FOTOT/ Gjithçka gati në Pekin për paradën më të çmendur në botë!

Nëse urreni topat, kundërtankun, mjetet e blinduara apo raketahedhëset Pekini nuk është qyteti ku do të donit të ishit këto ditë.

Nesër do të mbahet në Pekin një paradë gjigande me rastin e 70 vjetorit të “Fitores së rezistencës së popullit kinez kundër agresionit japonez dhe luftës antifashiste”.

Kështu e quajnë autoritetet kineze paradën ku do të parakalojnë 12 mijë ushtarë të shoqëruar nga koret e 2400 këngëtarëve të ansamblit ushtarak.

Qindra makina të blinduara dhe 200 avionë luftarakë do të marrin pjesë në një ndër paradat më të çmendura të mbajtura ndonjëherë.

Kjo paradë do të shërbejë edhe si një vitrinë të fuqisë ushtarake kineze pasi 84 përqind e mjeteve të rënda ushtarake që do të parakalojnë nesër nuk kanë dalë asnjëherë në publik.

Qyteti i Pekinit do të jetë nesër thuajse në shtetrrethim pasi nuk do të lejohen hyrje-daljet e paautorizuara nga qyteti.

Muzeu Kombëtar, Mauzoleu i Mao Ce Dunit dhe shumë pika të tjera turistike gjithashtu do të jenë të mbyllura.

Hotelet e zonës nuk do të pranojnë turistë apo regjistrime të reja deri pasditen e së premtes pasi hotelet do të presin vetëm personat që do të marrin pjesë në paradë dhe veteranët e luftës.

Gjithashtu do të mbylen bankat dhe tregjet financiare të Shangait dhe Shenzehnit, në mënyrë që të shmangen rënie drastike financiare.

Shkollat do të jenë pushim për festën e re kombëtare dhe do të kyçen gjatë gjithë javës.

Por parada ushtarake do të ketë edhe një efekt pozitiv.

Nuk do të ketë trafik pasi është ndaluar qarkullimi i automjeteve deri në përfundim të festës.

Një ndër ngjarjet më të çuditshme të kësaj parade është toga e veçantë e majmunëve.

Një grumbull majmunësh të stërvitur do të lëshohen në qytet në mënyrë që të prishin gjithë foletë e zogjve pasi mund të shqetësojnë pilotët e avionëve që do të marrin pjesë në paradë.

Ndërkohë që në aeroport do të lëshohet njësiti “special” i skifterëve që do të ndalojnë ardhjen e pëllumbave.

“Pëllumbat mund të dëmtojnë aparaturat e avionëve strategjikë të cilët do të fluturojnë në lartësi të ulët”, tha një zyrtar.

Përveç policisë dhe forcave ushtarake për mbarëvajtjen e paradës kanë dalë vullnetarë edhe 850 mijë qytetarë kinezë të cilët do të dalin me shiritë të kuq nën krah ndërkohë që njerëzve u është urdhëruar që të mos lënë hapur dritaret e ballkoneve dhe asnjëri të mos dalë në ballkon pasi do të arrestohen.

Përsa u përket përgatitjeve “speciale” janë larguar nga gara gjithë femrat ushtarake që ishin më të shkurtra se 178 centimetra.

51 ushtare me gjatësi mbi 178 cm të moshës deri në 22 vjeç do të jenë pjesë e gardës së nderit.

Avionë, tanke, femra të bukura, majmunë, skifterë dhe gjithçka tjetër për një paradë 70-minutëshe patriotike.

Fotografi familjare dhe certifikata diplomimi në çantat e emigrantëve që po tentojnë Europën

13:31 Bota

Zëdhënësi i qeverisë hungareze: Sistemi ka rënë, jemi bërë si shteg dhie

12:58 Bota

BE-ja para gjendjes së jashtëzakonshme?

12:25 Bota

FOTOT/ Orë tmerri për pasagjerët e trenit që shkonte në Londër pasi refugjatët hipën mbi çati

11:55 Bota

VIDEO/ SHBA, 41-vjeçari qëllohet për vdekje nga policia, pavarësisht se u dorëzua

10:53 Bota

Renzi shpërthen kundër BE-së: Nuk do më mësoni ju çfarë të bëj

09:55 Bota

Papa, një tjetër hap revolucionar. Lejon faljen e aborteve

17:51 Bota

Rusia kërcënon ISIS, dërgon avionët sulmues në qiellin sirian

16:44 Bota

E konfirmojnë satelitët, tempulli i lashtë i Palmiras është rrafshuar

15:52 Bota

Publikohen emailet e klasifikuara të Hillary Clinton, popullariteti në rënie

14:35 Bota