Paloka: Protesta jonë, jo si 21 janari. E përbashkëta është vetëm Ilir Meta

Demokratët refuzojnë ta krahasojnë protestën e tyre të 12 marsit me protestën e 21 janarit 2011, kur socialistët ishin në opozitë. Sipas nënkryetarit demokrat Edi Paloka, ndryshimi thelbësor është te qëllimi i protestës, pavarësisht ngjashmërisë që ajo merr për shkak të përfshirjes së kryetarit të Kuvendit, Ilir Meta për TCH.

“Në fakt ka shumë ngjashmëri në këtë histori, siç e thatë edhe ju është personazhi i njëjtë. Mesa duket, ky personazh histori të tilla di të krijojë. Por absolutisht nuk do të ketë ngjashmëri 21 janari i Edi Ramës me protestën tonë të së enjtes. Protesta jonë është protestë e qytetarëve për kërkesat e qytetarëve, ndërsa 21 janari ishte përdorim i qytetarëve prej Ramës për ta çuar atë në karrigen e kryeministrit, gjë që ai nuk e arriti dhe la pas 4 të vrarë”, tha Paloka.

Demokratët e kanë konceptuar protestën e së enjtes si një demonstrim kundër Qeverisë, e cila sipas opozitës ka dështuar t’u japë qytetarëve siguri për jetën dhe, në vend që të mbante premtimet me të cilat erdhi në pushtet, po përkeqëson çdo ditë gjendjen.

“Pakënaqësia e qytetarëve ka shkuar drejt revoltës dhe këtë, jo se e ka nxitur opozita, prandaj dhe kërkesa për zgjedhje të parakohshme ka ardhur si domosdoshmëri, si pasojë e faktit që asgjë nuk mund të ndryshojnë, as deputetët e opozitës në Parlament me fjalën e tyre, as institucionet ndërkombëtare me vërejtjet e tyre për këtë mazhorancë, që tani është e inkriminuar deri në thelb dhe nuk ka ndërmend as të ndryshojë dhe as të përmirësojë gjë”, shtoi më pas Paloka.

Të enjten, deputetët demokratë do të jenë në seancë plenare, paralel me protestuesit në sheshin “Skënderbej” dhe më vonë do t’u bashkohen atyre në protestën paqësore për zgjedhje të parakohshme.

“Në filozofinë e PD nuk ekziston dhuna, marrja e pushtetit me dhunë, siç është në kokën e Edi Ramës, kështu që të jenë të qetë qytetarët se askush nuk mendon të zhvillojë protesta të dhunshme në PD”, tha Paloka.

Gjatë periudhës së opozitës, Partia Demokratike ka zhvilluar disa protesta, që kanë zgjatur rreth 1 orë, por këtë herë, mesa duket, do të jetë ndryshe.

“Sesi do të zhvillohet apo do të shkojë protesta, kjo u takon qytetarëve, sepse janë ata që na kanë kërkuar të protestojmë, që të gjejmë forma të tilla proteste deri në largimin e kësaj Qeverie”, deklaroi Paloka.

Disa të rinj e kanë gjetur një formë proteste para Kuvendit të Shqipërisë. Që prej së hënës, të rinjtë pa logo partiake, por të mbështetur nga deputetët e opozitës, kërkojnë dorëheqjen e kryetarit të Kuvendit, Ilir Meta. Deri të enjten, të rinjtë kanë zgjedhur të protestojnë paradite dhe në mbrëmje përpara Kryesisë së Kuvendit.

Vasili: Opozita të ndërpresë bojkotin, duhen miratuar ndryshimet në Kod

13:50 Politika

Ristani: Drejtori i Forcave Operacionale i përfshirë në trafikun e drogës

13:36 Politika

Mark Frroku: Më ra ky hall nga qielli, me Tomën nuk mund të flitet më për miqësi

12:59 Politika

Ambasadori Lu takon dy ministret Felaj dhe Harito në kryeministri

12:30 Politika

Doda: Lerini lojrat me policë e mafiozë, shikoni krimin në familje

12:29 Politika

Dritan Prifti: Po, ka pasur plan për vrasjen e Doshit. Unë s’jam Mark Frroku që të gënjej, po ai ashtu e ka hallin (paralajmëron rikthimin në politikë)

11:37 Politika

10 Ditët e Tomës

10:16 Politika

Ja kush janë emrat e PD-së për zgjedhjet e 21 qershorit (mungon kandidati për Tiranën)

10:05 Politika

INTERVISTA/ Monika Kryemadhi: Ja pse u tërhoqa nga gara për Bashkinë e Tiranës

09:17 Politika

BATUTAT/ Rama-avokatit të Palokës: Mendoja që “Ushtari Zhvejk” ishte trill, por po e shoh të veshur si avokat

09:11 Politika