PS: Tre shpërthimet me tritol në Tiranë kanë prapavijë politike

Tre shpërthimet me tritol të ndodhura gjatë paradites së sotme kanë prapavijë politike.Kështu është shprehur deputeti i Partisë Socialiste në një deklaratë për mediat. Duke i dënuar ashpër tre shpërthimet , Braçe u shpreh se  aktet e qëllimta dhe të koordinuara terroriste, synojnë destabilizimin e rendit publik, rendit kushtetues dhe përbëjnë një kërcënim serioz për sigurinë e jetës e pronës së qytetarëve.

“Aktet e sotme terroriste në Tiranë janë përgjigja e krimit të organizuar kundër Qeverisë, Policisë së Shtetit, Ministrit të Brendshëm vendosur në krye të një beteje pa kthim kundër krimit të organizuar, aktivitetit dhe pasurisë së pamat të tij.Kjo betejë për rivendosjen e ligjit dhe rendit, jo vetëm përballë krimit të organizuar por dhe përballë çdo akti paligjshmërie që për vite të tëra me radhë e ka vendosur shoqërinë në një gjendje kaosi, konflikti, pabarazie, pandershmërie dhe sfide ndaj shtetit publik, ligjor e të së drejtës.Ka një kundërshtar: frymën politike në mbështetje të krimit dhe paligjshmërisë së dukshme, përfitimeve të paligjshme dhe pasurisë së vënë prej saj.
Kjo frymë politike po identifikohet me krimin dhe po lufton çdo shërbyes shteti në detyrë, polic, ushtarak, çdo zyrtar të agjencive ligjzbatuese dhe çdo funksionar politik në detyrë e me vullnet në krye të kësaj lufte.Familjarët e Ministrit të Brendshëm, që është qartësisht në krye të kësaj beteje, të goditur sot, janë rasti i parë, unik, kur fryma politike në mbështetje të krimit të organizuar cakton shënjestra njerëzore në funksion të terrorit mbi një shoqëri të tërë!” deklaroi Braçe.

Deputeti socialist ka kërkuar angazhim dhe përpjekje në luftën ndaj krimit, teksa ka ftuar strukturat përgjegjëse për hetimin e ngjarjeve.

“As kjo frymë politike e as krimi i dalë dhe i mbështetur prej saj, nuk na mund dot!!
Mbështesim qartë dhe kërkojmë angazhim total të çdo shërbyesi të shtetit, polic i thjeshtë, drejtues në detyrë, hetues e strukturë operacionale, për të shumëfishuar goditjen pa kthim të krimit dhe pasurisë së tij;Kërkojmë me ngulm nga:Shërbimi Informativ Kombëtar të kthehet në detyrë dhe të përmbushë detyrimet ligjore në një betejë përfshirëse dhe me rezultate konkrete kundër krimit të organizuar dhe terrorizmit.Prokuroria e Republikës të bëjë detyrën e saj kushtetuese, të drejtojë hetime të përgjegjshme e profesionale, gjithëpërfshirëse e konkrete, ti përfundojë ato në kohë e me rezultat të dukshëm, kundër krimit të organizuar dhe terrorizmit, duke dorëzuar e ndjekur ndëshkimin deri në fund të çdo krimineli dhe pasurisë së tij”, tha deputeti socialist.

Ai ju ka bërë thirrje edhe qytetarëve të bashkëpunojnë duke denoncuar veprimtaritë kriminale .

Anisa Xhani

INTERVISTA/ Ardian Ndreca: Gabimi më i madh i Ramës asht mos kambëngulja në heqjen e Adriatik Llallës dhe mos arrestimi i Sali Berishës

14:39 Politika

Kodheli takon efektivët e angazhuar në operacionin e përmbytjeve në jug të vendit: Misioni juaj tepër fisnik

14:27 Politika

Rama: Plani për rimëkembjen e zonave të përmbytura në fazën e 3-të

12:43 Politika

PD justifikon shpërthimet: Ndodhën për shkak të lidhjeve të Tahirit me krimin

12:36 Politika

Permbytjet, Basha akuza qeverisë nga Fieri: Asnjë ndihmë nuk është shpërndare

12:22 Politika

Sarkozy shantazhoi Papandreun të pranonte masat shtrënguese, pasi mamaja e tij kishte një llogari 500 milion euro në bankën HSBC

11:37 Politika

Refuzimi i komitetit në OSBE, Bushati: Synonim të merrnim kryesinë

11:21 Politika

Meta-Veseli: Bashkëpunim Kosovë-Shqipëri për integrimin drejt BE-së

10:27 Politika

Rama: Akti terrorist ndaj familjes së Tahirit, kafshim monstrash që do marrin atë që meritojnë. Dora e shtetit do u marrë frymën

10:27 Politika

Familja e Tahirit merret në mbrojtje. A janë shpërthimet një mesazh për ministrin dhe të nxitura politikisht?

10:12 Politika