ministri Haxhinasto tha se prioriteti absolut është jeta e njerëzve. Ai kërkoi mirëkuptimin e qytetarëve dhe u apeloi banorëve të pranojnë evakuimin në rastet kur ju kërkohet dhe mos të kthehen në zonat me probleme apo rrisk potencial të lartë.
5 komente në “Ministri Haxhinasto dhe Tahiri inspektojnë rezervuarin e Maskurisë në rrezik”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
C’pune ka Haxhinasto me rezervuaret?
Ai te beje mire te shofe rruget qe i ka katastrofe.
Keta na marrin dhe per budallenj keshtu hapur fare, me keq se ai kafsha i Tropojes.
Lerini hetimet se na nxorret zorret nga barku, por merrni masat se do te behet ndonje hata.
Lerini hetimet se na nxorret zorret nga barku, por merrni masat se do te behet ndonje hata.Po ti more tyryqyl Haxhinasto nuk merr vesh nga keto pune sepse ke mbaruar per anglisht, por shiko kryej detyrat qe te ka ngarkuar Likja per te grumbulluar ndonje lek.
zoti minister, po leri keto hetimet se na keni habur barkun , po beheni me te merzitshem se qeveria e qelbur qe ishte para jush, ndihmoni popullin gjendjuni popullit , se ai ju zgjodhi qe jeni ju aty, dhe lerini denglat or ti minister buzqumesht.
Çudia zgjat vetëm 3 ditë !
Pas tre ditësh pasi te jete larguar rreziku i përmbytjes as do të kujtohet njeri për cfarë ka ndodhur.
Kështu ndodh shpesh herë kur punohet për rikonstruksione me projekte mizerabël të kryera nga njerëz të pa aftë dhe jo specialistë dhe nga “supervizorë” të papërgjegjshëm që hyjnë në tender pothuajse falas (me çmim shumë shumë të ulët dhe më tej mundohen të xhvasin firmëm zbatuese te punimeve).
Tenderat sot fitohen edhe mga firma fantazmë dhe pa përvojë, të përkrahura nga parti politike në pushtet, sidomos nga partia famëkeqe LSI e Ilir Metës
(P.S. Ilir Meta ja ka futur të dy këmbët në një këpucë Edi Ramës me deputetët që ka në parlament dhe me pozicionet kyçe nëpër Ministrite që dispopnojnë shumicën e fondeve publike)