Te fundit
Basha prezanton Zef Hilën për Bashkinë e Vaut të Dejës: Oferta e PD, ulja e taksave
20 Prill 2015, 12:17Politika
TEMA
Ulje të taksave është oferta më të cilën kandidati demokrat për kryetar Bashkie në Vaun e Dejës Zef Hila u prezantua para elektoratit.
Hila tha se nëse arrin të marrë votat e mjaftueshme në zgjedhjet lokale, pas 21 Qershorit qytetarëve do t’i shtrohet rruga e shpresës dhe e ringritjes.
“Bashkia e Vaut të Dejës do të jetë një model, do të marrë një fytyrë të re, për një zhvillim, punësim, dinjitet” , theksoi Hila.
Prezantimin e Hilës para qytetarëve e ka bërë kreu demokrat Lulzim Basha, i cili prej disa ditësh është angazhuar në takimet për prezantimin e kandidatëve të zyrtarizuar për 61 bashkitë.
Kryetari i Partisë Demokratike akuzoi kryeministrin Edi Rama dhe aleatin e tij në qeverisje se janë rreshtuar në radhët e kriminelëve dhe nga ana tjetër godasin qytetarët. 21 Qershori, sipas Bashës, do të jetë dita kur kjo mazhorancë të marrë përgjigjen me votë.
“Më 21 qershor do të votojmë të gjithë bashkë, për t’i treguar Ilir Metës dhe Edi Ramës se banorët e kësaj zone nuk e ulin kokën para poshtërimit, nuk mund ta pranojnë politikën e lakut në fyt që i lë pa bukë në tryezat e tyre, ndërkohë që mbush kontot dhe valixhet e qeveritarëve të korruptuar Ilir Meta dhe Edi Rama.
I godasin qytetarët e pafajshëm e të pamundur, po i mbrojnë mafiozët e kriminelët Ilir Meta dhe Edi Rama që ulen e hanë në sofrën e tyre”- theksoi kryetari i PD, Lulzim Basha.
Kreu i demokratëve tha se oferta e PD-së është ulja e taksave, e çmimit të naftës dhe hapja e vendeve të reja të punës.
“Pas 21 qershorit na pret një rrugë tjetër, e shpresës, e ringritjes, e mirësisë, e përpjekjeve tona për të ulur çdo taksë, për t’i çuar të gjithë paratë në zhvillimin e ekonomisë që hap vende të reja pune për ju, për të detyruar këta që të ulin çmimin e energjisë dhe naftës. Për këtë nuk mjafton fitorja, për këtë duhet një fitore plebishitare e thellë që i ka rrënjët në zemërimin tuaj dhe i ka frytet në shpresën tuaj për një të ardhme më të mirë që do ta bëjmë së bashku”, tha Basha.
Një ditë më parë, Basha prezantoi në Shkodër kandidaten Voltana Ademi, e cila do të garojë për Bashkinë e Shkodrës, përballë Keti Bazhdarit. /gj.k/
2 komente në “Basha prezanton Zef Hilën për Bashkinë e Vaut të Dejës: Oferta e PD, ulja e taksave”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Zef Hila nje HORR-HORR….te dhjesfsha oferten e re te dhjefsha
Kishe tete vjet mer Bash, qe te gjitha keto qe premton ti realizoje, ku te gjitha pushtetet qe nga presidenti, deri te gjykatesi me i fundit i kishit jut. Por ju nuk kishit kohe. Ti realizoshit se ishit ne procesin e pasurimit te qeverise dhe militanteve tuaj dhe bile kontratat dhe koncensionet antishqiptare, qe nuk ka zot ti prishi i firmoset, kur kishit hanger llozin e 23 Qershorit dhe prandaj populli ju qeroi nga pushteti. Baba shpirteror ste vuni kot kryetar, per te mbrojt nga drejtesia, prandaj ste beson njeri. Ndryshe do te ishte qe ne krye te PD te ishte nje figure me paster dhe me e besueshme, por jo ti dhe Ristani qe ke nje tuf mekatesh dhe krimesh mbi sup.PD u kriju si force e shpreses, por u kthye ne sindikaten me te rrezikshme te krimit,prandaj duhen ndryshime dhe tek ju qe politika te pastrohet nga plehrat e pariciklueshme.