Te fundit
Thaci po perpiqet te thyej deputetet qe jane kunder Gjykates Speciale
1 Gusht 2015, 19:45Rajoni
TEMA
Për më shumë se një muaj, kryetari i PDK-së, Hashim Thaçi ka pasur kohë që t’i bindë deputetët e partisë së tij që të votojnë PRO themelimit të Gjykatës Speciale. Por, ende nuk është e qartë nëse ia ka arritur qëllimit.
Deputetja e partisë së tij, e që vjen po ashtu nga rajoni i tij, Drenica, Ganimete Musliu po vazhdon ta kundërshtojë fuqishëm Gjykatën Speciale. Ajo në Interaktiv ka thënë se do të votojë gjithmonë kundër, madje edhe nëse kjo i kushton me largim nga posti i deputetes apo nga partia e saj, PDK-ja, raporton KTV.
Deputetët e tjerë të PDK-së që votuan kundër themelimit të kësaj Gjykate më 26 qershor, të kontaktuar nga KTV-ja, nuk kanë treguar qartë nëse kanë ndërruar mendje. Përveç deputetit nga Prizreni, Nezir Çoçaj, i cili ka thënë shkurt se me shumë gjasë do të votojë për themelimit të Speciales.
Ndërsa Xhevahire Izmaku dhe Blerta Deliu-Kodra, votat e tyre i kanë lënë si befasi për të hënën. E pavendosur është edhe Flora Brovina, e cila herën e parë abstenoi.
Kurse, Bekim Haxhiu ka pohuar se nuk mund të japë ndonjë përgjigje të saktë se si do të votojë.
Fadil Demaku dhe Nait Hasani nuk ka ndërruar qëndrim, derisa kontakti me deputetët Raif Qela, Rafet Rama dhe Nuredin Lushtaku ka qenë i pamundur.
Deputetë të PDK-së po ashtu kanë treguar se si përfaqësuesit e ambasadave u kanë sugjeruar që të votojnë pro themelimit të Gjykatës Speciale, transmeton Koha.net.
Kjo mbetet të shihet të hënën në seancën e jashtëzakonshme të Kuvendit të Kosovës, në të cilët pritet të votohet Gjykata Speciale.
Lini një Përgjigje
Më të lexuarat
24 oret e fundit
Javen e fundit
Blog Tema
