Te fundit
Jo vetëm Juventusi/ Edhe Interi në ndjekje të talentit shqiptar
15 Prill 2015, 15:24Sport
TEMA
Talenti i Kombëtares së 21-vjeçarëve, Rei Manaj, po kthehet në kryefjalë në merkaton italiane.
Që prej disa javësh në gjurmët e sulmuesit të Kremoneses janë vënë disa prej klubeve më të mëdha të gadhishullit Apenin, por jo vetëm.
Me 23 ndeshje zyrtare dhe 2 gola të shënuar këtë sezon, Manaj ka tërhequr vëmendjen e vëzhguesve të cilët kanë ndjekur disa ndeshje të tij në Kategorinë e Tretë, ku militon ekipi i Kremoneses.
Lacio fillimisht por edhe Juventusi shfaqën dëshirën për ta afruar në skuadrat e tyre zinxhir, por tashmë në garë ka hyrë edhe klubi i Interit.
Sipas informacioneve që vijnë nga vendi fqinjë, zikaltërit kërkojnë ta kanalizojnë çështjen në rrugë zyrtare për ta mbyllur sa më shpejt transferimin e tij në Milano.
Në lidhje me situatën aktuale ka folur edhe drejtori sportiv i Kremoneses, Stefano Xhiamarioli.
“Nga informacionet që kam Inter po e vëzhgon që prej shumë muajsh, por nuk kanë munguar as klubet e tjera.
Gjithsesi për momentin nuk kemi hyrë në bisedime me asnjë skuadër, madje mund të konfirmoj se nuk kemi marrë as oferta.
Rei ka një kontratë që e lidh me ne deri në vitin 2017 dhe nga ky këndvështrim gjithçka është në rregull.
Nuk mund të them se çfarë do të ndodhë në të ardhmen”, thekson numri 2 i skuadrës që militon Lega Pro.
4 komente në “Jo vetëm Juventusi/ Edhe Interi në ndjekje të talentit shqiptar”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Pse po vezhgohet dhe kjo perben lajm.Lajm do te ishte nqs ky djali eshte blere nga Interi,apo Juve.Eshte ne praktiken e klubeve per te vezhguar lojtar me perspektive , por jo te gjithe rezultojne te afte per te kaluar ne klube te medha.
Nuk e kerkone asnje por kane mesuar te gjithe stilin e kallashit e bleones qe thote se kane kerkesa deri ne 1000000 euro per te qene dashnorja e filanit Ka kohe qe perdoret edhe ne sporte .Thone per ndonje do veje me Arsenalin ose milanin dhe perfundon me Skenderbeun
UROJ TË JET E VËRTET, SE KSHU I BËNI JU TALENT TË GJITHË. DHE PËRFUNDOJN LOZIN NË KATEGORIN E DYTË OSE TRETË NË NDONJË VEND EVROPIAN.
SUKSESE DJALIT..
Urime, por te ule koken. Duhet shume pune. Vecanerisht ne dy shtyllat kryesore te futbollit, qe jane:
Pergatitja psikologjike.
Pergatitja fizike.