Nishani kujton 2 korrikun e '90-s: Shqiptarët vranë frikën, refuzuan komunizmin

Presidenti i Republikës, Bujar Nishani, në kuadër të përkujtimit të 25-vjetorit të ngjarjeve të 2 korrikut 1990, priti sot një takim të veçantë, ish-të Ngarkuarin me Punë ad interim të Ambasadës së Republikës Federale Gjermane në Tiranë në vitet 1987-1990, Dr. Werner Daum, i cili ka qenë edhe një prej dëshmitarëve më të ndjeshëm dhe aktivë të hyrjes së disa mijëra qytetarëve shqiptarë në Ambasadën gjermane në Tiranë korrik 1990.

Presidenti Nishani duke iu referuar 25-vjetorit të ngjarjeve të 2 korrikut ’90, shprehu mirënjohjen për rolin dhe kontributin personal të Dr. Daumit dhe të shtetit gjerman, në hapjen e dyerve për qytetarët e parë shqiptarë që përmes aktit të tyre të guximshëm refuzuan regjimin më të egër komunist në Evropë.

“Përkujtimi i ngjarjeve të 2 korrikut 1990, përbën për ne shqiptarët sot një moment shumë rëndësishëm refleksioni. Hyrja e shqiptarëve në Ambasadat e huaja në Tiranë ishte një goditje e rëndë për regjimin. Përmes këtij akti, mijëra shqiptarë vranë frikën dhe refuzuan publikisht izolimin dhe regjimin komunist. Ata u bënë dallëndyshet e para që lajmëruan afrimin e lirisë të cilën ne shqiptarët gëzojmë sot”, u shpreh Kreu i Shtetit.

Presidenti shprehu gjithashtu mirënjohjen për Gjermaninë dhe popullin gjerman për inkurajimin e proceseve demokratike në Shqipëri, por edhe për ndihmën e gjithanshme që i kanë dhënë Shqipërisë dhe shqiptarëve që nga momentet e vështira e dramatike të vitit 1990 e në vijim.

“Në vitin 1990, shqiptarët kishin nevojë për inkurajim dhe kjo iu ofrua nga Gjermania. Në vetëm pak muaj, ngjarjet e korrikut u pasuan nga demonstrata e studentëve e 8 dhjetorit 1990. Ajo demonstratë goditi rëndë regjimin dhe e mbështetur masivisht nga populli shqiptar, imponoi proceset dhe ndryshimet demokratike në Shqipëri”, theksoi Presidenti Nishani.

Nga ana e tij, Dr. Daum u shpreh se ‘ajo çka unë pashë në Shqipëri, në atë kohë, ishte se njerëzit kërkonin ndryshim dhe e konsiderova si një detyrim të madh inkurajimi i tyre dhe që ai regjim i tmerrshëm të merrte fund njëherë e mirë dhe njerëzit të ishin të lirë”.

Një mirënjohje të veçantë, Presidenti Nishani gjatë takimit e shprehu edhe për mbështetjen që Gjermania po i jep Shqipërisë në procesin e integrimit evropian të vendit.

Gjithashtu, Kreu i Shtetit e përgëzoi Dr. Daumin edhe për angazhimin e tij personal në promovimin e kulturës dhe të historisë së Shqipërisë, përmes publikimeve, librave dhe kurimit të ekspozitave të veçanta për historinë dhe artin shqiptar.

Bushati-Glover: Qeveria e përkushtuar për mbarëvajtjen e zgjedhjeve

12:16 Politika

Përgjimet për grupin xhihadist, fakte tronditëse për familjen e Aldo Kobuzit

14:10 Politika

Berisha humbet toruan në Kuvend, kërcënon Paulin Stërkajn me vdekje

14:09 Politika

Astrit Patozi shuplakë Bashës: Të ngresh gishtat e fitores, është si dasma në vdekje. Neveri për ata që flasin për fitore (FJALIMI I PLOTE)

13:08 Politika

INTERVISTA/ Shpëtim Idrizi për TemA TV: Jemi në negociata me Ramën për të marrë post ministri

12:58 Politika

Dekriminalizimi/Shtyhet deri më 31 Dhjetor afati i Komisionit Parlamentar

12:37 Politika

Rekrutimi i luftëtarëve të huaj/Dade: Të forcojmë bashkëpunimin ndërkombëtar

12:32 Politika

Alfred Peza: Xhelal Mziu, i vetmi kandidat i dënuar me vendim gjykate

12:22 Politika

FOTOT/ Një festë plot ngjyra dhe Rama që nuk ia ndan dot sytë Lindës

12:10 Politika

Beteja për Vorën, nënkryetari i KQZ: Personat e shtuar në lista mund të kenë votuar dhe për Kim Kardashian

11:38 Politika