Kriza në Greqi, Vatikani: Mundësi e mirë për një koncept të ri në Europë

Gazeta e përditshme e Vatikanit, ”L’Osservatore Romano” kërkon reformë të elitës së Evropës.

“Kriza në Greqi ofron një mundësi për të përcaktuar një koncept të ri të Evropës, me më pak theks në elitat e saj në pushtet”, shkruan ”L’Osservatore Romano”.

“Dështimi i Greqisë mund të jetë një mundësi për të përcaktuar një koncept të ri për Evropën”, theksohej në gazetë, një ditë pas referendumit kombëtar në Greqi që hodhi poshtë një propozim nga kreditorët e vendit.

Ata përfshijnë Fondin Monetar Ndërkombëtar (FMN), Bashkimin Evropian (BE) dhe Bankën Qendrore Evropiane (BQE).

Votimi ka ngritur shqetësimet se Athina mund të largohet nga Eurozona dhe monedha e përbashkët.

Gazeta shkruan se ”projekti evropian ka për të ndryshuar, madje edhe me koston e zgjedhjes së dhimbshme, si dalja e Greqisë nga monedha e vetme”.

“Në një kontinent plot me histori dhe tradita, sfida e vërtetë është pikërisht dorëheqja nga trashëgimia që e kaluara mbart me vete”, thuhet në artikull.

“Referendumi i së dielës përfshin më shumë sesa propozimet e kreditorëve, por reflekton një kontekst më të gjerë shoqëror që karakterizohet jo vetëm nga vështirësitë ekonomike, por edhe një mospëlqim për udhëheqjen (evropiane) dhe për institucionet financiare”, shton ajo.

Një çarje mes publikut dhe politikanëve, si në Athinë edhe ndërkombëtarisht, është zgjeruar që pas krizës financiare botërore në vitin 2008.

Kjo çarje ka qenë e “nxitur nga fenomene të tilla si nacionalizmi, ekstremet e konfrontimit, dhe shfaqja e politikanëve të rinj” siç është partia kryesore e Greqisë, SYRIZA, e kryesuar nga kryeministri Aleksis Cipras.

“Megjithatë, rihapja e negociatave me kreditorët nuk është e pamundur, edhe pse do të jetë e vështirë”, shkruan gazeta, qe u sugjeron të gjitha palëve kthim në pikënisje.

Gjithashtu, gazeta shkruan se kriza ka treguar “një nevojë urgjente për një proces të ri integrimi që shkon përtej bashkimit bankar apo teknikave të bashkimit financiar”.

“Në vend të kësaj, fokusi tani duhet të kthehet në gjetjen e unitetit në çështje të tilla si imigracioni, shëndetësia, komunikimi, hulumtimi dhe një ringjallje e arsimit dhe mirëqënies”.ATA

Shtetet e Ballkanit peshojnë pasojat e “Jo”-së greke

19:40 Rajoni

Pasuesi i Varufakisit/ Kush është ministri i ri grek i Financave, Efklidis Cakalotos?

19:10 Rajoni

FOTOT/ Jeta në Greqi pas referendumit

17:45 Rajoni

FOTOT/ Grekët janë në delir, por çfarë po festojnë?

09:53 Rajoni

Po tani çfarë?

09:20 Rajoni

Varoufakis jep dorëheqjen: U bëra armik i Eurogrupit

08:52 Rajoni

Mbi 60% e grekëve votojnë për "Jo"

21:06 Rajoni

‘Exit-poll’-et e para, në Greqi fiton "Jo"

18:53 Rajoni

Vritet në Irak terroristi kosovar i ISIS-it, Kujtim Xheladini

18:47 Rajoni

Kush janë paditësit dhe gjykatësit e Greqisë

15:53 Rajoni