"Për kafen që po pi, do punosh për ne deri sa të vdesësh", ja si e 'gjobitën' nga burgu biznesmenin, Genc Ferhati e Pajtim Serjani

Shtatë persona, mes të cilëve Genc Ferhati dhe Pajtim Serjani janë dërguar në gjyq nga Prokuroria e Krimeve të Rënda me akuzën e gjobëvënies ndaj një tregtari në Tiranë.

Burimet zyrtare kanë thënë se, Prokuroria për Krime të Rënda ka përfunduar hetimin dhe dërgon për gjykim 7 personat e akuzuar për “shtrëngim me anë të kanosjes ose dhunës për dhënien e pasurisë”, në bashkëpunim.

Të akuzuarit janë shtetasit Genci Ferhati, Elvis Karoli, Arianit Luli, Klevis Kardashi, Pajtim Serjani, Ditmar Reçi dhe Arben Haxhihyseni.

Mes këtyre personave të akuzuar është edhe Genc Ferhati, i cili është aktualisht duke vuajtur një dënim të mëparshëm për vrasje.

Shtatë personat akuzohen se më 6 shkurt 2015, në Tiranë, nën ndikimin e dhunës, kanosjes me armë dhe keqtrajtimit fizik kanë çuar shtetasin J. Bregu, në një apartament të panjohur prej tij, e kanë shtrënguar me qëllim për t’i marrë pasurinë e tij, në formën e parave apo të kuotave të shoqërisë “Enti 08”, ku i dëmtuari është ortak i vetëm.

Sipas Prokurorisë, shtetasi J. Bregu, aksioner i firmës “Enti 08”, firmë e cila merret me importimin e kafesë nga Italia, ka bërë kallëzim se më datë 06.02.2015, rreth orëve të drekës, një shoku i tij i quajtur Arjanit Luli (i pandehur) i ka telefonuar dhe e ka ftuar për të pirë kafe.

Ai më pas ka takuar shokun e tij, Arjanitin dhe janë ulur duke pirë kafe te bar “Divina” në afërsi të Liqenit Artificial Tiranë.

Pas disa minutash, Arjanitin e ka telefonuar i pandehuri Elvis Karoli, të cilit Arjaniti i ka treguar se ku ndodheshin dhe e ka ftuar që të vinte edhe ai aty.

Në lokal pas disa minutash kanë ardhur të pandehurit Elvis Karoli dhe Klevis Kardashi, me të cilët kallëzuesi i dëmtuar njihet prej kohësh.

Kërcënimi

Ata fillimisht kanë biseduar gjëra të përgjithshme, por më pas i pandehuri Klevis Karoli i ka thënë Arjanitit se dispononte çelësat e një apartamenti në afërsi të Kodrës së Diellit.

Arjaniti ka shfaqur interes për të parë shtëpinë dhe ka ftuar edhe kallëzuesin Bregu, që të shkonte me ta për të parë shtëpinë dhe për të dhënë mendimin e tij nëse Arjaniti ta blinte apo jo.

Ata janë çuar dhe kanë marrë automjetet përkatëse ku Klevisi dhe Elvisi kanë hipur në automjetin “Audi Q7”, me targë AA4xxAM, ndërsa kallëzuesi dhe Arjaniti kanë shkuar me makinën e J. Bregut.

Ata janë drejtuar në një pallat të ri pranë xhamisë në Kodrën e Diellit dhe pasi kanë parkuar makinat, janë futur në një apartament në katin e katërt të pallatit.

Në kohën që kanë qenë duke parë ambientet e apartamentit, i cili ishte bosh dhe i pashtruar, ka ardhur një person i maskuar (i identifikuar më vonë, i pandehuri Arben Haxhihyseni) me një pistoletë me silenciator në dorë.

Ai i ka drejtuar armën personave dhe i ka pyetur për emrat. Më pas i ka thënë kallëzuesit “Me ty e kam”.

I pandehuri Arben Haxhihyseni ka detyruar kallëzuesin të heqë rrobat dhe më pas i ka lidhur duart. Kallëzuesi ka vënë re më pas se edhe personat e tjerë njiheshin me personin e maskuar, pasi më vonë kanë biseduar me të normalisht.

Personi i maskuar, sipas kallëzuesit, i ka futur kokën në një kovë me ujë disa herë për disa sekonda derisa është thyer kova.

Aty më pas ka ardhur një shtetas tjetër, i cili njihet prej kallëzuesit dhe sipas tij është i pandehuri Ditmar Reçi.

Ky i fundit e ka fyer kallëzuesin dhe i ka kërkuar paratë për transportin e kafesë që kallëzuesi i detyrohej firmës së transportit, me pronare shtetasen M. Reci, e cila është kushërira e Ditmarit.

Serjani e Ferhati

Më pas, Ditmari ka telefonuar me aplikacionin “Viber” të pandehurin Pajtim Serjani, i cili njihet prej kallë­zuesit.

I pandehuri Pajtim Serjani ka ardhur në apartament dhe i ka thënë kallëzuesit se përse merrej me Ditmarin, kur ai e dinte se pas Ditmarit ishte Pajtimi.

Më pas Pajtimi është larguar, ndërsa personi i maskuar ka tentuar disa herë të lidhet në “Skype” më një person dhe pasi ka arritur të lidhet, i ka thënë kallëzuesit të fliste me personin në anën tjetër të telefonatës, i cili ka rezultuar të jetë i pandehuri Genci Ferhati (që është duke vuajtur dënimin në burg dhe njëkohësisht është vëllai i të pandehurit Elvis Karoli).

Në momentin që kallëzuesi ka folur me Gencin, ky i fundit i ka thënë:

“Hera e parë dhe e fundit që të flas. Për firmën e kafes që ke, 40 për qind do t’i mbash ti, 30 për qind kinezi dhe 30 për qind do t’i mbaj unë me vëllain tim Elvisin.

Nesër do të marrim në telefon rreth orës 09:00­09:30 dhe do të shkojmë te noteri dhe do punosh për ne deri sa të vdesësh. Unë nuk do të flas më. A më kuptove?”.

I dëmtuari i është përgjigjur “Po” dhe më pas personat e tjerë kanë filluar të largohen, duke e lënë vetëm kallëzuesin, i cili është larguar në banesë ku ka ndërruar rrobat dhe më pas është paraqitur në Polici./Panorama

Rikthimi i “humbësve” në krye të PD, Basha shkeli statusin

09:42 Politika

FOTO LAJM/ Kush janë dy burrat që takon Grida Duma në ditë të vështira

17:23 Politika

"Nishani refuzoi shkarkimin e ambasadorit në OSBE, Qeveria veproi sipas ligjit të ri. OSBE s'largohet nga Shqipëria"

16:27 Politika

Mustafa Nano: Rama ka qejf të punojë më “djemtë e këqinj”. Por është tronditës korrupitimi i shoqërisë

15:55 Politika

Shqiptari trondit Gjermaninë, vret vajzën dhe dhendrin e tij

15:36 Politika

E vërteta e aksidentit të poetit Ardi Omeri, plagosi rëndë shtetasen italiane

15:23 Politika

DOKUMENTI SEKRET/ Operacioni “Luani Detar”, ja plani makabër i Hitlerit

15:04 Politika

Turqia do të fundosë Europën!

13:50 Politika

FOTOT/ Protesta në Shkodër kundër masave të qeverisë, Berisha: Nisi revolucioni

12:28 Politika

A është dorëzuar qeveria para korrupsionit?

10:58 Politika