Te fundit
Lorik Cana, në “Top 100” lojtarët më të mirë të shekullit 21-të në Francë
5 Gusht 2015, 11:42Sport
TEMA
Kapiten dhe lider jo vetëm në kombëtaren shqiptare, por në të gjitha skuadrat ku ai ka luajtur.
Bëhet fjalë për Lorik Canën, i cili është renditur në 100 futbollistët më të mirë që kanë luajtur në kampionatin francez.
Vlerësimi ndaj kapitenit të përfaqësues shqiptare është bërë nga ana e “Eurosport” i Francës, i cili e ka renditur Canën në vëndin e 81-të.
Në artikullin që “Eurosport.fr” i ka kushtuar 32-vjecarit theksohet:
“Të luash me PSG-në dhe Olimpikun e Marsejës në Francë, kjo nuk është diçka e vogël.
Ky është rasti i Lorik Canës.
Pasi e tregoi veten me parizienët fillimisht, aty ku luante edhe Ronaldinjo, shqiptari u bë kapiteni i Marsejës.
Kjo është jashtëzakonisht e rrallë.
Cana ishte një prej tyre.
Duhet thënë se është e vështirë për të gjetur një lojtar më të përsosur se shqiptarin, në gjendje për të lënë jetën e tij në fushën e lojës.
Goli i tij në “Velodrome”, në fitoren ndaj PSG (1-0), pas tri vitesh dështimi kundër rivalit kryeqytetas, e ndihmoi Marsejën për të vënë nderin e humbur në vend“.
Në këtë renditje Cana ka lënë pas disa emra të njohur që kanë luajtur në kampionatit francez, si Marouane Chamakh, që është aktivizuar tek Bordeaux, i cili renditet i 82-ti apo portierin Peter Cech, që renditet i 89-ti, në kohën kur luante te Rennes./f.b
2 komente në “Lorik Cana, në “Top 100” lojtarët më të mirë të shekullit 21-të në Francë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
DHE TY DO TE NGELESH NJESHI I SHQIPETARISE, NUK KA PER TE LINDUR SHQIPTARIA NJE TE DYTE SI TY, RESPEKT RESPEKT RESPEKT , YLLI I KOMBIT SHQIPETARE
Franca na djeg në kamion,ne i godasim me gur.