Te fundit
A do kemi një ditë “Hekurudhë të Kombit”?
14 Shtator 2015, 16:49Rajoni
TEMA
Blendi Gashi
Salla pritje të zbrazura, mungesë e dyqaneve, lëvizje të pakta të njerëzve, oborri jo i mirëmbajtur, prania e qenve endacakë – kjo është fotografia e parë që i del para një vizitori, apo udhëtari që për herë të parë gjendet para stacionit të trenit në Fushë Kosovë. E gjitha, kjo sikur lë përshtypjen se hekurudhat janë plotësisht jashtë funksioni.
Gjallëria që ishte dikur, tashmë thuajse nuk ekziston, e ardhje vajtjet e zhurmshme, mbeten vetëm kujtime të së kaluarës. Tani gjithçka është ndryshe, disa trena me disa udhëtarë, lëvizin nëpër disa qytete të Kosovës.
Hekurudhat, në shumicën e shteteve evropiane janë pothuajse mjeti më i përdorur për udhëtim, por kjo nuk ndodh edhe tek shteti ynë, pasi qytetarët më shumë si mjet transporti përdorin autobusët.
Për të mësuar më shumë për gjendjen e hekurudhave të Kosovës, linjat që operojnë, numrin e udhëtarëve, investimet që pritet të bëhen dhe çfarë është duke u bërë me çështjen e ndërtimit të autostradës hekurudhore Kosovë-Shqipëri, portali ‘Te Sheshi’, ka biseduar me zyrtarët e kompanisë INFRAKOS që merret me infrastrukturën hekurudhore dhe zyrtarët e kompanisë TRAINKOS që operon me trenat dhe transportin hekurudhor.
Ja kur do të funskionalizohet linja hekuruodhore për Mitrovicë
Rafet Çitaku, udhëheqës i Zyrës për Marrëdhënie me Publikun në Hekurudhën e Kosovës “INFRAKOS”, ka deklaruar për portalin ‘Te Sheshi’, se gjendja e hekurudhave të Kosovës aktualisht është e mirë duke pasur parasysh kompani qe ka qasje në rrjetin hekurudhor në Kosovë. Çitaku thotë se infrastruktura e hekurudhave të Kosovës e ka shfrytëzuar buxhetin e Kosovës në kapitalizmin e kompanisë ku është bërë furnizimi me makineri në mënyrë që të rritet jetëgjatësia e infrastrukturës së hekurudhave të Kosovës.
“Ndërmarrja e Infrastrukturës së Hekurudhave të Kosovës Sh.A ‘‘INFRAKOS’’ përgjatë vitit 2014 i ka implementuar shumë projekte me sukses duke e ngrit kapitalin e kompanisë dhe duke i zvogëluar shpenzimet, po ashtu gjatë viteve të kaluara kemi punuar shumë në mënyrë qe të përgatitemi për investimet në rehabilitimin e linjave hekrudhurore, me prioritet te atyre që ndërlidhen me rrjetin e hekurudhave të rajonit dhe Evropës, të cilat “INFRAKOS”, dhe Qeveria e Kosoves i ka vënë me prioritet. Jemi në fazën e zhvillimeve për rehabilimin dhe modernizimin e linjës dhjetë hekurudhore Hani i Elezit – Leshak në gjatësi prej 148 km, i cili projekt është planifikuar të bëhet në 3 faza”.
Lidhur me mosfunksionalizimin e linjës Fushë Kosovë-Mitrovicë, zëdhënësi Çitaku ka thënë se kjo linjë që nga shpallja e Pavarësisë është ndërprerë për çështje të sigurisë e cila është bartë edhe si problem i vazhdueshëm i bisedimeve teknike dhe politike në Bruksel.
“Por, ne jemi në rrugë të mbarë sa i përket trasesë dhe gjendjes që shtrihet në atë pjesë, kështu që pritet shumë shpejt që të futet në funksion edhe kjo linje. Përndryshe, linja në aspektin teknik është e gatshme që të operoj menjëherë”, ka deklaruar ai.
Kurse, sa i përket çështjes së ndërtimit të hekurudhës Kosovë-Shqipëri, zëdhënësi Çitaku, thotë se hekurudhat dhe shteti i Kosovës kanë qenë të gatshëm që të fillojnë teknikisht që të përgatiten për këtë projekt, por gatishmëria e shtetit të Shqipërisë mungon pasi që ajo kap një kosto të lartë financiare duke pasur parasysh largësinë dhe terenin e pjesës shqiptare.
“Në momentin që hekurudhat e Shqipërisë dhe Qeveria e Republikës së Shqiperisë do të jenë të gatshme të punojnë në këtë projekt, Hekurudhat e Kosovës dhe Qeveria e Kosovës do ta mbështetin projektin pa asnjë rezervë”, ka deklaruar Çitaku./ Tesheshi.com
4 komente në “A do kemi një ditë “Hekurudhë të Kombit”?”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Do t’kishte qene me mire nje Hekurudhe e Kombit sesa nje autostrade ….ne jemi edhe vendi qe ka me pak makina per fryme njeriu ne europe , ndersa treni do te mbushej plot , mjet edhe me i sigurte se makina dhe autobuzi !!!
Po kush do vidhte 220mln euro pastaj ??? Nuk do mundnin se kostoja e hekurudhes do ishte shume here me e vogel se ajo e autostrades !!!
PO ne e çuam hekurudhen deri ne han te hotit ku shkoj,mos thoni a do kemi po a e meritojm ta kemi.
HAHHAHAAAAAAAAAAA NATYRISHT QE DO KETE….!!!!!!!!!!!1
BERISHA E BASHA NDANE MILIONAT PER AUTOSTRADEN.
METAAAAAAAAAAAAAAAAAAA E rama DO NDAJNE MILIONA PER HEKURUDHEN.
DHE JU GAZETARE QE PREGATISNI TERRENIN,JENI TE DHJERE NJELLOJ SI POLITIKANET SHKERDHATE.
Kur te kete ky vend nje shqiptar te madh si ishte Enveri do te kemi hekurudhat kombetare qe do te lidhen qytetet tona me njeri tjetrin dhe me Evropen .