Te fundit
Operacioni "Pasha", arrestohet shtetasi turk me karta bankare te klonuara
5 Shkurt 2015, 10:31Kronika
TEMA
Policia e Tiranës ka finalizuar me sukses operacionin “Pasha”, ku është arrestuar dhe një shtetas Turk.
Specialistët e Sektorit për Krimet Kompjuterike në Drejtorinë e Përgjithshme të Policisë së Shtetit në bashkëpunim me ato të Drejtorisë së Forcës së Posaçme Operacionale , pas një hetimi disa mujor proaktiv,gjatë orëve të mbrëmjes së datës 04.02.2015, kanë finalizuar me sukses operacionin policor “PASHA” dhe si rezultat ikëtij operacioni u bë arrestimi në flagrancë i shtetasit turk : Bayram Savas, vjeç 35, shtetësia Turke.
Arrestimi i tij u bë pasi u kap në flagrancë në momentet kur po kryente transaksione bankare nëpërmjet përdorimit të kartave bankare të klonuara, pranë ATM-së së një banke të nivelit të dytë në rrugën “Hoxha Tasim”, në Tiranë, me qëllim vjedhjen e fondeve të llogarive bankare.
Nga hetimet rezulton se ky shtetas e ka kryer këtë veprimtari për një kohë disa mujore të mënyrë periodike. Të dhënat e kartave bankare të përdorura i përkasin klientëve të bankave të nivelit të dytë në Shqipëri, Turqi dhe vende të tjera të BE-së dhe më gjerë.
Gjatë kontrollit u gjetën dhe sekuestruan: 1000 USD, 3000 EURO dhe 300.000 LEK. Po ashtu 20 copë karta plastike me shirit magnetik me informacion bankar të klonuar dhe 2 aparate telefonik, dokumente identiteti qipriote dhe turke.
Materialet në ngarkim të shtetasit të sipërpërmendur i kaluan Prokurorisë së Rrethit Gjyqësor Tiranë për veprime të mëtejshme, për veprën penale “Mashtrimi Kompjuterik”.
2 komente në “Operacioni “Pasha”, arrestohet shtetasi turk me karta bankare te klonuara”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Bayram Savas !?
tyrk apo grek ?
Si ka mundesi qe keta te PD spo reagojne per kete vjedhje qe ka ber Edi Rama me doren e tije.